|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
11-07-04, 07:05 AM
|
||||
|
||||
دعوه للنقاش الجاد ... قضية التعدد والعدل بين الزوجات والأبناء
االسلام عليكم ورحمة الله وبركاته
دائما النقاش عن التعدد يكون عن عدم تقبل المرأه انه زوجها يتزوج عليها ويتناسون قضيه مهمه وهي العدل الي صار صعب تحققه في زمن صارت فيه العواطف هي الي تتحكم بالإنسان ... فيه أحد الأعضاء كتب موضوع عن التعدد وقال انه حل لمشكلة العنوسه والأرامل والمطلقات...لكن اللي نشوفه انه الرجال اذا قرر الزواج من ثانيه يروح يتزوج من وحده صغيره يجدد معها شبابه طبعا هنا استبعد الي يتزوج لأسباب شرعيه وهؤلاء قله ... انا مو ضد التعدد ولا اقدر اخالف امر احله الله سبحانه وتعالى ... والي ابي اقوله انه المفروض نناقش مسالة العدل الي اصبح شبه معدوم عند الرجال واللي تسبب الغيره اللي بدورها تسبب مشاكل تؤثر على استقرار الأسره ... الشي الثاني الي ابي اقوله انه الرجال اذا قرر الزواج من ثانيه لازم يكون هناك شروط لهذا الزواج حتى مايفشل وتكون عواقبه وخيمه يعني مايروح ياخذ وحده اصغر منه بعشرين او ثلاثين او حتى عشر سنين ثاني شي ماتكون بكر مالها خبره بالحياة وماتقدر وجود زوجه اولى واولاد ثالثا ماتكون اجنبيه حتى لو كانت عربيه او خليجيه علشان الإخوان بكره مايصير بينهم حواجز وكل واحد منهم يتمسك بعادات وتصرفات امه وخواله والأهم انه يشووف نفسه هو قادر على تحمل مسؤلية زوجه واولاد ومايكون تفكيره واهتمامه مقتصر على تلبية احتياجاتهم الماديه بعدين لازم يتفق مع زوجته انه ماينجبون اولاد على الأقل في السنتين الأولى من الزواج الى مايشوف نفسه هو قادر يعدل ولا لا ووإذا تبون رأي انا اشوف انه في زماننا هذا قليل الرجال الي يتحملون المسؤلية وقليل نشوف المراه الي تهتم بيتها وتحافظ عليه ونادر مانشوف مرة اب تكون طبيه ومادور على الشر . أتمنى أشوف ردود حكيمه تثري الموضوع وبعيده عن التعصب والعاطفه ملحوظه: معليش لو كتبت بالعامي لكني لو كتبت بالفصحى راح اتكلف وراح يخونني قاموسي ببعض الكلمات ومن حبي للغه العربيه الفصحى ماودي اسيء لها
|
|
#2
11-07-04, 12:28 PM
|
||||
|
||||
|
كأني اجد نفسي في جمله مفيده بين السطور ولكن ربما كان الحل المناسب لا يناسب الكل لذلك لا اجد نفسي في هذا الموضوع 
|
|
#3
11-07-04, 02:41 PM
|
||||
|
||||
|
اختى هبة:
التعدد هو الحل الوحيد فى تقليل نسبة العنوسة ......والحل الوحيد لتقليل من بنات الهوى.....!! اما طريقة التعدد فهدة تعتمد على الشخص نفسة واختيارة للزوجة الثانية....كيف يكون؟؟؟؟ وجهة نظر...... ولك تحيتى.......!!! 
|
|
#4
11-07-04, 02:46 PM
|
||||
|
||||
|
وانا ضد هالتعدد بشكل نهااااااااائي
شوفوا لكم حلول ثانيه غير التعدد... مستحيل اقبل زوجي يتزوج علي بوحده ثانيه عشان يحل مشكلتها ويجيب لي انا المصايب والبلاوي والامراض تبون تحلون مشكله على حساب مشاعر الاخرين؟؟؟ هاذي مصيبه  ولا حول ولا قوة الا بالله العظيم
|
|
#5
11-07-04, 05:30 PM
|
||||
|
||||
|
هبـــــه
الحمدلله على السلامة فرحت لرؤية اسمك بعد غيبه ويا هلابك يا وختي ولي عودة لموضوعك
|
|
#6
12-07-04, 12:15 AM
|
||||
|
||||
|
الحمد لله أولا وآخراً:
من حيث الزوجة الثانية لا ينظر للموضوع من زاوية أو ثنتين. بل ينظر للمتزوج لماذا ولم؟ وكيف ومتى. بالنسبة لكثير من الرجال : فهم يحبون الزواج من الثانية لكن أنا أسأل: لماذا يطرق الرجل موضوع الزوجة الثانية عندما تكون امرأته عليها العذر الشرعي؟وبعدها يسكت. لماذا يطرق الموضوع إذا جاءه مولود وذهبت المرأة لأهلاها مدة 40 يوم؟ لماذا إذا فشل الزواج أو ساءت العلاقة هدد الرجل بالزواج من الثانية؟ بل لماذا الزواج بالثانية هو كلام الرجال في المجالس ؟ بل معروف عند الرجال أن الذي يتكلم بهذا الموضوع لن يأخذ الثانية إلا في المعجزات؟ لماذا الرجل الذي عليه الديون المتراكبة يطرق الموضوع والذي حاله ميسورة ساكت .(وهذا معروف في الغالب) إذاً هي شنشنة معروفة من أخزم. وحطي يا أختي أعصابك في الثلاجة , واقص لكم قصة قصيرة في سطور وحدثت قبل اسبوعين وهو أن أحد طوال الشوارب ولد له مولود وبعد عشرة أيام ثار الرجال وكثر ماء القليب وشد ظهره وبلشنا به. الرجال هجيراه الزواج كل يوم بالشبة بالدوام بعد الصلاة مباشرة ما يكمل التسبيح يقول للي معه ما لقيت لي مره؟ الشبة طبعاً مكونة من عدة شباب مشافيح أهم شي انهم يهجدون هالنار. ما صبينا الماء وما قلنا خلك على مرتك طولناها معه دورنا له مره بكل مكان . هذي طويله وهذي قصير وانتهى الموضوع على السفر لمدينة قريبة حيث ذكرت له امرأة من حمولة طيبة. النتيجة كل ما سأل جاه المدح والمرة مزيونة ومن حمولة وطلب أبوها 20000 ألف فقط.... ومؤخر بسييييط . وخلاه يشوف البنت( 27 سنة وبكر ومزييييونة وحافظة للقرآن ) وياالله من فضلك. ورجعنا على أن يجهز الرجال نفسه. اجتمعنا واجتمعنا يا خوياه لكن الرجال ما اجتمع معنا ولا جانا. وين وين أتاري بنت الأجواد دريت بالموضوع ودريت ان زوجه نبثة والماء طالع. مقه وزقه.(قالت تعال ودني المستوصف وجاء ولعبت فيه وخمه وضمه ياما درعم الرجال) وبلش بالموضوع ويبيله يومين وهو بنشوة الخمة. يا بو فلان هاه الربع كلموه أبو البنت اللي خطبه يكلمه لكن الرد ( أخذ يتشرط على أبو البنت وصرفففففه) وش رايكم . هل هذا يستاهل الزواج. أنا أقول إن الزواج بالثانية يحتاج لتخطيط وبما أن الكاتبة امراة ما أخوض بالتخطيط هذا وأترك المجال لغيري لأني أعايش مثل هالمواضيع وأحل مشالكل منهالقبيل فأترككم على خير. وصلى الله وسلم على نبينا محمد وآله وصحبه وسلم.
|
|
#7
12-07-04, 01:46 AM
|
||||
|
||||
|
الـســلام،،، عـلـيـكـم
أنـا مـن وجـهـة نـظـري الـتـعـداد ،،،،، شرعـيـاً حـلال. ولـكـن هـنـاك شـروط واجـبـات لا بـد أنـهـا تـتـوفـر بالـزوج لـكـي يـقـدم الـزوج عـلـى الـتـعـداد أو الـزوجـة الـثانـيـة ومـنـهـا الـنــاحـيـة الـصـحـيـة والـمـالـيـة والاحـتـمـاعـيـة ولا سـيـمـا الـعـدل،،،،،،،وأذا تـوفـر الـشـروط اللازمـة لا أرى مـانـع فـي ذلـك وهـذا مـن وجـهـة نـظـر شخصية بـحـتـة. كثيـراً مـا يـكـون الـزواج الـثـانـي مـنـبـوذ ومكروه لـدى الـزوجـات ولـكـنـه أيـضـاً أحـيـانـاً كـثيرة ربـما يـكـون خير ونـعـمـة لـزوجـة الاولـى. ولـكـن الـلـي نـراه الآن غير كـذا بـكـثـيـر نـرى رجـل يـحـبـذ الـتعـداد ولـهـو الـذي عـدل ولا هـو الـذي وفـر الـمـسـكـن ،، والـمـصـروف لزوجاتـة،،، وأولاده،،، يـشـكـو مـن الـفـقـر ،،،،، أذا لـمـاذا تـقــدم عـلـى الـتـعـداد وتـعلـق بـعـنـقـك مـسـؤولـيـة مـحـاسـب علـيـهـا يـوم الـقـيـامـة،،،،،،،،،؟ ورايي الـشـخـصـي لا أويـد الـتـعـداد إلا لـلـضـرورة فـقـط. رأي واحـد أعـزب لا تـأخـذوا بـة ولا تـعـتـبوا عـلـيـه أن أخـطأ بـرأيـة. والشكر كل الشكر لكـاتـبـتنـا ( هـبـة) والله يـعـطـيـك الـعـافـيـة
|
|
#8
12-07-04, 06:25 AM
|
||||
|
||||
|
مستغرب
وليش مايكون لك مكان انا ماتكلمت وقلت انا ضد او مع التعدد لو دقق في كلامي بتشوف اني اتكلم عن اللي المفروض الرجال ياخذه في الأعتبار في البحث عن زوجه ثانيه تفادي للمشاكل الي ممكن تقع والي راح تأثر تاثير سلبي على استقرار البيت واحتمال كبير ينحرم الإخوان من بعض نتيجه اختيار خطأ اتمنى انك فهمت علي ــــــــــــــــــــــــــــــــــــــــــــــــــ ـــــــــــــــ لؤلؤة الخليج انا هنا ماابحث مسألة العنوسه وهل التعدد يعتبر حل ولا لا اتمنى تقرين ردي على مستغرب واتمنى تعيدين قراءة الموضوع مره ثانيه ــــــــــــــــــــــــــــــــــــــــــــــــــ ـــــــــــــــ mona333 مشكوره على الرد والله يخلي لك زوجك يارب وان شاء الله مايتزوج عليك
|
|
#9
12-07-04, 06:32 AM
|
||||||||||||||||||||||||||||||||||||||||||||||||||||||||||||||||||||||||||||||||
|
||||||||||||||||||||||||||||||||||||||||||||||||||||||||||||||||||||||||||||||||
|
سيف العداله
معليش الغيبه غصب عنا عارفين اللحين إجازه وموب غريبه لو رجعت غطست مره ثانيه وفي انتظار ردك _______________________ العديم اسمح لي اقتبس
ياليتهم اذا تكلموا بالموضوع ينصحون بعض بالعدل وانهم يرأفون بحال اولادهم وزوجاتهم شكرا لردك ولو انك تجاوزت الخطوط الحمرا وماتمنيت هالشي يصير بمووضوعي ________________________ هلا والله بفارس الفرسان غريب الماضي بصراحه ردك يثلج الصدر والله يديم عليك يارب واسمح لي اقتبس من ردك
صحيح وبكذا راح يحافظ على استقرار بيته ونجاح زواجه الثاني
ياكثرهم اللي كذا وتلاقي عليه ديون الله العالم مارح يبلش بها الا عياله اذا مات راحوا يسددون عنه ولا تضيع حقوق الناس وتبقى معلقه برقبته ليوم القيامه .
هذا هو الكلام .
|
|
#10
12-07-04, 11:01 AM
|
||||
|
||||
|
الاخت الفاضلة
هبه اسعد الله مسائك موضوع التعدد اخذ حيز كبير من النقاشات وان كنت مسبقا على علم بوجهة نظري وهي التأييد للتعدد لكن وفق الشروط التي ذكرتيها فالتعدد حكمة الآهية لها اهدافها ودوافعها لكن ان لاتتعدى الحقوق والواجبات وتقريبا جميع الشروط السابقة التي تفضلتي بذكرها شروط عقلانية ومنطقية ولابد ان يكون التعدد تحت طائلة المقدرة بجميع نواحيها اخيتي بدأت صدقا افكر بطريقة مختلفة عن السابق بسبب قصة احدى معارفنا ستتطلق من اجل ان يتزوج زوجها باحدى قريباتها والتي لايحلل الشرع جمعهما معا قصتهما غيرت موازين تفكيري بهذه النقطة وبالتعدد اجمالا ولك فائق تقديري واحترامي اختك شـــــــــــــاهه
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| التعدد بين العاطفة والواقع منقول | نرجسي شوي | العــلاقة الزوجية | 4 | 13-12-04 11:41 PM |
| الارهاب..الاسلام..الكفار.. قضية مترابطة تدعوا للنقاش.. | كركور | ملتقى الحوار الفكري المفتوح | 0 | 21-04-04 09:04 PM |
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
