|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
18-12-04, 12:38 AM
|
||||
|
||||
سواليف سكري القصيم من طقطق للسلام عليكم
رحلة المعانها لسكري القصيم
سكري ورحلة الرياض التي استغرقت من قبل صلاة الفجر إلى صلاة الغروب تقريباً على زمن الكراون مدل 84 اشترى واحد من الزقرت كروان موديل 84 وقدرناه نروح عليها للرياض نزور أخواننا إخواننا كاتبين بالعسكرية ورايحين نزورهم وراعي الكراون خوينا أخته بالرياض واستأنس يوم قلنا نبي نروح إننا نبي نروح معه لأنه ما يجسر خواف نمرة واستمارة المهم وش لكم بتطويلها المهم ممرحنا من زود الو لناسه ونتفق نمشي قبل صلاة الفجر ونصلي بالربيعية على الطريق وقبل نركب السريع نعبي بنزين من المحطة اللي قبل السريع ويوم وقف خوينا يعبي بنزين قال انزلووو ابروح للبقاله وبسكر السيارة لاني اخاف على السيارة تسوون فيها شي اخوي الكبير موصيني لابغيت تنزل للبقالة سكر السيارة المهم ونجلس ننتظره الملعون يمكن ربع ساعة وحنا نسأل بعض الله يبي يجيب لنا قشطة مينوو الخضراء ولا تهقون يبي يجيب بوبسي ولاصلصه نلحسها لين ناصل الرياض ولا بسكوت سعاده اللي فيه عشرين قرطاسه المهم جا خوينا ومعه كيسه وكلنا اعويننا تبحلق بالكيسه وش فيها وثر مافيها الا ماء اثره اشترى بسكوت وبيبسي وكلهن بالبقالة على شان مانشوفه المهم ركبنا السريع متوجهين للرياض عاد انا اول مره اروح للرياض ولا ادري وين هي به ولا ادري كم تبعد المهم خوينا يمشي( 80 ك) ونوب لسرع يمشي( 85 ك ) يقول مقدر اسرع اخاف تقوم الحراره وتخرب ويذبحني اخوي ونمشي ونمشي ونمشي ونمشي ونمشي ونمشي ونمشي وشرب ونشرب ونشرب ونشرب من ها لماء وكلنا نبلش بنفسنا نبي الخلاء ويعيي يوقف يقول بالرياض والرياض عجزنا نوصله وتراه يقول ان أخوه موصي لا صرت مسافر لا تكثر بالوقفات على شان تختصر المسافة عاد هو خوينا مجود كل علوم أخوه ونصلي الظهر مع العصر جمع وقصر طبعاً طقينا عفور ومعنا جركل ماء كامل عيا علينا لا انتوضاء من الماء يقول اخاف انتعطل والماء جركل من الكبار ولا يسدنا ويوم صلينا حول المجمعه ونركب السريع ولا فيه ولا اتريله ما سقطت علينا وشكلنا نبي ناصل الرياض اخر ناس ونمشي ونمشي ونمشي ونمشي ونمشي ونمشي لينا دخنا وننام كلنا الا خوينا راعي الكرواون سويق نمره واستماره المهم ويم تعدينا عشيرة ويبدا يمشي( 50 ك) يقول اخاف يمسكوننا سرعه وانتم نعضكم مامعه بطاقة مشكله ودخلنا الذره ( الخوف ) من كثر ماخوفنا نسينا اننا حسرانين من كثر ماشربنا الماء كل اللي على بالنا لا يمسكوننا ويرجعوننا وناصل صلبوخ عقب صلاة المغرب وربك يستر مشونا على طول يجناهم وهم يصلون ندخل الرياض على صلاة العشاء ومن طريق بطريق ومن طريق بطريق لا جا يبي يلف أحجرته هالسيارات وعدل معهم لين جا نص الليل وهجدت الزحمة ولا بقا الا حنا ندور بالرياض المهم ولا به ولا كبينه الا وندق منها على ولد اخت خوينا راعي الكراون على شان نوصفله وين حنا يقول ولد أخته وين انتم ويقوله حنا عند لوحه كبيره مكتوب عليها اشماغ البسام ثمن يوصفلنا ونضيع مره ثانيه ونقوله حنا عند لوحة مكتوب عليها الدهانات الدولية ونضيع مره ثالثه ونقوله حنا لوحه مكتوب هليها فندق السفير ولا يحصلنا قبل صلاة الفجر ويلبق الكراون عند باب الشقة ويعيي يمشينا عليها يقول السواقين هنا غشما اخاف يصدمونها ونعاد ناخذ شهر مارجعنا ونبدا نمشور على التكاسي ونروح يم الشقة وننام لين الظهر ويصحوننا أخواننا على شان يفرجوننا على الرياض والملاهي اللي بشارع انكاس من جهة الروضة ونروح للملاهي وقال ولد أخته نبي نركب بالقطار على شان نشوف قسم العويل ونركب وليتنا ما ركبنا ونركب مغمضين وننزل مغمضين ما شفنا شي من الخوف المهم نرجع بعد 3 ايام معه ونمشي الفجر ولا ناصل الابعد العشاء وبعدها اخذت خمس سنين من قال مشينا للرياض قلت معصي الرياض بعيد احسب الرياض بعيد واثره الملعون ملعوزنا من قل المشي خلني اكره الطرق البعيده وبعدها رحت للرياض مع اخوي الكبير وقلتله متى ناصل قال اخوي ان شاء الله ثلاث ساعات ونص وحنا بالرياض قلت هين ولا لو حنا علة طيارة قال زين وفعلاً وصلنا بنفس الموعد اثر خوينا راعي الكرون من قل السرعه صارت الرياض باخر الدنياء الله يجزاه خير ولا ذكرني هالسالفة الا امس يوم شفت راعي الكراون الله يسامحه ويسامحنا ولكم تحياتي
|
|
#2
18-12-04, 01:13 AM
|
||||
|
||||
|
ههههههههههه من جد يا سكري هالسالفه ..!!
والله انا ياللي اقرا ومالي دخل حقدت .. لو اشوف خويكم ان كان توطيت ببطنه .. اجل قاعد ياكل بالبقاله .. يمكن اخوهـ موصيه قايله لا تاكل إلا بالبقاله !! سكري .. والله كل سطر بالموضوع يبي له تعليق .. لعنبوا بليسه موديكم للرياض بسيارته وتتمشون بالتكاسي ..!! وين عايشين يا عالم .. سكري .. خل عنك عليكم توصيف إنما إيه .. أجل انتم عند لوحه كبيره مكتوب عليها شماغ البسام .. هههههههههه آآهـ يا بطني .. ماقصرت يا سكري .. الفريق أول 
|
|
#4
18-12-04, 04:26 AM
|
||||
|
||||
|
ههههههههههههههههههههاي
لا تعليق ابد على الموضوع........ لانه من اوله لاخره يبي له تعليق......... بس بجد اوجعني بطني من الضحك  لا وكمل على توقيع الفريق وروعني الله يهديه وانا متحمسه اضحك .......... مثل ابوووي بس ابوي اهون يخلي الطريق بس 4 ساعات..!! تخيلووا.... ويقول تفرجوا وحنا نتمشى ترى لاتعتبرونه طريق واننا مسافرين..... وش نتفرج عليه على الحصى وهالغبرااات ................ قال ايش باخذكم رحله بنخلي الطريق للقصيم 4 ايام نتفرج على كل القرى الللي نمر فيها... عاد حنا قلنا ما بدهاااش ..... خلاص ما نبي القصيم ولا نبي نروووح انسالموضوع.... تحياااتي وتشكراااااتي لك يالسكري...... ....اميرة الورد...... اللي تكره المشاوير والطرق السريعه والزحماات,,,,
|
|
#7
18-12-04, 07:11 PM
|
||||
|
||||
|
هلا عمري
فريق اول والله السالفه من جد بس اخوكم سكري مبهرها شوي حبتين وثلاثة ارباع  العزيز سهم سبشيل  العزيزه اميرة الورة  العزيزه النايفة (sdsd7):tulips::tulips::tulips: بس تصدقون ودي اني اواجه خوينا راااااااعي الكراون ودي الكمخه بالقنوه مثل هلوووووون  لكم تحياتي يراعي الولز اجل امك طاحت ولا دري عنها احد القصه اللي تجي ابقلولكم قصة اخوي هو ددسنه التسع وسبعين اللي لامنه لف مع اي ملف طاح اللي معه واكيد سكري وجهه مخربش من كثر ماحك بالزفلت من كثر مايخاويي اخوه راعي الدتستن
|
|
#8
18-12-04, 08:58 PM
|
||||
|
||||
|
ههههههههههههههههههههههههه
بس الله يعافيك مرتن ثانيه الكلمات الغامضه ترجمهن احلى شي ثمــن ههههههههههههههههههههههههههه يعطيك العاااافيه في انتظار بقية السوالف ت.ح.ي.ت.ي
|
|
#9
18-12-04, 10:16 PM
|
||||
|
||||
|
العزيزه
بنت اهلي :sunshade::sunshade::sunshade: من اعنوني الثنتين بغيت اقول الثمنتين غاليه والطلب بلاش وش الكلامات اللي مافهمتي قوليهن عادي ومن اعيوني اترجمهن 
|
|
#10
18-12-04, 10:18 PM
|
||||
|
||||
|
(qq130) الكلمات اصدي سوري :easter2:
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| محب القصيم 33 ضيف عليكم يالقصمان | محب القصيم33 | مضايف قصيمي نت | 11 | 05-03-05 04:51 PM |
| لبنات القصيم فقط | صـــدى الصمـــت | منتدى السواليف وتوسعة الصدر | 19 | 06-01-05 07:04 PM |
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
