العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
طبخة : من مطبخي وبيدي [ البيض المقلي ] .. ツ
في البداية : أعتذر للأخوات الطبّاخات عن عدم استطاعتي مجاراتهم في فنونهم في الطبخ .. ويسرّني أن اقدم لكم الطبخة التي أنا ماهراًَ فيها مرا مرا .. الصورة رمزية وليست حقيقية . . الصراحة نظراً لأن بناتنا الله يعطيهم العافية ينامون من بعد الفجر إلى صلاة الظهر ( هذا أن تسانها تصلي .. ) ( وأن تسانها فالتها فلاتقوم إلا المغرب ) .. ومعتمدات على الشغالات في الطبخ والكنس والغسيل وخلاف ذلك مما يجب عليهن ومن واجباتهن المنزلية .. فقد آثرت أن أعلّم الجميع بهذه الطبخة اللي أتمنى أن تفيد الشباب العزوبية .. وأخواتي البنات العزوبيات بعد يمكن الكثير منكم يستسهل هذه الطبخة وهي في الطبيعة تحتاج لمهارة شيف زيي مثلاً فمعاً إلى محتواها : " المقادير " 1ـ قلاية 2ـ زيت النخيل ( عشانه رخيص ) أوفر صدقوني . 3ـ فرن غاز .. الكهربائي ماينصح به إلا وقت الضروره .. 4ـ عدد 4 بيضااات ( طبعاً حسب المدعوين .. مثلاً أن تسانه عرس يمكن تحتاج ثلاثمائة بيضة تقريباً ) 5 ـ ملعقة وياحبذا ماتكون بلاستك .. وعادي تكون خشب .. 6ـ إناء فضي ( وألا غضارة حسب المتوفر ) ( حتى لو طشت عادي إذا كان عرس ) 7ـ ملعقة صغيرة ملح .. أو كبيرة حسب الذوق .. 8ـ صحن حسب الطلب .. عشان نحط فيه الطبخة " الطريقة " أول شئ البس دسوس إذا عندك دسوس وإذا ماعندك عادي ولن يتغير في الطعم اللذيذ شيئاً .. ثم أغسل البيض جيداً حتى تشوف وجهك في قشرته ( بالعربي الفصيح خله يلق ) ... شغل الفرن وضع القلاية فوق الفرن وصب في القلاية شوي زيت وخليه يغلي .. ويغلي .. ويغلي لين تحس أنه أحتر مره .. وحركة على جميع أجزاء القلاية .. أفقش البيض أعلاه في الغضارة او الإناء الفضي ( راجع المقادير ) وحركة جيداً بمعنى آخر أخفقه .. اخفقه .. أخفقه .. ( عشان مايطلع بيض عيون .. اللي بنتعرف عليها في الطبخة القادمة بمشيئة الله ) .. بعد ذلك ذر قليلاً من الملح على البيض وأرجع حركه جيداً لفتره تقارب خمس دقايق ( يبي يتعبهم ) .. حط البيض في القلاية وأنتبه يطش عليك الزيت ويوسخ ثيابك .. أو يحرق أصابعك <-- التحذير للطباخين الجدد .. ( يوه نسيت أقول في المقادير مريول .. يستحسن استخدام المريول ) .. بعد ذلك قلّب البيض حسب ماتريد مره فوق ومره حدر ومرتن على جمب .. لين تشوف البيض نضج وبدأ في الاصفرار .. بعد ذلك كب البيض في الصحن وقطع قطع خيارات على جانبي الصحن ( ماحطينا خيار في المقادير مراعاة للظروف المادية لبعض العزّاب ) ... وبعد ذلك قدّم الأكل لضيوفك .. وبالهنا والشفاء .. وقريباً ساقدم لكم أفضل منها وهي طبخة الشكشوكة وأسرارها .. على فكره بعد الأكل أغسل يديك جيداً وتحمد الله على النعمة .. ولا تنس البسملة في بداية أكلك <--- دايم مايذكر البسملة إلا وهو يغسل يديه الشيف / بدوي بكرتونه ツ --------------------------- ملحوظة : عشان ما أحد يقول إني ناقلها من أي مطبخ آخر تراني طارحها عام 2004 في أحد المنتديات وهذه القصاصة
|
#2
|
||||
|
||||
ههههههه يالبى قلبك ع الطبخة
بس تصدق صعبة مافيه أسهل تسلم الايادي اللي طبخت واللي كتبت توي فهمت النفس في الطبخ
|
#3
|
||||
|
||||
منت بسهل يابدويـ
وبالعافية على قلبك
|
#4
|
|||
|
|||
هذي اسهل واسرع وجبة للكل
يعطيك العافية على الطريقة بالتفصيل نبغى صورة وانت عاملها وحاط عليها اسمك او الصورة الرمزية عشان نشوف انتو تعرفون يالرجال تطبخون
|
#5
|
|||||||||||||||||||||||||
|
|||||||||||||||||||||||||
هههههههه وقلبك ياجي جو <--- اسم الدلع حق جيتك أدري صعبة وفيه ناس كثير يعرفون يأكلونها بس مايعرفون يطبخونها قلت نعطي الرفالا دروووس ههههه وتسلم أصابعك على الرد المحفز وفتح نفسي أنزل طبخاتي هون عاد نفس عن نفس يفرق ياجيتك وأسعدني تواجدك بدوي بكرتونه
|
#6
|
|||||||||||||||||||||||||
|
|||||||||||||||||||||||||
توّك تدري ياغريب أن ماني بسهل ههههه
بس ولو أحسّك راعي طبخ وحركات .. يابن الحلال نبي شئ من إبداعاتك جنب الفرن ههههه والله يعافيك ويعافي قلبك ياغوغو <--- اسم الدلع حقك شوي ثقيل ههههه بدوي بكرتونه
|
#7
|
|||
|
|||
الله يعافيك ..
تصدقين من بعد مانشرتها في منتدى حق طبخ جاءتني استفسارات كثيرة عن سرّ أتقاني لها .. بالطبع أجبتهم بإن ذلك من كثر الممارسة .. والله مشكلتي جوالي الكشاف بدون كميرا وألا كان تأمرين أمر .. إن شاء الله مستقبلاً .. أبنزل صور من طبخاتي .. بدوي بكرتونه
|
#8
|
|||||||||||||||||||||||||
|
|||||||||||||||||||||||||
أجل جاتك استفسارات عن الطبخ اهاااا. . جوالك كشافيابكاش وانت تاجر ..ودي اصدق بس قوية هههه اقول يابدوي مو انت تقول انك تحب التصوير الحين تقول جوالي كشاف.. علينا.. قول ماتعرف تطبخ .. او ماتعرف تصور ههه
|
#9
|
||||
|
||||
يعطيك العافيه
عاد جتك مريم نور بتقول ليكا على كم ملاحزه ملاحظةوبين قوسين ملاحظه خيو زيت النخيل موب زين خليك على زيت الزيتون او الزبده او زيت دورا الشمس اصح لك وش تبي بالرخص على حساب صحيطك والبلاستك الله يهديك لاتحرك فيه ولا تستخدمه ابدا بالطبخ والاكل الساخن وياعل عمرك طويل يابو بيض
|
#10
|
||||
|
||||
بلآ شك إن البيض مفيد جداً ولآزم يومياً تبدأ فيه يومك
وطبخه جميله سلمت ي بطل
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |