|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
29-03-07, 04:14 AM
|
||||
|
||||
عزوبيه فتاة..
السلام عليكم ورحمه الله وبركااته:
بقـولكم قصتي مع العـزوبيـه يـوم كنت أفكر بالـعرس لـكن تحطمت آمالي وبـاءت محاولاتي بالفشــل لحــد يلومني لو دورت العرس أنواع الكـرف في البيــت الإهانات من كـل مكــان دايم أحس إني شغاله في بيتـنا  الغســيل علــي والطبــخ علـي هــذا غـير دراستي مليــت مليــت مليـــت السـاعه 7 صباحا : أمي : شوفي الصحون حقت العشـاء أمس بالمطبــخ روحي غسليـها  الوالد : روحي أكوي ثوبي بسرعه بروح الدوام أخوي الكبيــر : بروح الدوام وأبي غرفتي نظيـفه فاهمه أنا  : وش فيـكم أنتم أنا وراي دراسـه بروح الجـامعه إنشالله أجيب شهــاده وأفتك منكم ...الجميــع بصـوت واحــد : قولي إنشالله تعرسيــن ونفتك منــك  ومـااخبي عليــكم اني كم مره قررت أنحــاش من بيتــنا وجمعت أغراضي وانا مقتنعه إني اترك هالبيــت إلي مـاقد حسيــت فيه إني بنــت  لكــن أبوي يجيبني مع شوشتي ويرجعنـي للبيت للغسيل والكرف ويقـول مافيه طلــعه من البيــت إلى لبيت رجلــك  في هذه اللحــظه ...... قررت أتزوج بــاي طريــقه كــانت .. مشرووعه غيــر مشرووعه المهم إني أتزوج أول واحــد هي خاربه خاربه  لكــن فيه مشكــله الي أنا ماأحب أتكلم فيــها الي هي : شكـــــلي !!  أنا إنسـانه شينه بمعني الكـلمه ( الله لايبلاكم ) كم مره أسمع التعلقيــات من الكــل على شكــلي المسكــين ودايم أقولهم وش أسوي خلقــة ربي ماباليد حيــله الي يقــول وجهـك ينفع كفــر.. والي يقول وجهك يطلــع ريحــه.. والي يقــول ورى وجهك منعفط.. لكني قررت أشغل مخــي وأفكر بطريــقه للزواج غصــب على الكــل  أبوي : فيـه نـاس بيجـون يشوفونك اليــوم  أنا :  أبوي : البسي زيـن وعدلي وجهـك لاتفشليــنا.. ومرت السـاعات ثقيله وانا قدام المرايه أحاول احط كحل وروج زي البــنات ماعرفت وأجلس أخربط بوجهي لين صرت بسم الله الرحمـن الرحيــم ويجــي الرجـال وأبـوه وأنا مستــحيه أدخل بهالشكـل الي يخوف .. وأطل مع الشبــاك وأشووف هالاطخــم الي يهبـــــــــــــــــل .. وأنا الي القط جوالـي وأخذ له صــوره كذا عالسريـع وش رايكم فيــه بالله **************  وأنا الي يطقني الهوجــاس وأفكر فيـه وأتخيل نفسي بالكوشــه ومو متخيــله وش بيصير أبوي : بسم الله الرحمن الرحيم وشذا الوجه أنا : ليــش ابوي : انشالله بتدخليـن على الرجال بهالوجـه انا : عاد هذا وجهي يبيني ولا كيفـه << مسويه أتغلى وأدخل على الرجـال وأشوف وجهه صار يطلع ألوان يووم شافني حسيت انه وده ينحاش ويطلع بس محترم أبــوي  جيـت وجلسـت جنبه وأحس بنظراته تقول عسى ماتدخل فيني ذي  أنا : كيـف الحال (حسيت انه مافيه أمل يتكلم) الرجال : ................... أبوي : خلاص قومي . وأنا رايحه حسيت انه معجب فيـني وخلاص يبي يعرس علي  يوم جـاء بكـرى الصبـح السـاعه 9 .. أبوي : ترى أهل الولـد اتصلو ويقولون مافي نصيب كله منـك ومن وجهــك أنا : وش دخلـني أنا أذب وجهي بالزباله يعـني  وتمــر الأيام وأنا فيه بيــتنا مـاتغير أي شي قلت لازم أفكر بطريقه أعرس فيــها صعيه اني أجلس في البيــت أحتريه يجي وآخرتها ينحاش مثل ذاك .. وأشوف جهـاز الكمبيوتر بنظره شريره وتجيني فكـره مــواقع الزواج .. وأدخل وأصف اسمي معهم ..  ألاسم : خديجه العمـر 21 سنه هواياتك : الأكل والتنظيف صفـاتك (هذي والله الوهقه) : أهم شي الأخلاق صفات فارس أحلامك : وسيـم ويقدر الحيـاة الزوجيـه وأرسلها وبعد كم يوم تجيني رسـاله على الايميل وأنا الي من الفرحـه ماعرفت أفتحها واشوف مو مصدقه عيوني فيه واحد يبيني خطتي بدت تنجح الإسم : عبدالعزيز العمـر : 25 سنه هواياته : ركوب الخيـل والسبـاحه.. صفاتك: أسمر وطويل ووسيم مواصفـات فتاة أحلامك: أن تكـون خلوقه وعلى قدر من الجمـال ..................... وأجي أضيف ايميله عندي عشــان أتعرف عليـه أكثر .. تم تسجيــل دخـول عزوزي عزوزي : السلام عليكم فتاة في مهب الريح : وعليكم السلام عزوزي : خديجه ؟؟ فتاة في مهب الريح : إيه أنا خديجه عزوزي : أنا ترى معزم اني أتزوجك بس ترى لازم النظره الشرعيـه فتاة في مهب الريح: تعال اخطبني من ابوي وتشوفني عزوزي: قديمه انتي اخطبك من ابوك ماسمعتي بشي اسـمه كـام أشوفك وانتي جالسه مكانك الحين فتاة في مهب الريح : ترى مو لصالحك تشوفني عزوزي : قلت لك أهم شي الأخلاق لقد تم فتاة في مهب الريح في طلب لعرض كاميرا ويـب قبـول أو رفض وأنا الي أقعد اتميلح سـاعه عند الكـام وهو يشوفني ومو مستوعب وفجــأه  أستفرغ على الكـام وتم تسجيـل خروجه وماعاد شفـت خشتــه  أنا تحطمت وصرت ماانام الليل وبس اجلس افكر متى ينتهي هالعذاب والقى واحد يرضى فيـني وأنا جالسـه أبتسي إلا ويرن جـوالي رقم غريب ! وتجيني ذيك الفكره قلت مالي إلا أخليه يحبني وبعدين يجي يخطبني أنا : ألو الغلطـان : هلا والله ممكن أتعرف أنا : بلا قلة أدب ( مسويه أخلاق ) الغلطـان : خلاص طيب مع السلامه أنا : لحظه انت من تبي الغلطـان : ابيك بس شكلك ذووق أنا : انت وش اسمك ( مااعرف اغازل ابد) الغلطـان: أفهم من كذا انك تبين تتعرفين علي أنا : إذا عجبتني الغلطان : أنشالله باعجبك أنا : ماقلت لي وش اسمك طيب الغلطان : محمد أنا : وانا خديجه وجلست اتكلم أنا ويــاه سـاعه يمكن.. وكل يوم صرنا على هالحــاله استمريت أنا وياه لمدة شهــر والرجـال بدا يحبني محمد : خدوجتي أطلبك طلب وماترديني انا : آمر ياعيون خدوجتـك محمد : معليش اشوفك أنا : هاه ليش محمد : يعني حرام الواحد يشوف حبيبته أنا : ايه حرام بس انا الي يشوفني لازم يتزوجني محمد : لو تبين جيت خطبتك من الحيـن أنا : ايه ابي محمد : تم ......................... أبوي (رجع الموال ): ترى فيه ناس بيجون يشوفونك اليوم أنا : أدري أبوي : وشوووو  أنا : هاه قصدي اني توني ادري ابوي : طيب قومي البسي زين مو مثل ذيك المره ولا ترى بتغسلين الحوش أنا : انشالله  ...................... وأروح الكوافير هالمره واتزين على سنقة عشره واحس الكوافير تقول وجهك ماله حـل  وأدخل على أمي .. أمي:كلووولووويش وش هالزين انشالله نفرح فيك يابنيتي ..  أنا : ..................... (مابي اتكلم اخاف يخرب المكيـاج) أبوي : لحوول وشذا المكياج الكثير امشي عساك تعجبينه  وأدخل هالمره وكلي ثقــه  محمد : يشرب العصير الي انا جايبته  أنا : عجبك العصير محمد : أكيد مدامك انتي الي مسويــته  أبوي (شك بالوضع حس اني ماخذه عليـه وهو ماخذ علي ) : قومي أطلعي خلاص  ......................................... وتمر الايام وأنا واثقه تمام الثقه ان محمد مستحيـل يرفضني وهو يحبــني أبوي (يكلم امي ) : بنتــك فشلتـنا ماحد يبيها وجهها ماينشرى ولا بريال أمي : هذي هي عندك قوم أكفخها  أنا ( جيـــــت مسرعه لاأبوي ) : ليش وش الي صـار  أبوي : الرجـال مايبيك بتجلسين بحلقي طول عمرك هذا الي صـار  أنا : ليش كل النـاس مايبوني وش ذنبي ياربي بسس كل شي سويتــه  وانقز لغرفتي أخذ جوالي وأدق على محمد أعرف منه السالفه ليش مايبيني ((((((( إن الرقم الذي طلبته غير موجود بالخدمه طووط طووط طووط)))))) قررت أني ماعاد أفكر بالعرس عرفت إن مالي حــل غير أغسل وأنظف وأكرف قررت أجلس في بيتنا الي مالي غيره ولا عاد أفكر أنحاش بعد كذا وعرفت إن الشباب كلهم مافيهم أحد بايع عمره ويتزوجني عشان كذا مـالي ألا أشيل الموضوع من بالي ورحت للســطح أشكي للهــوى همــي .. كل البــنات أعرسـو وأنا للحين عند أمي  تحياااتي.. ماخذه الدلع كله.. م_ن_ق_و_ل
|
|
#8
29-03-07, 07:44 AM
|
||||
|
||||
خخخخخخخخخخ
و الله حاله الله يعين
|
|
#9
29-03-07, 08:52 AM
|
||||
|
||||
|
الله يصلحك كان نزلتى شعرك على وجهك وانت داخله وتناظرين الارض وحاطه ذاك العطر بينهبل وهو بعد ماشاف تقطيعك
جربوها يابنات وادعولى
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
