العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
الربيع سوف يجتاح الخليج العربي .
السلام عليكم ادري الحين المباحث والمخابرات والقوات الخاصه وامن الدوله والانبطاحيين من الشعب الخليجي طارت عيونهم يحسبون اني بتكلم عن الثورات .. مثل ماهو حاصل بالربيع العربي لاتخافون ولا تطيرون عيونكم ارقدوا وآمنو .. وحطو ببطونكم بطيخ صيفي .. اصلا احنا مو مال ثورات كثروا لنا من الرز البسمتي المدعوم وحليب المراعي وعدس ومعجون طماطم واحكمونا لين يخيب ثنانا ههههههههههه مع انهم بصراحه بطوا تسبودنا هالاسر الحاكمه لهم 300 سنه واهم يحكمونا ,, واحنا من يد نشيط الى يد نشيط ثاني والواحد فيهم مايموت الا وهو طاعن بالسن بعد ما يموت نص الشعب قبله .. تسعين سنه هذي لازم يحذفها ورى ظهره مافيها كلام عمركم شفتوا حاكم مات واهو بالستينات او السبعينات ؟ لازم يعدون الثمانينات الظاهر من كثر مانقول الله يطول عمرك .. الله استجاب لدعواتنا واللي يبط التسبد بعد ... الحكام شياب ومتعافين .. تلاقي الواحد عمره ثمانين ويتزوج .. وشلون فيهم حيل ما ادري واحنا اغلب الشباب يدعون حق روبرت فورشجوت ببياض الوجه للولا الله ثم هو كان صارت علوم ماعلينا احنا بنتكلم عن الربيع الصجي .... عن العشب والمطر والفقع الحين الفقع مايطلع الا بشرط والشرط هو ان تأتي الامطار في وقت معين من السنه وهو الوسم وبداية الوسم هذا العام هو من 16 اكتوبر الى 6 ديسمبر ولله الحمد اتت امطار عمت الخليج في هذا العام في وقت الوسم ومن المتوقع ان يجتاح الخليج ربيع يظهر فيه الفقع بكميات كبيره ان شاء الله باختصار ماهو الفقع ؟ ومما يتكون؟ لماذا لايخرج الفقع الا بامطار تكون محصوره في 52 يوم من بداية الوسم ؟ ولو امطرت بعد هذه الايام ليل نهار بشكل متواصل لايخرج الفقع.. لماذا ؟ هل توجد اراضي معينه تكون منابت للفقع دون غيرها وما السبب ؟ هل للبرق والرعد علاقه بتكون الفقع وما السبب ؟ لماذا تكون هناك نبته تسمى الرقروق في الارض التي يتواجد فيها الفقع ولا تنبت في مكان آخر؟ ماهي فوائد الفقع ولماذا اسعاره مرتفعه جدا في السوق ؟ هل من موقف معين او معلومه بخصوص الفقع وماهي افضل طريقه لطبخه ؟ وشكرا لكم
|
#2
|
|||
|
|||
وش تبغا فيه متا ما طلع
هلابه
|
#3
|
||||
|
||||
هلا بالصديق شقيان
ماشاء الله شفت لك جمهور عريض في تويتر <<<<بدينا بالحسد الربيع في خليجنا نادراً مايحدث ربما لبرودة الجو الربيعي أثر في ذالك عموماً وش أخبار مسيرة كرامن وطن؟؟؟
|
#4
|
||||
|
||||
وعليكم السلام
تبي الصراحه يـ شقيان والله أول ما طرا على بالي أنه الربيع الي مزعجينا فيه الحين وهو لا ربيع ولا يحزنون إلا خريف ومعه عجاج ورياح حاره وكل الي يطري على بالك من أسوأ الأجواء عاد كله ولا الخليج .. أدري ما يعجبك رأيي ..بس أنا هذي وجهة نظري المهم بالنسبة للفقع للأسف ما أقدر أفتي لك ولا في سؤال واحد من أسئلتك يعني تقدر تقول عني جاهلة فيه جدًا ما شفته إلا مره وحده وكنت أحسبه بطاطس , لكن قالوا لي لااا وش بطاطس هذا فقع , وحسيت من كلامهم أنه شي وأتذكر أنهم طبخوه مع أكله شعبيه عندنا اسمها المرقوق , وحطوا فيه فقع ويقولون أنه يحل محل اللحم بصراحه أنا لما شفت تقديسهم له بهالشكل قلت بذوقه , لقيت ما فيه أصلًا طعم ولا اعجبني أبد , فقع وفقع , على ايه كل هذا..!!!! يا زين البطاطس بس ..
|
#5
|
||||
|
||||
هو طعمه عادي إذا أكلتيه.. بس بصراحه طعم الأكل معه يجنن.. يعني بالله المرقوق اللي ذقتيه..ماكان يجنن..؟ إلا إن كانت اللي طابخته ماتعرف تطبخ.. فهذا شيء ثاني..أنا من محبي الفقع..وبقوه..
|
#6
|
|||
|
|||
حيااك شقيان
والله ماعندي خلفيه عن الوسم ولا الفقع ولا هالأمور لكن مقدمة الموضوع الجزء الأول فيه مهم ويستحق النقاش أنا للآن ماأشوف أي ربيع عربي في الوطن العربي .. صدق تخلصوا من الطواغيت لكن أنتقلوا إلى طواغيت " عبارة للقارات" .. والشعب الذي ثار لكرامته .. اليوم عاجز عن الأخذ بثأر دماء الشهداء . . ماذا قدمت الثورات للوطن العربي ؟ لا شيء ..سوى البؤس والشقاء
|
#7
|
||||
|
||||
نفسي أذووقه الفقع
أتذكر معلمه كآنت سآكنه عند أهلي وتمدح فيه تقول زي اللحم لمن ينطبخ وتقول مشهور بآلعرآق ..أجل أكيد إنتم بعد تعرفونه لأنكم جيرآن . ..
|
#8
|
||||
|
||||
شوقتنا نشتري فقع عاد ترا فايدته عجيبه خصوصا للنفاس
اذا جنت ماني غلطانه قريته بكتاب زمان ان احد زوجات الصحابة تنست بلحم بلا عضم فطلع الكمأ اللي اهوا الفقع
|
#9
|
||||
|
||||
حياك الله شقيان وعسى ايامك والسامعين كلها ربيع
بالنسبه للمقدمه الا ملاحظين هالشي وعلى قولة المثل عمر الشقي بقي وليه ما تطول اعمارهم وكل شي يجيهم بالاشاره ولو يكح قامت الدنيا علشانه المهم اللي يطول بعمر ملكنا والباقين ماعلينا منهم نرجع لموضوعك الحديث عن الفقع ذو شجون وواضح من نوعية الاسئلة ان عندك اطلاع كبير في هالمجال وصدقت هو مايستفيد الا من مطر الوسم ويقولون ان نصف المربعانيه وسم ولا يظهر الا بعد تقريبا سبعين يوما من اول مطره وله اماكن معينه يطلع فيها ومن علامة وجوده الرقروق ولهذا قيل دور الفقع عند الرقه باللهجه العاميه وهو مثل يضرب ان فلان ملازم دائم لفلان تصدق مره شقيان جونا ناس حول ديرتنا يقولون وشلون شجرة الفقع يحسبون له شجر زي الجزر واشهر انواعه الزبيدي وهو اللي ينبت بالحزوم والارض الطينيه ولونه ابيض ومنه الخلاسي وهو اللي ينبت بالنفود ورائحته قويه ولونه رملي بس تنضيفه اصعب من الزبيدي اما مع الاكل فله نكهه لا تقاوم مع المرقوق المطازيز الشوربه والاكثار منه قد يسبب ببعض المشاكل لذا قالوا الاولين اذا جاء الفقع صر الدواء يعني احفظه واذا جاء الجراد انثر الدواء يعني ارمه باعتبار ان الجراد علاج ورائحة الفقع مميزه جدا بالذات الخلاسي وهي تشابه لرائحة شيئين بس مانيب قايلهم والحديث في هذا المجال يطول ويمكن ارجع الا تعرف العرجون شقيان سبق واكلته ؟
|
#10
|
|||||||||||||||||||||||||
|
|||||||||||||||||||||||||
لاا والله الي طابخته ماهره في الطبخ وخاصة الشعبي مايعلى عليها فيه ومرقوقها يجنن بدون فقع يعني ما لاحظت أن الفقع سوا مفعول , أصلًا هي طباخه خلقه يعني مو من الفقع من ايديها ..الله يسلم ايديها أجل أنا ما حصل لي الشرف معه إلا مره وحده عقبها لا شفته ولا شافني
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |