![]() |
العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
![]() |
|
أدوات الموضوع | تقييم الموضوع | انواع عرض الموضوع |
#1
|
||||
|
||||
![]() اول شي حطّوا نفسكم بمكاني بامانة ... اذا انك شاب تبي تخطب أو بنت تبي تنخطب
بكل أمـــــــــــــــــانة علموني موقفكم لو انكم مكاني انا الحمدلله شاب " حول الثلاثين " ورحت خطبت من ناس برّا المدينة اللي انا فيها ... مثلا ً انا في عنيزة .. مثلا ً نقول ... رحت خطبت من الرياض .. أو انا بالخبر ... رحت وخطبت من القصيم زين ... ماشين معي تمام ... المهم انا مازكّي نفسي ... منيب راعي دخان والحمدلله ولاشيشه ولا خرابيط يمين ويسار والحمدلله نوعا ً ما " بيتوتي " ... وظيفتي محترمة الحمدلله .. وراتبها حلو ماشاء الله .. المهم رحت وخطبت من ناس برّا الديره اللي انا فيها ... قالوا لي : والله البنت .. ماودّها تتعدى ديرتها .. وانت رجّال ماشاء الله عليك ماعليك كلام و1000 نعم ونتشرف انكم تناسبونا .. ومن هالكلام ... المهم قلت طيب وش اللي يمنع ؟ البنت وبتصير مستقلة بشقة الحالها ورى بيتنا على طول .. وماراح ينقصها اي شي ان شاء الله .. واللي تبيه تامر فيه .. ! قالوا والله البنت ماودّها تطلع من المدينة اللي هي فيها وانت ديرتكم بعيده شوي ( اكثر من 200 كيلو ) .. وتعرف لازم البنت تشوف اهلها كل يومين الى ثلاثة والا يوم ورى يوم .. واذا ابعدت عن ديرتها ماراح تشوف اهلها واجد .. قلت طيب .. مو مشكلة .. من ضمن العقد نكتب انه كل شهر تجي عندكم وش تبون اكثر من كذا وبالمواسم بعد .. اجي اخليها عندكم اسبوع الى اسبوعين .. واذا تبون بعد كل خمس اسابيع اجيبها تقعد اسبوع ماعندي مانع ... قالوا .. نشاور البنت ونشوف شاوروها والبنت ماااش .. ماسكه معها .. تقول اذا تنقل للديره اللي انا فيها موافقه .. غير كذا مبغى كلام ... المشكلة ان اهلي وقرايبي اغلبهم بديرتي اللي انا فيها واذا نقلت بروح عنهم والزملاء بعد .. المهم انا متعلق بالبنت هذي ... ووش رايكم ؟ انقل للديره اللي هي فيها عشانها ؟ واتتوكل على الله واتزوج .. والا وش السواة ؟ دلّوني الله يخليكم واعتبروكم تتشاورون وتنصحون اخوكم .. بذمتكم ... بانتظاركم !!!
|
#2
|
||||
|
||||
![]() طيب انا بأخذ من الطرفين وبتكلم بامانه
البنت 1- ما معاها حق معروف ان البنت تروح المكان الى فيه رجلها 2- ونقول للبنت ان في بنات تسوى زواجها بالديره الى فيها زوجها تقدير لها الزوجه عشان اقاربه 3- الله واكبر اهلي واهلي ترى كل الناس عندهم اهل 4- الرجال بيتزوجك يعني لا تحطين السالفه انه خلاص بيحرمك من اهلك 5- طبيعي بيكون في تواصل مع اهلك هو اخذك وعارف ان عندك اهل للرجل 1- شوف المشكله ما يحتاج لها تكبير تقدر تنقل عملك عشانها مافي مشكله 2- تحس ان راح تمشى امورك بها الديره مافي مشكله 3- نقطه بصالحك ماراح تنساها لك زوجتك 4- وفي شباب ضحوا كثير عشان الى يحبونهم ويمكن يكون خير لك 5- ارسل احد من اهلك فاهم يحطونها بالصوره انا عاذرة البنت وتعلقها في اهلها بس احس الزوج هو الى معه الحق والله يوفقكم ويجمع قلوبكم
|
#3
|
||||
|
||||
![]() هلا جنيفر مشكورة عالتجاوب السريع كلامك مقنع لي ولها بس فيه آخر سطرين مافهمتهم الله يعافيك وش تقصدين بن الزوج هو اللي معه حق ؟ هل قصدك المفروض انها توافق بدون تردد وتجي معي لو اروح للمريخ والا وشلون ؟ والله قهر صراحه والله مازكّي نفسي والكامل وجه الله سبحانه بس ليش يسوون كذا ويعقدون المسألة .. والله مدري ؟ عموما ً بانتظار ردك ... وباقي الاعضاء وووووووووووووينكم ؟
|
#4
|
||||
|
||||
![]() اسمحلي اخوي اقول رأيي بكل صراحة
إذا الرجال متكامل الصفات والكل يتمناه لبنته_ لأننا في زمن اصبحنا نشري الرجال شراء _فاعتقد انه الانتقال لمدينة اخرى ماهو سبب مقنع للرفض خاصة انك وضعت تسهيلات جدا مغرية .. صحيح بتقولوا ليه دائما المرأة هي اللي تضحي فكيف تضحي بأهلها ... انا اقولك فيه نساء ضحوا بالاف الكيلو مترات مو ميتين وايضا الرجل مسؤول عكس المرأة مسؤول عن اهله وامه وابوه فأحسها صعبة يتغرب مع بداية حياة جديدة هو اقرب ان يكون مستقر اكثر ..... وفي النهاية نقول للمرأة حق انها ترفض لكنها ماتجبر الشخص ..... وادري انهم ماجبروك لكن ضيقوا عليك وبالتالي الخيار لك واقولك استخير وان شاء الله خير ...... واعتقد اننا مانقدر نسميها تضحية بقدر مانفكر بالزوج اولا فليس المهم بنظري السكن أين ..... والله يوفقك ان شاءالله ويسهل امرك .......
|
#5
|
||||
|
||||
![]() السلام عليكم ورحمة الله وبركاته أخوي نعم ولا شف المسألة مسألة مبدأ الزوجة تبع زوجها يعني مثلا لو عيّن في الباحة وهي من القصيم الواجب إنها تروح معه ولو قدر الله عليه وجته أزمة مالية وطلع من الفيلا الي كان ساكنها وسكن في شقة قديمة الواجب انها تروح معه << ماطلعت من الموضوع بس مثال يعني الحياة أخذ وعطا والحق في هالمسألة معك والحقيقة إن شرطها غير منطقي وأنت ماقصرت قلت إنك بتلتزم بشرط بالعقد وهو انك توديها كل مدة لأهلها ورأيي يا أخي إنك تكلم الرجال يعني الاب والا الابن الاكبر لأنهم بتفهمون اكثر من البنت ولأنهم يعرفون وضعك أكثر من النساء قل لهم أنا ما أقدر أنقل وأنا شاريكم وبعد أسبوع أباخذ ردكم << طبعاً بأسلوب زين وصدقني إذا كانوا فعلا مشترين رجال بيتصلون عليك من بكرا وبإذن الله بتقتنع لاشافت الامر جد وأنت لازم تنازل شوي بس بغير هالشي عموما وأنت كثّر من الدعاء والضراعة لله سبحانه وتعالى وكثر من الاستخارة وصدقني قد تكره شي وهو من صالحك أسأل الله لك التوفيق وأن ييسر لك هالامر وغيره . |
#6
|
||||
|
||||
![]() جنيفر أنت وزهرة لا تعلمن أحد إني طاب هالحارة ترى قسم بالله قليل اطلع من حارتنا وجيت هنا بناءً على دعوة أخ عزيز . |
#7
|
|||||||||||||||||||||||||
|
|||||||||||||||||||||||||
![]()
شووفي اختي اشكرك اول شي على تجاوبك معي ثاني شي والله العظيم وانتي ماحلّفتيني ... اني مازكّي نفسي زي ماقلتلك والله ثم والله ماودي احلف وامدح بنفسي اكثر واكثر لدرجة ان والله العظيم اكثر اقاربي يقولون حظ اللي بتاخذك ماشالله اول شي محافظ على صلاتي بالمسجد وربي يشهد ولادخان ولاشيشه زي ماقلتلكم ولارفقة سوء ... ولانيب راعي سفريات خرابيط ولاسهر باستراحات الى نص الليل ... صح اسافر .. بس بامانة اني سفري هذا للسياحة فقط لاغير .. سافرت اوروبا وشرق اسيا ولله الحمد وكلها كانت سياحة ووالله ثم والله اني مافكرت مجرد تفكير بسفراتي اللي رحتهم اوروبا وشرق اسيا مافكّرت مجرد تفكير اني ادخل بار والا ادخّل عندي بنت بغرفتي .. ياربي لك الحمد .. عندي عقل واعرف الحلال من الحرام والحمدلله يارب وصح اروح استراحه بس منيب اسهربها الى نص الليل والا الفجر ... مع ان الاستراحة اللي انا فيها فيها شباب متزوجين واطلع والله قبلهم ... ثاني شي ... الحمدلله وظيفتي يتمناها ملايين من الشباب ياربي لك الحمد وراتبها حلو مرة مشالله ...! والحمدلله ناوي اقدم على بعثة خارجية لدراسة الماجستير ... وان شاء الله تجي موافقتها .. يارب ثالثا : انا انسان الحمدلله احب الاتيكيت والشي الحلو ... مهتم بنظافتي واناقتي وكل شي ... انا والله العظيم الى الحين مستغرب ... من الشرط اللي قالوه ( اللهم لااعتراض ) بس يمكنها خيرة ان شاء الله بس زي ماقلتلكم انا متعلق فيها .. رايك اختي بعد هالكلام وربي يشهد على كل كلمة كتبتها ...
|
#8
|
|||||||||||||||||||||||||
|
|||||||||||||||||||||||||
![]()
وعليكم السلام ورحمة الله وبركاته هلا وغلا اخوي جنط السفينة ... ياحبي لك والله بصراحة كلامك عين العقل ... بس من يسمعك ؟ وينهم ؟ تصدق عاد بقولك سالفة صارتلي قبل سنة وشوي خطبت من ناس قبل كذا ... بنفس ديرتي اللي انا فيها .. شف لاقالوالك حظي زفت مدري من هاللي داعن علي ّ المهم خطبت من ناس ... وقالوا اصبروا نرد عليكم ... مر شهر شهرين ماردوا رحنالهم قلنا هاه .. وش صار ؟ قالوا والله البنت تبي تكمل دراستها " الماجستير " قلت طيب اوكي على عيني وراسي ... بعين واعاون على دراستها وش المانع ؟ قالوا تقول .. توّي ودّي اكمّل دراستي وبعدين افكّر ... بالزواج ... البنت هذي توّها متخرجه من الكلية (وآخر العنقود بالعائلة من البنات) .. والقهر ان خواتها كلهم المتزوجات قريبات من عندنا بالحي " حولنا شوي " ... والله ثم والله شف بهالوقت الفضيل مازكّي نفسي ووالله مهوب مدح لنفسي .. بالعكس والله بس ودي اقولك شف الحظ بس وشلون زفت معي ... والله اني احسن منهم كلهم بكل شي ... والله مهوب غرور بكلامي حاشا والله بالعكس ... بس وش هالنصيب ما أدري ؟ خليت اختي تكلم اختها مافيه فايده ... خليت امي تكلم امها برضه نفس النتيجة .. المهم رحت كلمت اخوها رد علي بعد فترة قال والله البنت ماش مصرّه انها تكمّل ماجستير ... ( الحب شين وانا اخوك . لازم ننهان فيه ) المهم راحت سنة على هالكلام ... يوم جت السنة الثانية سمعت انها توظفت ... وش رايك بالله عليك ... مهوب شي يقهر ... ........... المهم نرجع لسالفتنا ... الحين هذي لو اروح لابوها والا اخوها اخاف يصير نفس اللي صارلي قبل .. وبعدين انت قلت بردّك اني لازم اتنازل عن شي .. وشو هالشي ؟ لكن بستخير واشوف وش انا عليه ... والله يكتب اللي به خير بس انا ماقهرني الا شرطهم تعجيزي بشكل ... غير طبيعي بس من حقها اكيد مانقول شي والحمدلله على كل حال
|
#9
|
|||||||||||||||||||||||||
|
|||||||||||||||||||||||||
![]()
ههههههههههههههه حبيبي والله .. حطّ ابطنك بطيخ صيفي ... تراك متقهوي عندي مافيها شي يخوي نمممممممممم مهوب معلمّين احد لاتخاف ![]()
|
#10
|
||||
|
||||
![]() صباح الخير
اخوى شكلك مرره متعلق بالبنت من حقك انك تحددمكان السكن اذا عادى بتخليها تروح وتجى على اهلها متى ماحبيت ووضحلهم انو مافى بسفر تعب 200كيلو ساعه بالطريق ويمكن اقل حاول معاهم مره ثانيه واذاكانت من نصيبك بتتزوجها مع كل شى وبعدين اذا هى رافضه تسكن بعيد عن اهلها وش حال لو قلتلهم انك مقدم على بعثه واقتراح ثانى افصل مابين العمل والبيت وخلى البيت فى ديرتهم والعمل بدريتنك ونفس الشى موبعيد200 ودوام يومى عادى اتوقع حل مبدى واذاالبنت بعد الزواج ارتحتلك وشافت طيب نياتك وانك طيب معها ومع العشره تروح مخاوف الزواج والبعد عن الاهل ويمكن هى الى تقولك خلينا نروح ديرتك ولاتحط فى بالك ابيها وبس احسبها من كل الزوايا وانشاء الله تكون من نصيبك وبشرنا عنك خالص دعائى لك بالتوفيق
|
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |