العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
.. ][ ليــــه ][ .. ! ! ؟
سارة فتاة لم تتجاوز الثانية والعشرين عرفت بصلابتها .. شدتها .. بجدها .. يضرب بها المثل بالحزم خااصة مع الأطفال أصبحت أداة لتخويفهم يعني [ بعبع ] البزران .. مثل : ( 1 ) رغد [ والدموع أربع أربع ] / يمه وين بتروحين الأم / بروح للسوق [ وقبل ماتعطي رغد فرصه تتكلم ] ومنب ماخذتس معي رغد / طيب يمة مين بيروح معتس سارة ولا نوف الأم / بتروح معي سارة رغد وبقدرة قادر تبخرت الدموع وتفك خشتها ولاشعوريا تطلع سبرنقات رجلها وتقعد تناقز وتقول / طيب مع السلامة يمه ولاتنسين تشرين لي ثوب عزيمه [ هالبزران اي ثوب جديد اسمه ثوب عزيمه ] ( 2 ) في السيارة الكل متزاحم والبزران مرصصين وورى وصياح وهواش كلن يبي يجي قدام احد الأمهات / خلاص اهجدوا قربنا كلكم بتنزلون [ ياحبي لها اجل واحد الي بينزل ] البزران مازااالو على صياحهم ونيااحهم رغد/ يووووووه شوفوا خويلد يحط رجله علي أبي أجي قدام عندكم << قوليها من أول سارة/ يالله طبي رغد/ بعد مانصفق وجهها يوم سمعت صوت سارة / لا لا خلاااص كنا نلعب أصلا ( 3 ) الأم / يالله شوفوا الساعة كم ولانمتو ا للحين بعد لين ثلاثه والي اشوفه قدامي مهب نايم جنبي ( البزران ولاكنهم سمعوا ماغير طردي ومناقز على الفرش ) الأم مغمضة عيونها وتعد وااااااحد .. اثنـــــــين .. ثلااااا ثلاااا ثلااااثة ( وتفتح الأم عيونها ) وهم على ماهم عليه [ بس تفاجئت بوجود فنيله على يدها ] وبعد فترة اكتشفت أنهم يحسبونها علاقيه يعني لاحياة لمن تنادي الأم / هذي آخر مره بعد واللي أشوفه هنا بطقه ( ياحبني للامهات وتهديداتهم ) وتبدأ بالعد واااااااااااااحد ثنيــــــن ثنيـــن ونص ثلااااااااااثه ياااااا سااااارة تعالي شوفيهم ماناموا البزران ماغير تشوف غبرتهم وتسن كهرب ميتين وعشرين نافظهم . واندسوا في فرشهم وغمضو عيونهم . . يعني من هالأمثلة عرفنا سارة عن قرب .. وتأكد لنا مدى شدتها على الأطفال .. يعني قلبها خااااالي من الرحمة .. خااااالي من العطف .. خاااااالي من الحنان .. خااااالي من الكلسترول << ياكثر اخوالتس كثراه طبعا هذا مب موضوعنا موضوعنا كله بهالمثال المكان في السيارة كان الشارع فاضي تقريبا وكانوا واقفين عند الاشارة .., فجأة يصرخ عبد الله شوفوا شوفوا .., الكل التفت ( سيااارة توها منقلبة والغباار مالي المكان واحد من الركاب يحاول يطلع ) تصرخ سارة وهي ماسكة عبرتها / عبد الله لايكون فيها بزران , بسرعة اتصل على الإسعاف مع مع معقوووولة سارة اللي قلبها خالي من الرحمة والـ......ألخ , أول مااخافت خافت على البزران !! . . .. ليــه .. ليه نخفي مشاعرنا وطيبتنا تحت مانسميه بالشده ليه نتظاهر بعكس اللي في قلوبنا .. ونوهم قلوبنها بالقساوه الأطفال ما يستاهلون كل هالشدة والقسوة .. الأطفال محتاجين حنان وسياسة في التربية يعني هذا إحساس بالنقص اللي نظن مايكمله الا الحزم والشدة .. ! ما أقول أن الحزم ممنوع وشين وأنه وأنه . . بالعكس بعض الحوال ماينفع معها الا الحزم والشدة وطبعا التفريط في الحنان والدلع الزايد اللي ماله داعي يخرب البزر يعني نجمع بين الاثنين ولا نخلي شي يطغى على شي و ( خير الامور أوسطها ) بالله ماودكم بسارة في العزايم تظف البزران .. ووقت النوم تهجدهم
|
#2
|
||||
|
||||
يعطيك العافيه
|
#3
|
||||
|
||||
والله احياناً ودنا بمثل سارة
خصوصاً لا هبل بتس بزر من هالبزارين اللي ما يسمعون الكلام بيني وبينتس احياناً اصير سارة بالبيت بس مو شرط أن قلبي خالي من الرحمة أو أني ما اخاف الله فيهم لكن الأمر احياناً يتحتم أني اكون سارة خصوصاً لا شفتهم يطامرون على الكنبات ويكسرون ويخربون بالبيت مشكلتي أني ما اتحمل اشوف الحوسه يا مااال الثانكيوووو يا الغالية طلعتي اللي قلبي |
#4
|
|||||||||||||||||||||||||
|
|||||||||||||||||||||||||
ويعافي قلبك حُبي
|
#5
|
||||
|
||||
Thank you
|
#6
|
|||||||||||||||||||||||||
|
|||||||||||||||||||||||||
ياهلا فيك مهرة صحيح معها حق سارة لأن بزران هالوقت مايمشون الا بالعين الحمرا بس سارة موريتهم القلب الاحمر و أكيد الشدة مطلوبة والمفروض أنها تصير موجودة بس ماتصير هي الأسلوب الوحيد للتعامل لان الشدة ماعمرها ربت وبرضو ماعمرها الرحمة ربت منورة مهرتنا
|
#7
|
||||
|
||||
يعطيك العافيه على موضوعك ونشاطك
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |