العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
القصة الثانيه (غلا أم العيـــال )
هذي القصة من ضمن القصص التي تم ترشيحها من قبل وهذه القصه الوحيده التي رشحتها أختي سفيرة المغرب
وبناء على طلبها في التلاعب في النتائج عشان تنزل قبل القصه الاخيره نفذنا طلبها لعيونها <<<<<<< تمشي معها الواسطه بقووووه يقول الراوي يا ساده يا كرام 7 7 7 7 سالفتنا وقصيدتنا اليوم عن بعض كبار السن من أفراد المجتمع إلا من الله سبحانه وتعالى رزقه ووسع عليه رزقه وحصل له مكسب في بيعة أو في صفقه جيده أو ورث أو جاه تعويض أو تثمين على قولتهم , قام يخمبق يمين ويسار وش لون ؟( هاه نجي عند مربط الفرس ) ينسى طويلة العشره أم عييله الأوله اللي صابرة عليه هاك الحين يوم فقره وغثاه ويوم أنه هاك الحين يتمنى يركب الحمار وهالحين معه شبح , ويوم أنها هاك الحين إلا ضاموه الرجال تمرط ذهبها وتقول خذ يا بو عيالي لا يضيمونك الرجال رح بعهن وتخرج وسدد اللي عليك كل هذي الأمور نساها ( الله وعلم من اللي كفار للعشير ) المهم قام هالرجال على روحه وتصبغ ولبس صديريه وتزين وطار لأحد هالدير القريبة ويجيب له بنت وهو في سن كبير ( من قل البنات عندنا بس فراغة عين فيكم يالرجال ) المهم عاد انها درت أم عياله وعياله وقالو لها يا أمنا اصبري جزاك الله خير يمكن ما يستمر قالت اللي فيه مالا فيه وتحمق وعاد هي تطلع من طورها ومسيكينه الضعيفه جاها الضغط والسكر وقامت ركبها توجعها كله من هالعرس الله لا يعيده وكل شي يوجعها وعيالها مساكين يركضون بها يوم يودونها لأحد يعالجها ويوم يودونها لأحد يقرأ عليها ويوم يقولون فيك نفس ويوم بلشت الضعيفه وضاق صدرها وتوجس هالحره كل هالسنين هذي وفي النهاية يأخذ عليها وحده ما تسوى على ما قال لكن ربك بالمرصاد وما يغفل . يوم أوفي له مدة بعد ما جابها واستانس واليوم دلت تبلشه مامداه يتم شهر إلا وهي موذيته جب أخواني جب ذاك حط ذياك اكتب البيت باسمي أنت هالحين بديت تصخن ما ادري ويش , عاد قام وراح أول ما هذا للصيدليات ودلا يأخذ علاج وما ادري ويش ويروح للطبيب العربي ويعطيه يوم سكر ويوم عسل ويوم علاجات وذا لكن ماتستمر الكبير كبير ما فيه فائده ( يا شين الشياب اذا بغو يتشببون يجنون على انفسهم ) المهم يالربع ما لكم بالطويله عقب مده ما درو عياله إلا يوم أنهم اتصلو عليهم المستشفى الفلاني وقالوا ترى أوبوكم طايح عندنا وتعالوا الحقوا على أبوكم أنه تعبان وبراطمه يابسه وما عاد يقوى يقوم راحو له عياله ودلوا يعالجونه لين بدا يخف . عاد يقول الشاعر على مثل هذا اللي مثلاَ يجيه تعويض أو يجيه شي ..
يا ناس محدن على الشيبان هذي يشير= اللي رزقه الوالي بنعمــه ضافيـــه قولوا لبعـض العــواده يتركون الهديــر = خــلوه يرتــاح وام عييلــه كافيـــه أشـــوف من جاه تثمينه بيـــوم يطيــــر = يلفي على ديــره سكانهـــا حافيــه ناس تجيب المــره للعـــود باللي يصيــر = لو حالته من سنين الكبر متلافيــه و إلا لفى جـاب له عــذرا شنـــاح نظيــر = عذرا تسود الجمال بجسمها وافيه يقول بارك لنا في هالغـــزال الصغيــــر = ولا قول جعله مبارك جيت اللافيه يافــلان عـز الله أنك بالعـــذارى خبيـــر = هذي تسود الجمال وشوفها عافيه .......................................................... = ........................................ .......................................................... = ........................................ مسكين يامن تــوهـق له بوضـع خطيــــر = وراه ما ارتاح والأيــام متقافيـــه هذه القصيدة للشاعر مرشد البذالي . وسلامتكم وتعيشون
|
#2
|
||||
|
||||
الله يعطيكي العافيه أختي النجديه..
بصراحه كل قصه أزين من أختها..والأروع طريقتك المميزه كالعاده.. وتستاهل أختنا السفيره..
|
#3
|
||||
|
||||
النجدية امحق تلاعب وحنا وين نروح اركدي ابرك لك0
تصدقين تصلحين بالمفوضية اللي تشرف على الانتخابات العراقية اجزم ان النتائج رايحة تكون وبعد مايركد الرمي الله يستر مايشوفك السفير الامريكي بالعراق زلماي خليل يحطك مع قائمة الائتلاف تصوري جالسة مع عبدالعزيز الحكيم لا وتهذرين عليه بسواليف الاولين 0 نرجع للمشاركة اقول في واحد من قديم قدييييييم امغطي الياء الى الخرخير يقول كل شيء يقال منه بس وبعض هالقرنبع من الشيبان مايصلح لو تودينه لشركة جنرال موتور بيقولون ميؤس منه ومع ذلك عنده طموح 0 اقول ترى تدخلنا بحياة الناس الخاصة بكيفهم يسون اللي يبون والله يوفقهم الظاهر انك تورتطي دخلت جو الديمقراطية وتوهقتي يالنجدية 0 اقول الله يبارك بجهودك على توسعة الصدر بهذه القصص الرائعة فعلا اجد المتعة بقراءة ماتكتبين الله يوفقك 0 اخوك جهام
|
#4
|
|||||||||||||||||||||
|
|||||||||||||||||||||
ما وداهم في داهيه الا هالطموح ههههههههههههه مشكوووور اخوي جهام على هالمرور الرائع والتعليق الجميل وتسلم على هالحرص الدائم في الردود على مواضيع هذا القسم يعطيك العافيه ياخوي وما قصرت
|
#5
|
||||
|
||||
خلي البال
* * الاروع ياخوي هو مرورك الرائع يعطيك العافيه وماقصرت
|
#6
|
||||
|
||||
وين سفيرة المغرب ما بعد جت
|
#7
|
||||
|
||||
الأخت النجديه يعطيك العافيه
ودي أسالك عن محاوره دارت بين ولد وأبوه عندما تزوج أبوه بنت صغيره إذا تعرفيناها كامله والأ أحد الأخوان بالمنتدى يجيبها لنا ودارت بينهم محاوره ومن ضمنها قول الولد اتركي الشيبان يا سمر اللثايم ,,,,, من خذت الشيبان ترضى بالمهونه تسمعين حركته إن جاك قايم ,,,,, تسمعين حركته وقراع شونه ميت عمره عليه الطير حايم ,,,,, مثل عفش في الرماد يقلبونه ورد عليه الشايب بدري إن شاف السمار جاك قايم ,,,,, ما يجنب لو تطقه في عيونه شيفته رجال ملعون الرسايم ,,,,, مير فيه من النساء عرق يخونه ؟؟؟؟؟؟؟؟؟؟؟؟؟؟؟؟؟؟,,,,,, يتعطر وتعطر فيه بونه ؟؟؟؟؟؟؟؟؟؟؟؟؟؟؟؟؟,,,,, من كراوي مكوته ركب سنونه ومشكوووووووووووووووره أختي النجديه
|
#8
|
||||
|
||||
الطرررررررقي
* * مشكووور ياخوي على المرور الكريم وان شاء الله راح نبحث عن طلبك او ان شاء الله يفيدنا احد من الاخوان او الاخوات يعطيك العافيه ياخوي
|
#9
|
|||
|
|||
قصة حلوة بس مستهلكة كثيرا بالمجتمع وشفناها كثير بالمسلسلات الخليجية (تردجيا)على قولتهم
|
#10
|
|||
|
|||
جزاك الله خير
هذا الرجال يبغى يخضر قلبه مثل ما يقولون اخوانا اليمانية يظن انه اذا تزوج له صغيره بيرجع شباب مرة ثانية ما يدري انها بتعجل به الى قبره ( الاعمار بيد الله ) وتسلمين يالنجدية
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |