العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#11
|
||||
|
||||
يالله اني طالبك ليلن هواه فيه من نوع الهداوه والركود وفيه من عشب الربيع ومن شذاه العصير إليا تثنا كل عود في طرف روضن قفر محد وطاه له ثلاث اشهور ودانه يجود الدكاكه والتريبي من وراه عثعث مقطاع صلب من نفود من تمشى فيه يبطي ما نساه لو يزور الهايد بارك واجوانرود مير والله ما على الدنيا طراه كان مالك مع هل الذيدان ذود والله انك ما تلذذ بالحياه فالوجود وكن منت بفالوجود الغناه بدونها ما هي غناه لا تنقض بالحياه ولا تزود اللبل تزود الرجل سمعه وجاه واللبي ما يشقابها ما فيه فود مهما قالو طيب اكثر من رداه ومهما طاريه مع الناس محمود حتى لو هو غالي ينقص غلاه كان ما يعشق مواريث الجدود
|
#12
|
||||
|
||||
ياسمي الظبي قلبي فدوتلك فدوة اخلاقك قبل يفدا جمالك وروحي اللي يابعد روحي تجلك كلها ترخص لأجل لحظة وصالك ودام راسي حي والله مايذلك لا الزمان ولا الرخوم ولا المهالك ومايحلك هم والله مايحلك دام انا موجود فال الخير فالك واطلبي ماتطلبينه ويحصلك وانقليني من يمينك في شمالك والله اني ياحياتي ما املك لو يمل مصاحبة جسمك ظلالك انت كلي ليتني كونك وكلك يابعد قلبٍ من الاشواق هالك كل ليله في ضلوعي يحتفلك وكم بلحظة طار من جسمي وجالك يابديع الوصف ماني كاتبلك وصف جسمك اوعيونك اودلالك خايف ان الشعريالغالي يزلك مايجي دقيق في وصفه خصالك بس ودي اختصر قولي واقلك انك اكبر يالغلا من كل ذلك مدري انت الزين والا الزين حلك المهم ان الحلا كله حلالك .
|
#13
|
||||
|
||||
يعجبني الجيب لاضاقت بي الديرة=دقيت سلفة وأقضي ماطرى بالي جديد توّه من المصنع مصاديرة=حرام ماحرجة بالسوق دلالي جابوه مدفوع للجمرك فواتيرة=على البواخر كذا شحنات متوالي مهندسة صممة وأحسن بتطويرة=متواصل الجهد في علمه والأعمالي حاز الشهادات في شكرة وتقديرة= موثوق من خبرته ماهو بنقالي أفنس خشم عيشته بيرة وخنزيرة= من قوم عن دين ربي مالهم والي سلمّ وكيلة تفاصيلة وتقريرة=وإعلان رسمي بلاش القيل والقالي تباشروا به عقب مدة جماهيرة= ماكنه الأ ملك في غيبته طالي فيه المزايا عديدة يالله الخيرة=ماخذ على رزته صفات الأبطالي مخطور لامن زهمته ينقطع سيرة=حين أستلمت القيادة كني الرالي وقامت تقادح على الطرقة مواطيرة=تقول ذيبٍ حداه الجوع عزالي في سرعتة حر وافي من مواكيرة=لامن تحدر بشوف الخرّب من عالي وحش الصحاري بلاش الهم والحيرة=وأضرب على الكايدات اطعوس وجبالي فالبر عجة تتالا به معاصيرة=لافر ويله هل المقناص تهتالي الواقي الله من الشر ومعاثيرة=بالخط مايتعبك لاصرت رحالي ولاصار وجهتك مكة فضها سيرة=لاتوقف الأ تعبيّ مخزنه خالي يطوي دروبه ولو طالت مشاويرة=مايشتكي لاحسبناها بالاميالي خل عنك اللاند وماغنت شواعيرة=حتيش يامركبة لو السعر غالي خسارة ابشريته وأغراض تغييرة=رزة شكل ماش فزة شين الأفعالي أخص جيب السفاري مانبي غيرة=تفداه كل المواتر أول وتالي
|
#14
|
||||
|
||||
شوف المزن يبري القلب والروح = كيف لاطاحت هماليل الامطار ارقب سحاب الصبح قبل مايروح = واخيل منها فيل تتعدى لها ديار ولياركزت تسقي قاعها والسوح وتروي فياض بعد عجات وغبار عز الله أفرح والدموع سفوح = ودمع عيني يجري كنه انهار انا الوسم وحالي ياناس مجروح = وحبي للمطر مايوصف ويندار وثوبها اخضر وحالها صار مفضوح = والطير غرد ينشد الصوت سمار يارب ينزل الخيردوم مايروح = ويبقى علينا دوم المطر مدرار وصلاة ربي عد سالم ومسروح = على رسول الخير محمد المختار
|
#15
|
||||
|
||||
. ياظبية البيداء ملكتِ فؤاديا وسحرتي عيني بل جميع كيانيَ واحتار لبى في جمالا باهرا وجها تلألأ مثل بدر سمائيَ إني قتيل في هواكم هائما وشهيد قولي لو نظرتِ لحاليَ دوما أسائل عنكمُ نجم الدجى يا ليت شعري لو يجاب سؤاليا كل بمن يهوى فؤاده ساليا وأنا بعيدا من هواه فؤاديا إني أحبكمُ وحبي صادقا والله يشهد إن حبي صافيا أهنا بقربكمُ وتسعد دنيتي وفراقكم فيه أشد بلائيَ زادي وشربي حبكم ويفوقه أيضا بلا شك أقول كسائيَ أنتِ ربيع العمر أنتِ خريفه أنتِ الأماني وأنتِ كل رجائيِ أنتِ الشقاء وأنتِ أيضاً حزنه كلا وربي بل سعادة باليا كل الغواني ليس لي بها مطلب والقلب لا يرجو حبيباثانيا أنت لوحدك من رجوت لقائها هلا رجوتني أو رجوتِ لقائيَ؟ جودي بوصل يا بُني فإنني للموت حتماإن بخلتي لماظيا .
|
#16
|
||||
|
||||
(( يموت الشجر واقف )) يموت الشجر واقف وظل الشجر ما مات رياح الدهر تصرخ وهي تجرح جنوبه لك الله شجر للموت ما ترخي الهامات بقت وقفتك يا رافع الراس مهيوبه شجوني لها مع وقفتك يا شجر وقفات عيون النظر مع نظرة الفكر مصحوبه شموخ الشجر عبره لمن يفهم الشارات و الانسان في غفله و الايام محسوبه ارد النظر لاشك يا نظرتي هيهات أبا ستوعب العبره بالاشجار مكتوبه و انا يعتريني ضعف الانسان والهقوات أروم العزايم يوم وايام مسلوبه
|
#17
|
||||
|
||||
تــوه وحش مــاتعــود لبســـــة البرقع
شيـهانة(ن) والهــوى شلــع ببرقعهـا وعيونهـا ناعسه والكحــل فى المدمع وشقــر الجــدايل عـن عيـونه يرجعــها والقــد رويـــان واللـــولــو بهـــا يلمـــع واردافهــا لبسهــا ماعــــاد ياســعـهــا غــره زمــانــه وفي خـلـق الله بيــرثع يـاليـت من هـو يــنـاصحهــــاويقنعـهـا عليــه تـــاج الجمــال وفيـه متـــــــربع بيديه ساسـه وروس الـزين جامعهـــا كل الغنــاديــر لـو تخلــط ولــو تجمـــع ماساون انفاسها في وسـط برقعـهــا حســبي عليهـا ورا بقلـوبنــا ترتـــــــع ماخـافت الله قلـوب النـاس تشــلعهـــا زلــت بي الــرجــل لاتمــشي ولاترجع والنفس من نظرته بالغصب طوعـهــــا عسـاه من حالتــي وســط الملا يجزع ويــرد قـلــب شــرايينــه يمــزعهــــــا ماشوف غيره ومن عذالها مأسمــــــع يالله مـن عيـون شـر النـاس تمنـعهـا ياناقل الطير حـــذرى الطــير لايطلــــع الناس وجعـى وزدتــوا في مـواجعها وتوه وحش ماتعـــود لبسـة البرقـــــع شيهــانة(ن) والهــوى شلــع ببرقعهـا
|
#18
|
||||
|
||||
هذي قصيده لمتنبي عتيبه الشاعر الكبير بندر بن سرور رحمة الله يـاراكب اللى عارف (ن)مبلغه بــيش = عـزاه للـمفـلـس يمـره عـلـى مــاش مـايشــتريه اللى امورة تنـــاويـش = متــعند راعيـه يبغـى الثـمـن كـاش مـازاودوـبه بـالحـراج المــغاشيش = ولا دخل التصليح فى وسط الاوراش جديد مـا تـلــقى بــديه نـــقارـيش = تـو البـواخـر حـولـتـبـه مـن الـطـاش جمس حمر مايستــوى للـدراويـــش = يـجـوز لـغــلام(ن)نــصـوب وبــنـاش بطران مايدرى علـى الجمـس حتـيش= لو كان قـدامـه بـطـانـيـج واحــراش كنه غريق(ن)شافق(ن)لقطت القيش = والا سكير(ن)شارب(ن) خمسة اغراش ولا تـقول مـهـرب بـالـطلــب حـيـش = حـمـله حشـيش وراكـبه تـقل حشاش حـدوه مـن لـبنـان حـمـر الـطرابيش = واقـفى معيف بتـالى العمر منـحاش اربـع مـفارز بيـن جندى وشـاويش = والـكـل منـهـم قـام يصـلاه رشـاش قـفـى مـعـيف ولا تفيد البخاشيش = يب تنـصى اخـوات صـيـته بالاوباش يـهوى مع البيدا كما ناقض الريش = او مـثل جـول(ن) لـلـثميـلات عـطـاش ويـلمـع كمـا لـع المزون المراهيش = اومـثل عـبــرود(ن) تـــولاه نــتــاش ويسـرى كـما التيار لاركب الفيش = ولا كـمـا لــمـح الـمصـور بـالافـلاش
|
#19
|
||||
|
||||
قال الشاعر يالطلح مامرك مع الصبح صافـي طيرٍ غدا لي امس والشمس حيه اتلى العهد به راح يطرد مقافـي خبري به اوما في جناحه هنيـه . . (ورد الطلح) . . لاوالله الا مرنـا العصـر وافـي كنـه غـلامٍ مستغيـر بهـيـه اقبل علينا ثـم اخـذ بانحرافـي يوم الحباري وقعـن لـه سويـه . . (قال الشاعر) . . يالطلح قل لي عل مابـه خلافـي البارحـه بـرد وشمـالٍ قويـه كانه تعشى قلـت علـه عوافـي والحي يجمعه الولي مـع خويـه . . (ورد الطلح) . . لاوالله الا صـاد خـرب متعافـي واخذ عليه من الثنـادي شويـه لامفلـسٍ مـره ولاقـال كافـي يوم اخلفنه عـن عشـاه حقبيـه . . (قال الشاعر) . . خابـره والله قاطـعٍ مايخـافـي دايم على الصيده تجي له حميـه انشدك باللي منبتـك بالسوافـي عساه فـي خيـرٍ ولافيـه سيـه . . (رد الطلـح) . . خبري به اقشر في سبوقه خلافي مابه بلا وامرح على هالحصيـه والفجر شخّص بالنواظر وشافـي طلعـه بعيـد ويمتـه ساحلـيـه . . (قال الشاعر) . . يالطلح ذا حبـه ولاهـو بخافـي متعـادلٍ حبـه بحـب البنـيـه بعض الطيور ان راح قلنا عوافي لاشك هـذا ويـن ابلقـى حليـه . . (رد الطلـح) . . اتعب عليه وعادت الحـر يافـي اضرب سهلها والوعر والشغيـه يجيبـه اللـي رازقٍ هالعجافـي بهايمٍ تمشـي علـى غيـر نيـه . . (قال الشاعر) . . يالطلح لك مني يابو غصن ضافي لاجابـه الله وكـل نيـه مطيـه لاجيك انا في موتر القش هافـي واسقيك هاللـي باقـي بتانكيـه وآطا على رملة سوافيـك حافـي وكلٍ على ماقيـل يذكـر خويـه
|
#20
|
||||
|
||||
ياماحلا طيب الثرى بعد الأمطار ياناس من يصنع من الطيب زية ياطيب نادر ماسعى فيه عطار ولا صنعوه أهل العطور القوية وشلون لاشارك معه طيب الأزهار ريح الخزامى في ديار محمية ياجنة الدنيا ويا سحر ألأنظار الأرض خضرا والزهر بالقنية والبال سالي ناسين كل الأكدار والنفس تلعب مثل لعب الصبية لحظة هنا والقلب من فرحتة طار لاشك ردنـًه ضلوعي عليه هاذي الحياه اللي تربع بالأعمار نسعد بها مادامت النفس حية ياماحلا الجلسة على شبة النار ودلال فيها الهيل والشاذلية وياماحلا بيت الشعر بأرض الأقفار والذود حولة والفرس والمطية محلا قطيع الذود خلفات وأبكار لقرًبوها بين شمس وفية يمشي ورى الخلفات مفرود وحوار حنينها يجلى الهموم الخفية ياماحلا حليبها نشربة حار سكر نبات يقدمونه هدية وياماحلا بالليل لاجوك خطًار وقدًمت مع حلو المذاق التحية والنجر ناداهم على بن وبهار واتجمعوا من كل صوب ونية وشبيت نارك للعشاء تقل مصبار واعطيت صبيان الفريق الشوية وأكرمت ضيفك واهل البيت والجار الجود من جود النفوس السخية محلا رفيف الطير في كف صقار شاف الحبارى بالديار الخلية بين السلوقي وأشقر الريش مشوار تكانفوها لين طاح الضحية محلا النشامى يوم زوغات الأنظار لارزوا الراية وجات الحمية الكل منهم كنة السيف بتار يقبل ويقفي مايخاف المنية مثل الجبل مايهزه الريح صبار يصبر على الشدات لو هي قوية ياماحلا جول الظباء بأرض ألأقفار بين الحجاز وبين نجد العذية الظبي لة قيمة وحشمة ومقدار كلن يعزة عز ربي سمية واليوم له راعي وحارس وسبار ومن صادها ترفع علية القضية هاذي حياة البر في ماضين صار ومازال باقي من زهرها بقية والمعذرة قصرت بالوصف محتار بين الخيال وبين ماقيل ليه قلتة وأنا اللي طول عمري بألأمصار فربوع طيبة في حياة هنية لاشك أحب البر وأسمعلة أخبار وأشتاقله في كل صبح وعشية يالله طلبتك وأنت للذنب غفار يارب تغفر زلتي والخطية وياسامعين القاف في كل ألأقطار
صلوا على المختار سيد البرية
|
مواقع النشر (المفضلة) |
الذين يشاهدون محتوى الموضوع الآن : 2 ( الأعضاء 0 والزوار 2) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |