|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
01-07-06, 11:49 PM
|
||||
|
||||
جاء كاتم الونات يحتاج قلبه....ابونواف& كاتم
الف.. أولف لي كلاما حقيقي=وأسنده لك يابن عمي شقيقي ياخوك أنا من صاحبي نشف ريقي=أنا أشهد أن الحب جاير وقتال الباء.. بدء جسمٍ كما فلوة العـز=خصره نحيلٍ لامشى داخلي فز قلب المتيم والهجر هزنا هز=أنا أشهد أن الشوق ذابح وفعال التاء..تواصيف الشعر كالحراير=أسود سواد الليل أشوفه دواير يرهي عليه الطيب ولابه خساير=أن قلت لي أمواج وأن قلت شلال الثاء..ثبت عندي محاسن جبـينه=قفلة من الفرقة الى حجاج عينه وين الجمال اللى يقولون وينه=يفشل أمام الزين في كل الاحوال الجيم...جميع اللي وصفته يهوني=عند العيوني اللي تعذب عيوني اليا لمحت الطرف زادت جنوني=ياويل قلبي كحلها مابعد سال الحاء...حداني رمشها للشعر حد=مثل البحر لاجاد جزره مع المد الله دخيلك رسمته لعالي الخد=اليا ذكرته أعسف القاف موال الخاء.. خشمها قد توسط بدرها=أقطم ومملوحٍ يناسب عمرها أنا أشهد أن الروح زيـنه دمرها=قد مات قبلي قيس والحب بتال الدال...دانه رسمته بالشفايف=في داخله لولو حقيقي رهايف منه العسل يشفي كثير الكلايف=عسل حقيقي ماجنى منه نحال الذال...ذابت قوتي و المحاني=حتى برز قلبٍ بحبه يعاني في معركة راح الحصن والحصاني=وأستسلمت روحي لحبه ولازال الراء...رماني بالسهام الخطيرة=ثم أشتعل قلبي بنارٍ سعيرة قلبي رهيفٍ عارفٍ وش مصيرة=قبر ونصايب عدها ضمن الاطلال الزاء...زهابي عند خلي قصيدة=الفيةٍ لاشك ماهي الوحيدة لو ينتظر يسمع قصايد عديدة=أنظم قوافيها مثل نظم سلسال السين...سل الحال وقفى حبيبي=والمشكلة هو علتي ذا الطبيبي ياليتني مخطيء ولاني مصيبي=لا قلت سلال الهوى ايه سلال الشين...شان الحال والقلب مهموم=عايش وكني تايه الراس منجوم معلوم حالي بين الاجواد معلوم=من شافني صديت والدمع همال الصاد.. صابر لكن الصبر علقم=وين الامل وش فيه ذلحين معدم الموت عندي من عنى الشوق أرحم=ياموت عجل أتعبتني ذا الاغلال الضاد..ضنيني راح وحطم فؤادي=والمشكلة يسكن في داخل بلادي هو أستحل قلبي بليا هنادي=مثل الذي قالوه في بعض الامثال الطاء..طلبتك ياريش العين طلبه=جاء كاتم الونات يتحاج قلبه دام البخل حتى برشفة وشربه=راحت حياتي من عنا الحب حمال الظاد..ظهر لي ياشقى القلب حاجة=طبه صعيبٍ في العرب والخواجة يامعالج المحروم خل السماجة=هات الحبيب اللي عن العين رحال العين..عيني ما تنام الليالي=والهم والهوجاس يابري حالي يفوح قلبي بالشقى لا طرالي=فوح الدلال اللي على نار هذال الغين...غاب اللي وصوفه علاجي=أن كان في القذله وسود الحجاجي حتى القراح أصبح كريهٍ هماجي=طال الفراق اللي به الهم قد طال الفاء...فضول الناس عذب عيوني=حتى على الهوجاس هم يحسدوني وأصبحت أنا قصة أبد يذكروني=راحت حياتي بين ناقد وعذال القاف...قافي أنـتخى من عنايه=كني كبيرٍ أستقر بالرعاية ماقلتها كاذب ولا بالدعاية=وماني محرج بالمشاعر ودلال الكاف...كان الحب هاذي سواته=كم وأحدٍ يعشق وتعلن وفاته هات القلم وأكتب ياخوك هاته=أكتب على قبري ترى الحب قتال الميم...مروا بي على بيتها اليوم=ودي أشوف أجدار به قلب مرسوم فيه السهم نافذ من أعلى ومخروم=يازينها الذكرى على صدق و أطفال النون...ناديت الخلايق على شان=مايفوتهم قلبٍ من الشوق بركان ثار وتفجر صار بادي للاعيان=ومن الحمم صابه ثلاثين زلزال الواو..ونات الوله والتوجد=ومشاعر الحيرة وبال أمتردد ماخاف ربه في الهجر والتصدد=لوه عدو أحرقت قلبه بشعال الهاء..هلا بالموت يامرحبابه=رحنا لجل عينه عشاء للذيابه مابه سبب الا وطقيت بابه=ومن شين حظي كل بابٍ به أقفال اللام..لاموني الاهل والقرايب=لاتعذلوني لا مانيب تايب أن مت خطوا فوق ذيك النصايب=ذا كاتم الونه عليه الوله مال الياء..يقول اللي كتبها من الشوق=ومن عبرةٍ قشرى غدا الحلق مخنوق ياويل قلبي بالهجر صار محروق=عشنا ولكن دربنا فيه غربال وأختم كلامي بالصلاة الزكية=وأفضل سلام الله لخير البريه الله يثبـتـنا بسنة نبـيه=ونارد على الكوثر وتسعد بنا الحال. http://www.5ymah.net/rm/alfyyyh.ra
|
|
#3
01-07-06, 11:56 PM
|
||||
|
||||
الله الله عليك
صح لساانك يا كاتم أبداع بلا حدووود تحيتي
|
|
#4
02-07-06, 05:13 AM
|
||||
|
||||
 صح لسانكــ يالشاعر
|
|
#5
02-07-06, 05:54 AM
|
||||
|
||||
|
الــلــه الــلــه
رووووووووووووووووووووووووووووعه بعد هالالفيه راح نسميك كاتم العمار ( على وزن الفية ابن عمار )  رائــــــــــــــــــعــــــــــــــــــــــــــه صح السانك وعلا شانك يالنشمي وتسلم يمينك على هالقصيده الرائعه والمميزه ويسلم صوت اخوي ابو نواف يعطيكم العافيه جميعاَ
|
|
#6
02-07-06, 08:13 AM
|
||||
|
||||
|
صح لسانك ياكاتم
مبدع وجزل كعادتك لاهنت تحيتي
|
|
#7
02-07-06, 11:34 AM
|
||||
|
||||
|
الله الله
صح لسانك يا غالينا
|
|
#8
02-07-06, 11:53 AM
|
||||
|
||||
|
صح لسان وعلا شانك يابركان الشوق
فقد اشعلت بهذه القصيده براكين الشوق في قلوبنا ولاهان اخوي بونواف على هذا الاداء الجميل
|
|
#10
02-07-06, 01:55 PM
|
|||||||||||||||||||||||||||
|
|||||||||||||||||||||||||||
هلاا وغلاااا بغالينا... قصيمي في بي صح بدنك لاهنت يالغلاااا وبارك الله في جهوودكم لأعادت منتدانا (حسبنا الله ونعم الوكيل) نورت موضوع محبك لاهنت ولاهان غاليك تحية وتقدير المحب دائما
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
