العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
هل استحق الي يسويه فيني ابي استشيركم
السلام عليكم ورحمة الله وبركاته
اتمنا ماتجرحوني بالكلام يكفي الي جاني وتحملته خمس سنوات من ضرب وإهانات وتجريح جاني ماكفاني انا عندي مشكله ياما عانيت منها كثير ويا مصبرت وتحملت بس طفح الكيل مقدرت اتحمل وهجيت مشكلتي من البدايه تزوجت وربي بلاني بزوج مايحرك ساكن على الصامت ولا يسولف ولا يونس و اكبر خاين ومدمن حبوب وماعنده غير التحطيم ويغار علي غيره شديده لدرجة الشك بس مكان يهمني شكه لاني واثقه بنفسي ياما كشفته بعدة خيانات ورضيت بعيشتي وجبت منه اطفالي ابي الستر ومرت الأيام والسنوات ويا ما تهاوشنا ورضينا نضحك ونبكي ترا في تفاصيل مقدر اقولها دخلت النت بيتي وجنني زوجي عليه ممنوع تدخلين اليوتب ممنوع تشاركين اذا جبت له سالفه ونتناقش فيها قالي خلي سوالف النت عنك يعني يقهرني بكل شي كل شي لا مره قلت له بدخل الشات بهايط رفض انا فرفوشه جدا ونكتيه ومرحه واكبر مهايطيه وكنت ابي اتسلى وسولف فقط لاغير لان عندي طاقه كلاميه مكبوته دخلت الشات وهو مايدري وهايطت واستانست وعطاني واحد اميل وانا والله وقته ما اعرف استخدمه وكنت اسجل بأميل زوجي وبعد سنه فتحت الأميل الي عطانيه ولقيته مليان شباب شكله كان يضحك عليهم مسوي نفسه بنت المهم هايطت عليهم وكشفني زوجي ويعلم الله انها ماوصلت لجوال ولا واحد منهم سمع صوتي مجرد دردشه كتابه فقط ولا اعرفهم ولايعرفوني كلها اسماء وهميه كشفني زوجي لانه حط لي برنامج تجسس بس الي رحمني كانت سوالفي عاديه طبعا وصل الخبر اهلي وخواني ومن يومها وانا في عذاب معاد يثق فيني ابد جنني ياناس جنني يطيح فيني ضرب بالعقال بسلك العلاق بعصى المكنسه يضربني كفوف على وجهي يمصع شعري ويسحبني فيه ويهددني بيفضحني مع الناس جنني صرت اخاف منه برهبه حرمني من كل شي بسبت غلطه كرهلي بحياتي صرت ابكي وادعي على نفسي بالموت ابي ارتاح من العذاب كل شوي ربعك وربعك يشك فيني جنني ياناس جنني زمان ماكنت اهتم لكلامه لأني عندي ثقه الحين مقدر اتكلم او ارد او ادافع عن نفسي خايفه من الطلاق وانه يفضحني احيانا يطردني من بيته وكل ذا وصبرت وتحملت وطفح الكيل وهجيت لبيت اهلي صابني رعب شديد جدا منه احيانا لما يعصب اعملها على نفسي من الراعه وش اسوي تعبت مقدر ارجع له ولا اعيش مطلقه معاد فيني صبر وش اسوي اتمنا ماتجرحوني ولا تقسون علي اقسم بالله اني مادخلت الشات ولا مسنجر عقب السالفه ذي لها اليوم ذا اخذت درس في حياتي مراح انساه وعذروني كلامي ملحبط لاني ماقدر اشوف الشاشه من دموعي
|
#2
|
||||
|
||||
تراس روعتيني
وش هالحياة معقول في ازواج كذا وقسم خفت ياربي لاتبلاني اختي ادعي ربس ان الله يهديه وصلي واستغفري واهتمي باطفالس والله بيساعدك يارب يحنن قلب زوجك عليك ويهديه للطريق الصحيح ويبعد عنه اصحاب السوء
|
#3
|
||||
|
||||
روعتيني من سالفه التجسس
يعني اسولف مع صديقتي مسن اي احد يقدر يقرى سوالفنا والا كيف فهموووني
|
#4
|
||||
|
||||
أختي بارك الله فيك ..
أنتي قلتيها ربي بلاك بهذا الزوج ويحاض من قدر يصبر على البلاء بشتى أنواعه فله أجر عظيم عند الله عز وجل ، صحيح أن زوجك هذا حسب مافهمته من كلامك ماهو طبيعي فليس من الرجوله مدة اليد على أمرأة وليس من تعاليم ديننا ولا أخلاقنا تلك المعامله القاسيه ، ولكن أنتي وقتها ، عالجتي الخطأ بخطأ ففعلتك أيضاً ليست بمبرر لتعاقبين زوجك بل أنتي عاقبتي نفسك واستلمتي للشيطان حينما استغل ضعف إيمانك ، ولكن الحمد اللي الله هداك ونور بصيرتك ، وأنا أرى أنك بعد الدعاء واللجوء لله سبحانه يجب عليك ، تضعي حد إذا لم تستطيعي الصبر وتدخلين من هم لهم كلمه على زوجك ، حتى تحل المشكله ، أخياراً .. ما أقول إلا الله يفرج همك ويوفقك ويسعدك في حياتك
|
#5
|
||||
|
||||
لاحول ولاقوه لا بالــلــه
والله كرهتونــي في الزواج مافي مثل بيت لابــو معززهـ مكرمـــــــــــه الله يصبرك ويكون بعونكـ حيــاهـ صعبــه وزمـــــــن قاســسـي
|
#6
|
||||
|
||||
تبين نصيحتي على بلاطه أنحاشي واطلبي الطلاق ولاتخافين نصيبك بيجيك وصدقيني بتحصلين أطلق من لحيته حباب وشكاك ويظربك وش بقي وش متحسفه عليه بيت ابوك أكرم لك وإذا قلبك قوي ذبي بزرانه في وجهه لابوه لابو كلب حقير والله عصبت
|
#7
|
||||
|
||||
ياقلبي عليك بالاستغفاار والدعاء وتحري اوقات الاستجابه وقبل لاتتخذيين اي قرار
صلي الاستخاره اقل شيء ثلاث مراات وباذن الله مايصيير الا الخيير لك وعيالك اذا عزمتي تتركينه لاتخليينهم عنده لان الام احن من الاب نصيحه لاتخليينهم ظلم لهم سواء تزوج الاب او لا لاتخليينهم والله يوفقك ويسعد قلبك ويعوضك خيير
|
#8
|
|||
|
|||
,
طيب دام الفاس وقع بالراس ودرى انك تسولفين مع رجال وشك وضررب وتكفيخ وش تنتظرين وهو ليه يضرب اصلا دام الموضوع انتهى الحين وش يخليه يضرب ثانيه وثالثة يا اما يسامحك ويخليك لعيالك أو تصريف بإحسان بتصبرين كذا بس لانه مسك عليك ان معك أحد مسن .. أنا مستهين بكونه كشف معك رجال بالمسن .. لا غلط بس الغريب انه مبقيك .. وتهديد وضرب .. طيب وبعدين ! اعتذري منه لبي طلباته اهملي النت والجوال والثابت والسوق وو اللي تثير الك اتركيهم نهائي وان شاء الله ترجع المياه لمجاريها هي كذا في بدايتها صعبة
|
#9
|
|||||||||||||||||||||||||
|
|||||||||||||||||||||||||
طآلبة علينا هههه إيه فيه برامج تجسس وفيه برامج تطلع المحذوف وفيه كل شي عشان كذأ امشي مستقيم يحتار عدوك فيك ,
|
#10
|
|||
|
|||
يا ناس الانترنت سلاح ذو حدين واي غلطة معه لا يرحم والذين يعرفون ان ضرره اكثر من نفعه لا يقتربون منه حذارى حذاري خاصة النساء وبالاخص المتزوجات ازواجكم واولادكم وبيوتكم امانة في اعناقكم
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |