العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
سًآآآعآآآآت../أحُسً آنُ آلٌزًمٍنً قَآآآآآسًيُ..ُوًلِآآْْ..يًمَكنُ يَلٍيُنٌ
بسم الله الرحمن الرحيم
يالله ان تصبحهم بالخيرات وتمسيهم بالخيرات وتحي كل واحدن بسموهـ الثلاثي .. . خبركم نص الشعب السعودي عآآآطل ..ومقضي حياته يشرب شاهي والله شي غريب اي واحد عاطل لازم يشرب شاهي المهم.. في يوم من الايام كرهت طعم الشاهي ..فقررت اني اروح لـ الرياض ادور لي وضيفه معني داري ان مابوهـ وضايف..بس وش حيثوهـ محمد الصالح لقالوهـ وضيفه وانا لا المهم رحت لم الوالد احسبنوهـ يبي يفهمن انا : كيف الحال يبه ابوي : بخير الله يسلمك انا: بغيتك بـ موضوع يخصن ابوي: وش تبي انا: انا قررت اسافر لـ الرياض بدور وضيفه ابوي: طس وحد رادك انا: وش الي طس ..احترم نفسك لا اقوم عليك ابوي: كلك كبر راسك وانقلع سربت مع سرابيتك .. . المهم وافق الوالد يعطين كم قرش عشان امشي حالي هناك . .. قررت اروح بـ طيآآرهـ ..عشان اذا ماضبطة الوظيفه ولاي اقول رايحن باريس وافتح باب المطااار وادخل عليهم وروح لـ الموضف .. انا: سلااااام عليكم الموظف: وعليكم السلااام انا: تبيعون تذاكر الموظف : ايه نبيع انا: اجل عطن تذكرهـ روحه ورجعه الموظف: وين تبي تروح..؟؟ انا: وانت وش دخلك..اقول عطن تذاكر وخل امشي الموظف: طيب قلي وين تبي تروح عشان اعطيك التذاكر لـ الرحله انا: بروح الرياض عندك مانع..؟؟ الموظف: ابشر طال عمرك الحين اضبطلك تذاكر انا: عجل عليناا تكفى الموظف: ذهاب وعودهـ..؟؟ انا: لا روح ورجعه الموظف: يعني ذهاب وعودهـ انا: شف ان ماعطيتن روحه ورجعه ترا بدور مكان غيركم الموظف:ياخوي افهم..روحي ورجعه مثل ذهاب وعودهـ انا: العب غيرهااا..تبي تعطين روحه ورجعه ولا لا الموظف: خلااص خلاااص..اعطيك الي تبي انا: اقسم بالله لو الاقاهـ ذهاب وعودهـ ترا بااخذ فلوسي .. . جااا موعد رحلتي .. وانا اقوم اشيل الشنط واركب الطيارهـ الموضف : تذكرتك لو سمحت انا: وش تبي به الموظف: عشان اقصه لك انا: لا لا تقصه ابيه تسذا انا الموظف: اخوي اذا ماعطيتني التذكرهـ ما راح ادخلك انا: طيب لا تزمر .. . ركبت الطيارهـ.. الموظفه: وين وين رايح انا: بركب جمب السواق الموظفه: اخوي اجلس بالكرسي حقك انا: ومن الي يبي يركب جمبه الموظفه: طيااار يساعدهـ انا: ايه اثروهـ تسذا..طيب وين الكرسي حقي <~ رضغت لـ الامر الواقع .. . والقا وحدن حبوب من بريدهـ جالسن جمبي واقوم اهذر معوهـ لين وصلت الرياض ابد ويوم توقف الطيارهـ اقوم افك الحزام وعيى ينفك .. . انا: يا موظفة قريح تعالي الموظفه: وش فيك اخوي انا: كولي تبن..حزامكم عيا ينفتح الموظفه: اخوي اضغط الزر وينفتح انا: اثروهـ تسذا..خلااص طسي الموظفه: اخوي احترم الفاظك انا: اقول اندزلعي يالمزيونه . .. وصلناا مطاار الريآآآآض بسلآآآآم والا انا بروح اختم جوازي عشان اوريه عيال الحارهـ . .. الموظف: ممكن جوازك انا: تستهبل انت انا الجواز تحت امرك الموظف: انت رحلتك ذهاب وعودهـ ..[قلت بـ راسي : الله يلعنك ياموظف قريحي..قايلك روحه ورجعه تعطين ذهاب وعودهـ].. المهم قلت له ايه طالب ذهاب وعودهـ..خفت لا قلت روحه ورجعه يرجعونن المهم وانا اشيل الشنآآط على ظهري وامشي مدري الا القى ذآآآك الشي الي قدامي..يرقى وينزل <~درج كهربائي وحلفت ما امشي الا وانا مصور عندهـ..اغدين لاتزوجت اجخ قدام الحرمه <~اجخ يعني اكشخ ترا طلعت مع باب المطآآآر.. ويجون خمس هنود ناطين علي يجرجرون شنطي.. ولا انا اقوم افصخ النعله بشوتهم ..احسبهم حراميه مدري الا يبون يشلون الشنط....والله واقول بـ براسي والله يا اهل الرياض كرم وخلي كل هندي يشيل شنطه..الا الخاامس مابقى معه شنطه فصخت له نعالي يشيلهن المهم واوقف تكسي ويجيون الهنود يقلون جيب خمس ريال.. انا: خمس ريال وشولوهـ الهندي:انا شيل شنطه حقت انتااا انا: والله محد قالك انقز علي وشلهن الهندي: جيب خمس ريال انا: اسمع مالك الا ريال وتقاسموهـ انت والمنتخب السنغالي الي وراك .. . واركب مع واحدن سعودي لمزين واقوم اسولف معه عن الوظايف ومثل كذا انا: كيف الومزين معك السواق:والله الصراحه طفش ..واذا شافوك سعودي ماركبو معك حريم انا: افااااا وراهـ طيب السواق: يقلون السعودي يخطف .. . ..~[ معليش بدخلكم بسالفه عرض ]~.. هذي حرمه واقفه عند خيآآط المهم كانت كاشفه لـ الهندي وتشرحله وشلون يصمم المهم جااا وراهـ رجال ورحمته..التفتت الحرمه عليهم وقالت: يوهـ رجال ..وتغطت الحين الهندي موهب رجال والسعودي رجال..تحس بوهـ تخلف بالحريم .. نرجع لـ الموضوع .. المهم واقول لـ الموزين انا: اسمع يالحبيب انا مادل بالرياض ودن لـ شقق رخيصه بسكن به كم يوم السواق: قال ابشر ماطلبت شي.. وودان جزاهـ الله خير لـ فندق 9 نجوم بالبطحى .. . دخلت الغرفه كنت تعبآآآن خميت الفرآآآآش ..بس مآآآآش عجزت انام قآآآعد افكر انا بتوضف ولا لا..ومن هل كلاااام الي لايجيب ولا يودي توكلت على الله ونمت . .. قمت الصبآآآح ولبست ثوبي..وقلت بروح اتفرج على الرياااض ..وبشوف وش قصة النبيطه الي تصول لـ السما المهم ركبت مع لموزين ورحت لـ النبيطه الي توصل لـ السماا وصلت لـ المملكه.. ورحت لـ الباب ابي ادخل.. ويمسكن السكيرتي ويقول وين وين انا: وش الي وين وين السكيرتي : عوائل ياخوي انا: وش الي عوائل وقلت حيى السكيرتي: اعذرني ياخوي انا: اشرهـ موهب عليك الشرهه على الي موقفك هنك السكيرتي: وش تقول..؟؟ انا: اقول كل تبن بس واقفيت ومشيت..مدري الا سوري معه جواله يكلم ويدخل مع الباب زي السلام عليكم وانا افصخ العقال بروح امسط هالسكيرتي الستذوب انا: تهك علي انت ..وراك تدخل ذا الاطخم وانا لا السكيرتي: هذا موهب سعودي مصرح بـ دخوله انا: لا ياشيخ..يعني اتجنس عشان ادخل السكيرتي: شف ياخوي شكلك انت منتب من الرياض انا: اي والله منب من الرياض السكيرتي: اسمع..انا بدخلك بس اذا طلعوك مالي بك دخل انا: قلت له ازهله .. قلت براسي..:ابشر بالنكبه يالتسلب .. ومير ادخل ..واشوف الي لم ترااهـ عيني من ذي قبل نعم نعم ..سعابيلي بدأت تقوطر قطرهـ تلوى القطرهـ لقد رآآيت تلك الفتآآآآت الي كاشفتن خشته والله ياهي معطت قلمي من مواصيروهـ.. قمت ازحف له زحف ..واحبي له حبي وقلت: كيف الحال البنت: وش تبي .. انا اكلت كبر اسي ومشيت..ماتوقعت هل جوآآآب يطلع تسذا المهم وانا امشي مدري الى يمسكونن اثنين مطاوعه المطوع: وش عندك هنااا انا: جااااي امتر السوق المطوع: الا يالكآآآفر ..ولك وجه تقوله انا: اقول روقناا ولا يكثر المطوع: يآآآعسكري تعال شلوهـ انا: قالولك كرتون طآآآيح..وخر عن بس ومير يجي العسكري يمسكن ويطلعن برا السوق وقالي اسمع انت شكلك صآآدق بخليك تمشي وبقول انك هجيت قلت له تم.. .. ..[بدخل بسآآلفه ].. الرسول صلى الله عليه وسلم .. امرنااا..ان المرئه تتغطى وتتستر..وتحتشم نفسه مآآقل..طلعو العيال من الاسوآآق شي يقهر والله.. خلآآآآصة الكلاام..الهيئه مثل امس هالحزهـ .. نرجع لـ موضعناا المهم ووقفت لموزين ..وقلت له اقرب بخاري الله لا يهينك رحت تغديت الحمدلله.. وانا طالع من البخاري والقى واحد كنى ندرس سوى انا ويااهـ وسولف معه شوي وسولف لي عن الرياض ويقول انت غبي تجي تتوضف هنا..هنا العن من القصيم المهم قال اسمع انا واثنين من الشباب نبي نروح حديقه تجي معنا قلت له انا تم.. ورحنااا لم الحديقه ونضبط ذآآآك الشآآهي الي يحبوهـ قلبك وقالو امشوو نتمشى قلناا يالله وحناا نمشي وفلة احجاج.. يجونك 4 مطاااوعه..يالييييييييييل ابو لمبه ورانا وين مانورح المطوع: وش عندكم انت ويآآهـ هنا صديقي: جآآين نتمشى فيه مشكله المطوع:هنااا مكاان عوائل ..يالله شل قشك وانقلع صديقي: اقول احترم نفسك لا اربيك هنااا المطوع: ياا عسكري تعال شلهم ((الهيئيه ماعندهم الا كلمة..ياعسكري)) المهم وقلناا خلااص نبي نطلع رجعت لم الفندق انا وقعدت اهوجس على الفرآآآآش قلت والله ان القصيم ارحم..صدق ان الجيرآآن غثيثين بس ارحم من هنااا وصملت ارجع الصبح قصيت تذكر هـ ورجعت لم القصيم يوم وصلنااا لـ مطاار القصيم واروح لم الي عطااان ذهااب وعودهـ..واقوم امردغه لين عض الارض.. وهاذي سالفتن من سوالفي .. والهدف من الموضوع - مآآآبوهـ وضآآآيف زي العالم والنآآآآآس..اخرته نبي نسرق اسطونآآت غآآز -اي مكآآآآن نروح لوهـ قالو عوائل..يعني لازم استقدم شغاله عشان اتمشى على كيفي ولا وش السوآآت -الشآآآهي منشطآآآت سعوديه ..انصح بعدم توفيرهـ بالبقالاااات.. وبس.. وانشالله اعجبكم الموضوع
|
#2
|
||||
|
||||
ههههههههههههههههههه حلووووه ومشكووور على الموضوع وننتظر جديدك
|
#3
|
|||||||||||||||||||||||||
|
|||||||||||||||||||||||||
دووووم الضحتسه ماشاء الله عليتس ..قريتي الموضوع بدقيدزهـ
|
#4
|
||||
|
||||
هههههههههههههههههههههههههههههههههههههههههههههههههه هههههههههههههههههههههههههههههههههههههههههههه
هههههههههههههههههههههههههههههههههههههههههههههههههه هههههههههههه الله يقطع اخشيشك انت وصوالفك أضحك الله ظرصـــــــــــــك الحـــــــــــــــــــين انت ذكي يوم انك تروح للرياض<<< اقالي عندي صالفة ودبره<<<ياحبيلي بص أما روحه ورجعة <<<< هذي شي>>>وراك ماقلت له تعال واندزلع يصـــــــــــــــــــــــــلموا أخوي على الصالفة اللي انا أحصن
|
#5
|
||||
|
||||
( qq166) واللهي معاناه صذز لا قالوا اللي مايعرف الصقر يشويه >>توه حافظه هالمثل وجايه تقوله لكم لا عاد صذز يعني انت بكامل قواك العقليه رايح تدور شغل بالرياض بس تسذا اساسا اذا ماعندك واسطه بهالايام مابه وظيفه ومصيرك مصير اللي يشربون شاهي الين ماتلقى لك واسطه وشسمه بعد ايه صذز دايم اسمع الحريم يقلن الهندي مانتغطى عنه واللهي استغرب يعني هو مو رجال ولا محرم وحنا ماندري يوم انهن يفتشن عندهم >>عصبت واذا تبي منتزهات للشباب ترا عندنا بحايل منتزه مهنا زينه مخصصينه للشباب وطبعا حنا يالحريم معجبنا وكل يوم رايحات له الين ماجت الهيئه وطردت العوائل >>الله يالزمن الحين يطردون العوائل ويوم طردوهم والله المنتزه فاااااااااضي الحمدلله لو انهم تاركينه للعوائل احسن ماش الشباب مابهم حيله وازيد من الشعر بيت بعد حاطين به مراجيح ياربي لك الحمد يبون الشباب يلعبون بهن الظاهر عوافي ع الموضوع النااايس
|
#6
|
||||
|
||||
الله يرج ابليستس رج وانا وش يدرين ان الرياض مابه وضايف.. كل سفراتي الرس بريدهـ الرس عنيزهـ..وتهورت مرهـ ورحت المجمعه وعلى طاري روحه ورجعه.. انا صآآآدز..وهو يبي يضحك علي لاكن كشفتوهـ
|
#7
|
|||||||||||||||||||||||||
|
|||||||||||||||||||||||||
ايه والله انك صآآدزهـ الي ماعندوهـ وآآسطه يمآآرس شرب الشاهي الا صدز وش قصدكم مع الهنود...تبين الصدز افكر اصير هندي والله ان حآآآيل ديرتن ماعقبه ديرهـ...اجل منتزهـ مخصص لـ الشباب بالريآآض مافيه الا طعس التحدي لـ الشباب..ولا خمس وجمعه حريم يارجآآآله خليه يصير فآآآضي..اهم شي لا يدخله الشعب الاسود << عبايآآت نبي مكآآآن نفتخر بوهـ نقول لا لـ العوائل ..
|
#8
|
|||||||||||||||||||||
|
|||||||||||||||||||||
وش تقرب لك العجوز اللي ركبت مع تآكسي ! قآلهآ وين أوديك ؟
قآلت : ههه أمشش أقووول مآعلمت عيآلي تبيني أعلمك ترآ الوظآيف مآهيب حكر على الريآض <- طفشوهآ كل يوم رآيح لهآ وآحد دور لك وظيفه منآ ولآ منآ .. ههـ لو كونتر بسربآل <- ترى مآهوب عيب أبد الله يرزقك الوظيفة اللي تتمنآهآ ..
|
#9
|
|||||||||||||||||||||||||
|
|||||||||||||||||||||||||
صدز ان هالعجوز فاهمتن لـ الدنيآآ..اجل اعلم النآآس بسرآآري الريآآآض والله ماعندهم ماعند جدتي..اسبوع وآآقف طآآآبور..ويقلون راجعنااا واكبر سيفون يعطونك واذا هي على كونتر ..مآآيحتآآآج في محل خضآآر جمب بيتناا يبون واحدن رزهـ يقعد على الكآآشير والله يمسع منتس ..ومن بؤتس لـ باب السماا يارب وترآآي تو بزير على الوضيفه ..حتى ثنوي مآآخلصناا.. لاكن اشوف الشعب سآآكت قلت خل انقز على المنبر
|
#10
|
|||||||||||||||||||||
|
|||||||||||||||||||||
آجل شد حيلك وجب نسبه حلوهـ وأدخل قسم سنع وبلآش تجديعة وجه !
تصدق مآهيب شينه شغلة الخضآر تدخل درآهم بس أي سوق تقصد <-- ترآني قسم آوب رسآويه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |