العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#41
|
|||
|
|||
ياحيا الله القصيميات عاد انا ضيفة اول مرة ادخل مجلسكن ... ماني غريبة ان شاء الله ... بس ماني قصيمية(kk) المهم هاتن القهوة ووسعن صدري تراني ضااايقة مرررة مررررة الله يسلمكن هذا يوم الإربعاء كنت فرحانة وطايرة من الوناسة لأنه آخر يوم للمناهج ..كنت بخلص مناهجي عند اول متوسط وثالث ثانوي وارتاح من وجيههن السمحة وماامداني اطلع من الحصة الثانية الا وتناديني زميلتي تقول المديرة تبيك عندها مفاجأة سارة أنا تشققت من الوناسة قلت اكيد عارفة اني اكثر مدرسة تعبت بالمناهج وخاصة مع ثالث ثانوي واكيد بتعطيني اجازة الاسبوع الجاي المهم وانقز للمديرة اللي استقبلتني بابتسامة عريضة وقالت هلا بالوجه الصبوحي قلت الله يسلمك بس الاسبوع كثير خلي الاجازة ثلاث ايام بس تراني ماني طماعة.. قالت وش اجازته يالغالية الله يحييك؟؟؟ قلت المفاجأة اللي انت مناديتني عشانها... قالت : ماحزرت بنوب:md: انا مناديتك عشان اقولك انك بتكملين مناهج زميلتك اللي خذت اجازة امومة وترى هونوا ماهم جايبين لنا مدرسة بدالها والمناهج متوقفة والامتحانات ماباقي لها غير اسبوع ويلا نبي همتك معنا ماباقي الا خمس دروس نحو وخمس دروس ادب وثلاث دروس بلاغة ودرسين مكتبة ودرسين مطالعة ودرس تعبير بس مايسون لاصجة ولا لجة.... انا وقفت قدامها كذا وعادت بي الذكرى الى النصف الأول يوم بقى على الامتحانات اسبوعين مسكتني مناهج زميلتي الللي خذت اجازة امومة بعد عاد طلعت من عندها مااشوف الارض ومعزمة اروح المستشفى اخذ اجازة امومة.. وبديت اتلقى التعازي من مدرسات المواد المريحة مثل الجغرافيا والتاريخ هاللي بس متسدحات ماعندهن الا خمس حصص بالاسبوع ومخلصات مناهجهن قبل شهر.. ورجعت للبيت وقلت اول واحد يجي وافقوا عليه ترى من اليوم وطالع شعاري الأبدي نعم للزواج ولإجازات الأمومة ... ولا للعزوبية وين الاسكريم خلوني ابرد على قلبي شوي ..... ادري جبت لكن الهم.... بس بإمكانكن تحطن العنوان ( يوميات مدرسة عربي عزابية) دمتم بخير اختك في الله
|
#42
|
||||
|
||||
دخلت الاديبه بسواليفنا
جهزي الزنجبيل يا ام البراطم وانتي يا قصيميه اهووه الكراث تراني خرمان كراث بكره راح نكمل الحلقه حقت العسكريم والموقف اللي صار لي
|
#43
|
|||
|
|||
قصيميه
وسعي صدرتس وانا اختس وكوووووولي لا يردتس الا ضروستس والله ان الاكل يوسع الصدر اذا ضاق صديري تعالي دوريني متربعتن عند الثلاجه عاااااااد اذا صارت عزيمه اول من يقعد على المفطح انا واخر من يقوم انا اقعد اسولف اسووووولف وهم ماغير يتسمعون وياكلن التسلاوي عني :md: بس هقوتي كل ماكثرت من هالاكل طال لساني اما العصاقيل هي هي ماتغيرت شموخ نجمه ياااااوجدي عنتس والله انتس حبيبه(kk) لو اني في مكانتس قلت لها : وانا مكفولتن بهن ماغير يولدن وانا اتوهق بهالبنات بس غيبي وورطيهم على شان تتوهق المديره وتشرح لهم هي علشان تعرف ان الدعوه مهيب سهله والا اقولتس اشرحي لهم واحتسبي الاجر >>>>> ماتعرف تحرش سيف العداله ياااااااااااااذا العسكريم اللي ماطاع ينفص تصدق ذاك اليوم مرت علينا سياره العسكريم بغيت اروحها لبيتكم عشان تشتري لعيالك وتكمل سالفتك وحالفتن ان ماكملتها ان اكملها انا >>>>> حامت سبدها من السالفه
|
#44
|
||||
|
||||
تقل لمحت شموخ مسيره عندنا يا هلا والله ويا مرحبا ترحيبةٍ كلها تراب .... في وجه من يكرهك والا انت محشوم قلبتها مضارب البادية يقول البيت : شب الوجار وخلي الباب مفتوح ... خوف المسير يستحي ما ينادي ويالله صبوا القهوة للحاضرين ويالله اسمعوا هالقصيدة والله ياهي شي وتخلي الواحد يشتهي القهوة والبرد والنار والسواليف اللي توسع الصدر [web]http://www.qassimy.com/sd/sounds.php?mqtaa=248[/web]
|
#45
|
||||
|
||||
بنت الخبر
ونهر الحب يكافي وراكن قاعدات عند الباب بس تويدزن ادخلن وسولفن وعطننا اعلومكن الخاثرة وانتي يا شموخ ماعليتس من المديرة وطيعي شوير ام القطايف تراه ماتضرتس وانا اختس هي تبي تخدم غيبي وورطي المديرة والا خلي اللي يضحكن من المدرسات يمسكن المنهج ولو هو ماهوب تخصصهن بس ورطيهن وانا اختس هالزمن هذا كلن نفسي نفسي وعلمينا وش يصير عليتس ماهوب تهفين ولا ندري عنتس
|
#46
|
|||
|
|||
ايييييييييييييييييييييييييه يالله حسن الخاتمه
وياااالله صلاح العطاء >>>>>>>> مسكت الربابه وجلست عند المشب ذكرتيني ياقصيميه بشايب جيرانا اذا جيت امسح الاسياب اسمعه الضحى يقصد على عجوزه وانا ماغير اتسمع علوووووووووووووووووووووووم انصحكم بس تمسحون الاسياب في الضحى ولاتنسون تذبون اذانكم
|
#47
|
||||
|
||||
انتي وختس قاعدتن تصنتين على شويب جيرانكم :md:
ياللي ماتستحين على وجهتس عيب اكنسي دريبكم وارجعي وانتي اذانتس مسكره الا وش اخبار شموخ مع المديرة اشوفه اسهجتنا وما غير اخذت الزبده وهجت اذا شفتيه ياام القطايق ارسليه لنا تعطينا سواليفه الخاثرة مع المستديره
|
#48
|
|||
|
|||
وووووووووووووووووووويني عنكم
وانا الي ماعندي سالفه رايحه لم مجلس الرجال في ذاك في ديوانيتهم الي فاتحه لهم القائد الأعلى فريق اول بس الحمدلله دليت طريقكم يلا يابنات ابشرو بالحلى والقهوه و العلوم السنعه :md: وشبة النار خخخخخخخخخ
|
#49
|
||||
|
||||
تصدقين عاد اني شرهتن عليتس
وراتس قاعدتن تقرقرين عند الرجاجيل بس قلت يالله بكيفه هالبنت مسترجله والحين طاح الحطب وحطي القهوة وعطينا علومتس الخاثرة وانا اخيتس
|
#50
|
|||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||
تقولينه صادقه طيب وانا شرهة عليك ورى مانصحتين ان شاء الله تجريني مع جدايلي بس انتبهي على الجلال خخخخخخخ خلاص توبه ماعودها
تامرين امر سمي ومطرح مايسري يمري
ابد سهرانه طال عمرك سويت كذا شغله خخخخخخخخخخخخخ بس مانيب معلمتكم خخخخخخخخخخخخخخ تستاهلين وشوله تقولين خاثره لا من جد تصدقين عاد اني جوعانه ومشتهيه بيض على طريقة اخوي يجيب البيض مع جبنة كرفت يبشرها ويخلطها مع بعض على النار ثمن ياكلها ماتشبعين منها بس المشكله البيض خلص شكلي بسوي لي شاهي وبغمس به خبز السلمان
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |