العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||||||||||
|
|||||||||||
( ناوي ابعاد ومستغرب .. في مهمة خاصة وعاجلة ) لايفوتك ...
( المشهد الاول )
مستغرب يجلس بوقار خلف المكتب ( بمؤسسته ) ... هذه المؤسسة افتتحها مستغرب بعد عودته من الرحلة الاوربية .. ((( وهي عبارة عن ( صندقه ) في سوق الغنم .. وبجانبها حوش للغنم .. يضع فيها مستغرب بضاعته من الماعز والبرابر .. ))) وقد اخذ يفكر بمعمق .. فالسوق راكد لايتحرك .. ولم يبيع منذ شهر سواء ( خروف ) واحد فقط .. باعه ( سلف ) لخنجر .. والذي وعده ان يأتيه بالمبلغ بعد اسبوع والان مر اكثر من ثلاثة اسابيع ولم يظهر خنجر للوجود ... سئل نفسه مستغرب : اتراه مات ..؟؟؟؟ ثم افزعه السؤال واخذ يرفع يده ويهدد .. والله ياخنجر لو تموت وانت ما سددتني قيمة الخروف لاحفر قبرك وابيعك لحم مفروم للجزار .. ما بقى الا هالعلوم .. تموت وحلالي عندك .. ثم رجع الى هدوءه .. وقال لنفسه : انا ليش معصب .. يمكن خنجر ما مات وحي يؤذي عباد الله مثل عادته .. لكن هين ياخنجرروووه .. شغلك عندي .. اعرف وين اصيدك ... وفجأة يرن جرس التلفون : ترررررررررررررررررن ويرفع مستغرب السماعة ويقول : هلو ... ايام مستغرب .. ( <<< طبعاً متاثر بالرحلة ) وياتيه الصوت الاخر من طرف السماعة : واهههههههههههههههههههههه .. تكفى يامستغرب الحقني ... واههههههههههههههه مستغرب : تعوذ من ابليس يارجل .. انت من انت .. الصوت الاخر : واهههههه .. انا ما عرفتني .. انا ... واههههههههههه . مستغرب : انت وشلون تبيني اعرفك .. وانت تاكل بعض هرجك .. الصوت الاخر : انا ناوي ابعاد .. واهههههههههههههههه .. مستغرب : والله وما قالت .. انت وش فيك تبكي .. اكيد مشتكيك واحد على الحقوق ماسددته .. عداتك .. ناوي : تكفى يامستغرب .. انا داخل على الله ثم عليك الفزعة .. مستغرب : تبي سلف فلوس .. معصي .. دور غيري .. مع السلامة ... ناوي : لا والله ما ابي فلوس بس فيه موضوع ضروري .. ابي فزعتك فيه .. ترى ما فيه احد صديقي بها الدنيا الا انت .. واهههههههههههههه .. مستغرب : ما دام انك ما تبي افلوس ابشر والله بسعدك .. ويش اللي يبكيك .؟؟ ناوي : الموضوع طويل .. ويبي له جلسه ( هههه .. باقي البكاء ) وين امرك فيه علشان اعلمك .. مستغرب : مرني بالاستراحة ... ناوي : انت حاط لك استراحة .. ماشاء الله وينه فيه .. مستغرب : بالريفيرا .. .. في هضاب ظهرة سوق الغنم ... العشة اللي بجنب شبك العلف ... بجنب مكتبي .. وين تبيني احط استراحة يعني .. ناوي : طيب انا جايك ذالحين ... ويغلق السماعة .. ***************** للحديث بقية ..
|
#2
|
|||||||||||
|
|||||||||||
( المشهد الثاني )
ساعة او اكثر مرت واذا بصوت ( المتسوبيشي ) يعبر اجواء سوق الغنم .. فقد كان لها صوت مميز يعرفه اهل بريدة باجمعهم .. اضافة الى شكلها الفريد .. فهي سيارة موديل ( 81 ) والكنداسة مشقوقة .. وفي رواية اخرى انه لايوجد كنداسة اصلاً .. فقد رماها ناوي بعدما خربت ولم يشتري بعدها شيء لضيق ذات اليد .... وما هي الا لحظات ويضع مستغرب يديه على اذنيه ليغلقها عن سماع صوت سيارة ناوي .. فالصوت مزعج ولا يطاق .. وما هي الا دقائق معدودة وتنفرج .. ويختفي الصوت .. فلقد وصل ناوي الى الاستراحة ... دخل ناوي الى داخل الاستراحة ... فوجد صديقه الحميم مستغرب متكى على اريكته .. ينتظره .. (( عبارة عن كيس ( شعير ) فوقة سجادة ..)) مستغرب : ياهلا ومرحبا فيك .. نورت الاستراحة بحضورك .. ناوي وقد سالت على خديه بعض من الدموع : ههه ..ههههه ... تكفى يامستغرب .. الفزعة .. وياخذ شماغه بيحذفه على مستغرب ... ويصرخ مستغرب : لا .. لاْ ... لا ... تكفى .. شماغك مليان بلاوي .. ابشر بسعدك وخل شماغك على راسك .. ناوي بعدما جفف دموعه : الله يبارك فيك .. والله ان هقوتي فيك ما ضاعت ... مستغرب : استريح يارجال .. وعطنا اعلومك .. ناوي : مستغرب .. تكفى ... انا ودي ( اتزوج ) وابيك تفزع لي .. مليت ياخي من العزوبية .. الله لا يبارك بالمحارب واليوم اللي عرفته فيه .. دهورني معه .. راح عمري عزوبي .. لا حرمه ولا ولد .. بس هايت بين الشوارع على هالمتسوبيشي .. واذا مريت مع الشارع تشوف العالم ودهم يذبحوني .. انا ما دري ويش السبب ..؟؟؟؟ مستغرب : السبب واضح .. ما يبيلها سؤال .. من هالصوت ( العذب الرخيم ) اللي يطلع من سيارتك المصونه .. الله يستر عليك من حماية البيئة لايمسكونك وتروح فيها .. ناوي : يا اخي ان داج وهاج وطفران .. من وين تبيني اصلح كنداسة السيارة .. مستغرب : لاصرت كنداسة سيارتك عاجزن لاتصلحها .. وشلون تبي تتزوج وتفتح لك بيت .. ناوي : ما عليك .. الرزق من الله .. مستغرب : لاتكون ناوي تسكن مع المدام في ظهر المستوبيشي .. ناوي : لا .. ابي زواج مسيار .. تكفى يامستغرب ابيك تفزع لي .. مستغرب : انا والله ما ني مقصر معك .. بس ما عندي الا ( راجو ) راعي الغنم .. وتعرف هذا ما يحلك .. ومايجوز انك تتزوجه هذا رجال مثلك .. منين تبيني ازوجك .. ناوي : ابيك تروح معي للخطابة ( ام سليم ) جارتكم .. هههههههههههههههههه مستغرب : بدون صياح .. وليش انت ماتروح لها .. ما تعرف بيتها .. ناوي : الا ... بس ... انا .... انا ..... مستغرب : انت وشفيك .. تكلم .. ناوي : ام سليم تطلب من اي واحد يجيها خمسة الاف على الملكة .. ( العقد ) وانا مثل ما انت خابر ما معي بجيبي الا خمسة ريال .. مستغرب : انا قايلك من قبل تجي .. انت صديقي .. نعم ...الا بطلب الفلوس .. انا مالي صديق .. ..يعني ما فيه سلف .. ناوي : لا .. الله يسلمك انت فهمتني غلط .. انا ابيك تروح معي وتطلب من ام سليم انها ( تقسط ) علي المبلغ كل شهر ( ميتين ريال ) بس ... تكفى يا الذيب الاشهب .. مستغرب بعدما يحك راسه : طيب اروح معك .. ناوي يطمر على راس مستغرب ويقبله بعنف .. ثم ينطلق الجميع الى منزل ام سليم .. ***** وللحديث بقية ..
|
#3
|
||||
|
||||
الله يـــوســع صـــدرك بالايــمــان اخــــــــــوي ... وحـــــــــي الــقــلـــم .. وربـــــــــــي مــدري وش اكـــتــب ووش اقــــول ... احــــــــس اني مهما قـــلت ما راح يكـــون شيء يــصــف الابـــــــداع .. اللي انت كــاتــبــه يا مــــبــدع .. =============================== روووووووووووووووعه
|
#4
|
|||||||||||
|
|||||||||||
اهلاً ومرحبا بك اختي الفاضة شذى ..
اسعدتني اطلالتك .. وشرفني حضورك .. دمت بخير وعافية ..
|
#5
|
|||
|
|||
الله يفتح باب الرزق بوجيه اخواني
ناوي ومستغرب ضاق صدري عليهم متابعين معاك اخوي وحي القلم مس ماقدرت حبيت ادعي لهم
|
#6
|
||||
|
||||
تسلم أخوي وحي القلم بس خلني أتفاهم مع ذي الصعاليك
اسمع يا مستغرب انت عارف انه ما بين ا لخيرين حساب يا بخيل وبعدين ما شاء الله عليك عندك استراحة وخير كثير وانت يا وجه العزوبية البائس ويه انت يا ولد إيه انت في احد غيرك يا ناوي مشاكل <<<<<< تصدق راكبه عليك ماني قايلك من أول امسك قروشك لكنك تبعزقها وتبعثرها بالشورتات والملابس اللي مالها داعي والعزائم والنشامه اللي ما لها لزوم خلك ذلحين تتسلتح خل حزب السحالي ينفع شوفهم كلهم تزوجو وخلّفوا وانت حتى ما خلّفت لسه أجل متى بتتزوج >>>>> ماشي بالعكس وبعدين وراك ما تروح تشوف واحد غني زي الشنفرة يزوجك يقولون عنده مطعم مفتوح 24 ساعة من كثر الزبائن خنجر ،،،،،،،،،،،،،،،،،،،،،،،،،،،،،،، يحب الشماتة
|
#7
|
|||||||||||||||||||||||||
|
|||||||||||||||||||||||||
أسمع يا خنجر
فلوسي عاوزهم على داير مليم مليم ينطح مليم مو كفايه أني معطيك خاروف أقرن اعور (((دعايه لدينا كل أنوا ع الخواريف أقرن احور أعور أعرج ومن يشتري اربع خواريف مره واحده سوف يحصل على رخله مجانا أتصل نصل وناوي هو الموصلاتي .. أسرع من البرق يصل مندوبنا .. عبر موجات الأثير ))) وحي ما تلاحظ انك مستلمني بس شسوي حبيتك والشوق أنقال ...وليلات الحلوه على البال
|
#8
|
|||||||||||
|
|||||||||||
شاهه .
اهلاً ومرحبا بك .. وانا بأمن على دعاك عسى الله يتقبل .. بس فيه موضوع خاص .. ماودي تستعجلين لين تعرفين اعلومهم عند ام سليم .. تحياتي
|
#9
|
|||||||||||
|
|||||||||||
خنجر ..
وين مضيع فلوسه بالشورتات .. هذاك اول .. والاول تحول .. هالحين اغلب الشورتات اللي بتشوفها على ناوي .. مستعيرة من راجو راعي الغنم عامل مستغرب .. تعال هنا خنجر ....... هالحين تشتري خاروف ولاتعزمني ... والله اني ماظنيت انك بخيل ...(qq156)
|
#10
|
|||||||||||
|
|||||||||||
مستغرب ...
على الحقوق طوالي .. خنجر هذا ما ينفع معه الا العين الحمراء ... بعدين تعال هنا .. تقول لي ما تلاحظ انك مستلمني .. اقول هو النت له حلات من غيرك ... مستغرب .. لو ان مستغربه ما تزعل كان ما شافتك ابد .. لاني راح احطك بقلبي واسكر عليك ... قصدي اسلمك لاقرب مخفر .... تحياتي ... وبلغ سلامي الحار .. لام سليم ...
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
يا كثرهم كثراااااااااه .. حتى ناوي ابعاد | سيف العداله | منتدى السواليف وتوسعة الصدر | 43 | 08-02-06 01:27 PM |
ناوي ابعاد ..... رجل من رجلات العقيلات | مستغرب | منتدى السواليف وتوسعة الصدر | 26 | 13-01-05 01:26 PM |
( ناوي ومستغرب في مهمة خاصة .. الجزء الثاني ) | وحي القلم | منتدى السواليف وتوسعة الصدر | 30 | 19-12-04 03:55 PM |
بحمد الله ... تم القبض ... على المنشق ناوي ابعاد | مستغرب | منتدى السواليف وتوسعة الصدر | 12 | 27-11-04 09:59 AM |
( بين ايديكم .......!!!!! ناوي ابعاد ) | ناوي ابعاد | ملتقى الحوار الفكري المفتوح | 43 | 16-08-04 06:11 PM |
راديو قصيمي نت | مطبخ قصيمي نت | قصص قصيمي نت | العاب قصيمي نت |