العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#31
|
||||
|
||||
رد: التخفيضات .. تجربة شخصية
التجاره الالكترونيه خيار جميل لشراء الاشياء اللتي ممكن ان تصبر عنها فتره (وصولها بالبريد والتي قد تطول احيانا الى شهر .. )
والاسعار مااحد يصدقها .. ولله الحمد ان الناس بدأت تعي الفرق وبدا الناس يتجهون لها وان كان الامر لسا في بداياته اما الدين فللأسف بعضهم يغشك ولا اذن ركض للمسجد .. اسال الله ان يهدي كل ضال |
#32
|
|||||||||||||||||||||||
|
|||||||||||||||||||||||
رد: التخفيضات .. تجربة شخصية
بما انك في بلد لايعمل بها كثير من الجاليات الاخرى فطبيعي انك لن تلمسي
صفات هولاء العماله .. اما هنا وبالخليج عموما فالسوق مليان منهم ولكل جاليه او جنسيه صفات عامه تغلب على اكثرهم الشراء من المحلات الكبرى خيار ذكي وجميل |
#33
|
|||||||||||||||||||||||||
|
|||||||||||||||||||||||||
رد: التخفيضات .. تجربة شخصية
ههههههههههههههه تخيلت أم سليمان اللي تتقافز في بريدة ببلوزتها الله يسعدك تصدق وأنا أقرا ردك أقول لو في السعودية ثلاثة مثلك كان صاروا التجار يمشون ويكلمون أنفسهم من الغبنه أنصهر ولا تلاشى ولا شوف لك حل نبي ناخذ راحتنا اخترقتنا من كل جهة هههههههه بالنسبة لمسألة أنهم واعين أو لأ صدقني يا المحارب والله شفت قدامي حالات كثيرة تخليني أثبت أن التهاون يغلب عدم وعيهم مثلا عندنا بالرياض لأننا نعاني من الزحمة التباعد جدا بين الأحياء والمحلات مثلا تلاقي واحد ناوي يشتري له أي شغلة من المكان الفلاني ويقوله أحد الناصحين تراها في المكان الفلاني أرخص لكنه أبعد يقولك بدل ما ابحث عن الأرخص أشتري راحتي وأشتريها ولو أنها أغلى أدفع فلوس زيادة ولا أدفع تعب نفسي من البعد والزحمة والحووسه عشان يوصل هناك هذا حالة من الناس اللي مقتنعة أنها قاعدة تدفع زيادة وتدفعها وهي تبتسم عادي أهم شي اشترت راحتها النفسيه والجسديه أما عاد النساء فنادرًا ما أشوف الحريصه واللي تقارن وتحسب حساب الفرق أغلبهن تقولك ما عندي وقت أقعد أقارن ولا آخذ وأعطي بشتري وأخلص يعني هذولا يدفعون وهم على يقين أنهم مغلوبين أنا ما أقتنعت أن الفطرة لها علاقة , صحيح محد يبي أحد يستغله لكن إذا غلبت مصلحته من وجهة نظره تغاضى عن الإستغلال ! الجملة اللي لو آمنت بكل شيء ما آمنت فيها موب من عدم تصديق لالا بس والله إني أكرهها ويمكن توصل إني أترك البضاعه لو قالها لي وهي إذا حب يغرينا وقال أنه ما يوجد منها الا قطعة أو قطعتين ! يعني معليييش أقنعني شريت منك ولبستها وكنت الوحيدة اللي لابستها طيب وبعدين ! لبست القطعة الوحيده النادرة طيب يمكن أكون أنا مش نادرة وفيه مني نسخ يعني قدرنا على القماش ولا قدرنا على النفس والروح والقلب والفكر والله ما اقولها من باب المثالية لكني فعلا عجزت أستسيغ هالطريقة وأحس فيها دعوة " للكِبر " صريييحه وبكل صراحه أرحم اللي تطير بالعجه تبي تصير اختنا في الله مميزه عشان ما أكون مبالغة بقولك وش الجملة اللي تخليني اشتري وأنا مغمضه فعلا جملة تلعب في حسبتي إذا قالي ما بقى عندنا الا هالقطعه خلصوا كلهم أنا أسمع من هنا واشتريها لو أنها موب مقاسي من هنا وبما أني رفيقة ست الحبايب في أغلب مشاوريها بصراحه استفدت منها في أشياء كثيرره مره كنت أنا وياها في محل وجا البائع بيتميلح وقال لأمي خلاص لك بهالسعر عشانك بس زبونتنا قالت أمي لااا والله ماني زبونتكم هذي أول مره أدخل عليكم والله أن وجهه تلون ما يدري وين يوديه فشلته أمي وأنا يوم شفته تلخبط بغيت أقوله أجمع وجهك معك تناثرت ملامحه في المحل ههههههه وعلى طاري الجملة اللي تلعب بحسبتي كنت أنا وأمي في محلات يسمونها معارض هذي تجي كم اسبوع بعدين يعزلون كنا واقفين عند محل جلابيات بصراحه حلوه لكن ما كان في بالي اشتري وقفت عند وحده قعدت أطالعها بس ما عندي نيه اشتري مالي نفس شافتني وحده قربت عندي قالت لا تفوتك هالجلابيه ترى كثييير اخذوا منها ما بقى منها شي هي قالته من هنا وانا على طول اخذتها من هنا حتى المقاس ما تأكدت منه أخذتها وأنا اضحك قلت لو يدري عنها البائع اعطاها عموله على دعايتها وطلع القماش لك عليه >> فيس حزين : ( أما اي مشتريات عن طريق واتس ولا انستقرام أنا مش معاهم نهااااائي أصلا حتى من ناحية الغش إذا غشوك وشلون بتاخذ حقك ؟ ما اقتنعت منهم نهاااائي ! صحيح يا المحارب احنا ينضحك علينا نصدق بسرعه بس والله موب غبيات احنا طيبات >> اييه هييين ههههههههه
|
#34
|
||||
|
||||
رد: التخفيضات .. تجربة شخصية
من واقع تجربه
التخفيضات ورطه مع الاكثريه لذالك ممكن تنتهي رحلة التخفيضات بصورة في زاوية متحف تجعل الجميع خلف ظهرك تحيه طيبه
|
#35
|
|||||||||||||||||||||||
|
|||||||||||||||||||||||
رد: التخفيضات .. تجربة شخصية
هذي غش عيني عينك .. ويسوونها دايم .. الغريب انها تلقى من يشريها رغم
ان بعضها دخل مرحله الخطر .. عن تجربه علمت ان اكثر من ياخذها مسئولات المقاصف المدرسيه من الاجنبيات .. يبيعنها على الاطفال تخيلت عظيم الجرم المحلات الكبيره محترمه على الاقل هم صادقين نوعا ما في تخفيضاتهم بحكم انهم شركات ولهم سياسات وغالبا تخفيضاتهم تكون مرخصه وموثقه اما ابو قبل وبعد بقلم صحايف هذا لك عليه |
#36
|
|||||||||||||||||||||||
|
|||||||||||||||||||||||
رد: التخفيضات .. تجربة شخصية
ماادري وش معنى (خضرة اولاد علي) ولكن عروض نصف السعر بالعثيم
هذي خضار لها اسبوع عنده من يوم الثلاثاء ولاجا الاثنين التالي حرج عليها بنص السعر و90% ماخوذ منها الزين وكد لمستها 90 مصريه وهي تقلب البطاطسه لين تصير كأنها كوره بيدها |
#37
|
|||||||||||||||||||||||
|
|||||||||||||||||||||||
رد: التخفيضات .. تجربة شخصية
معلمك بالطريقه قبل بس انتي ماعطيتني فرصه هكاليوم .. كلها كم معرف بموقع حواء وكم منتدى يمدحن تجربتهن مع الزعفران السحري زعفران نجمه .. وماشاء الله وياحلوه .. ونرد على بعض بمعرفات .. والقرام على 60 واكذبي عليها بعباره (ان ماجاز رجعيه ) والسعوديه تستحي لاترجعه وحطي سناب وصوري مع اي بنت اجنبيه -شرط شعرها اسود - بالمول شرط انها ماتعرف عربي واكتبي تحت الصوره انا وسمو الاميره دانه بنت قاسم بن راشد ( من بيدور دانه ) حقيقه : والله لولا الله والديانه اني لا اصير اتجر تاجر من البيع على الحريم * وحده من الجماعه شاريه دهون تقول علاج قلت وش الحكمه قالت قاري فيه سبعه مشايخ عالم تسكر .. يعني كل علبه مرروها على سبع مشايخ يقرون فيها ؟ |
#38
|
|||||||||||||||||||||||
|
|||||||||||||||||||||||
رد: التخفيضات .. تجربة شخصية
اهلا ميسم صدقيني اني عادي جدا يومياتي ماادقق فيها لكن لانويت اشري شي هام احاول اطلع واقارن اما لقيت سعر اقل او لقيت ماركة احسن او جوده اعلى .. والامر مايستغرق شي ثلاث اربع محلات وغالبا جنب بعض وتضبط -سر صغير : عندي قانون اسمه ( اضرب البائعين بالبائعين ) اقول للبائع لاجيته وقال عندي مثلا (dell) أقوله يااخي اللي جنبك يقول ان الايسر مثلا احسن من ديل .. يتحمس ويقولك نصاااب .. ويعدد عيوب المنتج الاخر .. فكذا اسمع مالم يقله البائع الاول -يحدث ان تاخذ شي بفرق بسيط بسبب بعد المحل او صعوبه المقارنه وهذي فوات حرص كلنا نسويها خصوصا في الاشياء اللي مابها ذاك الزود -احدى قريباتي تجمع اغراضها وتقول كم .. يقول مثلا 700 وهو حاط بباله انها بتطلب تخفيض .. فتقول خذ مباشره .. ( من يصدق انها احيانا تطلع دافعه 200 او 300 سبهللا كذا ) لذلك البنت هذي بالذات اقولها لاتشرين الا من مول .. انتي ربيع العمال - انتي ماتهمك (وجود قطعتين بس) غيرك يتحرك شي جواها وهي تتخيل انها كالكريستاله ترفل ببضاعه جايه من القمر الى اليماني هذا مباشرة -اعترافاتك عن ماتفعلين وتاثرك بعباره (اخر قطعه) يعطينا فرصه لدراسه هذا الكائن (الانثى ) وعاداته الشرائيه -الطيبه هنا ياسيدتي تعتبر مدري وش نسميها .. -(93%) من النساء يلبسن جزم( اكرمكم الله) 39 لانهن يستحن يقولن 40 ويحسن ان 39 للبنات .. لذلك ام سعود جايها شد عضلي لان مقاسها بدون الاصبع الكبير 41 ومع ذلك لابسه 39 - احدى قريباتنا تقول اني جيت محل ذهب وقال لي بطلع لك اطقم ماعرضناها .. خاصة .. لعملانا مادرت غفر الله لها انه حاطهن تحت لان مالهن محل في العرض -اشتغلت بالذهب فتره وكنت اروح المحلات احيانا واشوف العجب العجاب .. (سورة المطففين ) كلها تركض عند (بعض البائعين) ولو احدثكم عن المبالغ اللي تطير على ام سليمان بالمحلات مسكتوا روسكم (خصوصا وان الذهب سلعه غاليه والجرام الواحد زي الشعره ومع ذلك يفرق ) -امك محترفه تعجبني -الوعي احيانا مزعج جدا سر اخير .. اسوي حركه دايم .. اذا اعجبني الشي (أ )مثلا .. أسال عن اربع اشياء قبله وابدي للبائع ان اسعاره سيئه ثم اتحرك الى الباب كأني أبمشي (هاللحظه ييأس مني ) فاقول له بكم هذا (أ) وكأني اسال ببرود وعلى الماشي فيصير حماسه برد فيقول بكذا (سعره العادل لانه فطريا يبغى يبيع) لانك لو سألته مباشره وانت منبهر وعويناتك طايره (بكم هذا .. ماشاء الله والله حلو ) على طول ابو يمن بيلقطها ( والله هذا قانننااااا قديد وفيه منو الوان) سعدت بالحوار هنا .. صح اننا شرقنا وغربنا .. بس السوالف حول الحمى زينه -انبسط وانت تتسوق وخذ احسن الاشياء بالسعر الاجمل ... لاتشط على نفسك بالبحث والتقصي ولكن بعد لاتصير حليل تعطي فلوسك العمال وتمشي -الهدايا خذ الاغلى دائما تراها الاحسن -العطر خذ اللي يعجبك ولو كان غالي لامجال للبحث عن بدائل ..المقياس هنا هو ذوقك وليس السعر .. وثق ان شركه جورج ارماني بتسدحك سدح سعر عالي وذوق عالي -اذا كان معك طفل .. فاكسر كل الوعي والحواجز وخذ له اللي يبي فالطفل لن يفهم فلسفتك عن جمال الشي الاخر هو يبي هالشي وانتهينا - البنات الصغيرات لاتنزلهن السوق كانك ماانت مطبق قاعده (الاميرات الصغيرات ) القاعده تقول : اشتر لها اللي هي تبي والرزق على الله |
#39
|
||||||||||||||||||||||||||
|
||||||||||||||||||||||||||
رد: التخفيضات .. تجربة شخصية
صباحكم خير جميعا اخوي المحارب هو وملاحظاته يعني اكتشف لكم الذره او مبيد يقضي على التلاعب بالاسعار عالعموم جزاك الله الف خير لانك حاب تنبه الناس فيه عندنا محلات خضار وفواكه يعلن عن تخفيضات اسبوعيا لما تقارن الاسعار نفس سعر غيره وبعد الكرتون صغير وكذا معرض حتى محلات ومعارض الاثاث والاجهزه يسوون مثل ماذكرت وكان من الممكن ان نكتب عنهم ولكن الشاطر مايقع وقطع الرزق حرام وهذي شطارة التجار المشكله وين يا طويل العمر ؟ المشكله فينا نعرف ان هالمحل نصاب ونتعمد بالشرا منه
|
#40
|
||||||||||||||||||||||||||
|
||||||||||||||||||||||||||
رد: التخفيضات .. تجربة شخصية
ومنكم نستفيد ًوكلام جميل البارح انا واختي بالسوق توجهنا لمحلات الميكب انا عندي شوية خبره بالماركات واسعارهم الحقيقيه والمحلات اللي تدبل سعرهم وحنا قاعدين نشوف الاسعار على الاغراض اللي بغيتهم حبيت اتركهم وروح للمحل الثاني قالت اختي انا باخذ هذي الاغراض حتى لو سعرهم زايدين عليه مالي خلق ادور ويمكن مايطلع نفس اللون المهم ادفعت ال الاف من محل ثاني وصاحبه ابو يمن اخذتهم بست ميه طبعا عندنا محلات المكياج ومايلزم المرأه تم توضيف سعوديات ولكن فيه القليل من المحلات بالمولات توا يمكن مو لاقين بايعات (شطحه ) قاعده من الساعه ثلاث الفجر وحابه انام بدون مكيف على هوا الدريشه نسيم بارد حلوا ومكيف الجيران ازعجني تعتقدون وش اسوي ؟؟ تمسون على خير
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |