العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
اذا صارحك زوجك بأنه لا يحبك
السلام عليكم ورحمة الله وبركاته انا امس كان عندي موعد في المستشفى لانه عندي موعد منظار مع الدكتور واحنا ماشين في السياره كنا قاعدين نسولف انا وزوجي وجبنا سالفة اخوي وقلت له انه مسكين تعبان ومنوم في المستشفى عنده انيميا حاده وجفاف رد علي وقالي من يوم ما ملك ماشاف خير اخوك رومنسي ويحب زوجته وهي ماهي مدوره عليه وفعلا كلامه صدق زوجت اخوي ماتعطيه وجه وماتكلمه في التلفون واغلب الأوقات تصرفه وتتعذر انها مشغوله المهم مالكم في الطويله بعدين قالي اصلاً مافي حب في هذا الزمن قلتله انا اكيد الحب مايجي الا بعد الزواج وانشاء الله لما يتزوجها تتحسن علاقتهم بعدين قالي حتى بعد الزواج ماراح يكون فيه ذاك الحب قلتله يعني انته بعد ماتزوجتني ماحبيتني قالي من قالك اني حبيتك ماوصلت لدرجة الحب اللي ما اقدر استغنى عنها ولا تحسبين الرسايل والحب والعشره اني احبك بس هذي تمشية حال وخلي الحياة تستمر انا انصدمت من كلامه لانه اول مره يصارحني ويقول اللي في قلبه انا سكت وما قدرت اتكلم بعدين عشان يداوي فشيلته قام لفق الموضوع وقالي كل ما قلت احبك قلتي اشتريلي او سويلي مع اني ما اطلب منه الا المواد الغذائيه للبيت وادوات التنظيف بس وما قال الكلام هذا الا عشان مايبين انه صارحني بحقيقته وطووول الوقت وانا ساكته ورحت المستشفى ودخلوني غرفة العمليات عشان المنظار وانا ابكي من كلام زوجي وخوف من الغرفه اللي قاعده فيها وبعد ماخلصت ووصلنا البيت شربت الدواء ونمت وبعدين جاء عندي وقالي كيف صحتك قلت له الحمدلله قالي في ايش تفكرين قلتله متى يا ابوخالد تحبني ضحك علي وقالي كنت حاس انك بتقوليها بس اعذريني الكلمه طلعت مني وانا ما كنت قاصدها بس خانني التعبير وانا اعتذر منك كيف يعتذر مني طيب ما احد جبره انه يتكلم ولا احد غصبه انه يقول الكلمه هذي يعني هو من كيفه قالها الحين صار لي يومين ما اتكلم معاه كثير بس كلمه ورد غطاها والحين قالي بعدين احكيلك اللي في قلبي بس الحين مشغول اذا فضيت راح اقول لك الحين انا خايفه من الكلام اللي راح يقوله اخاف يصدمني بكلمه ثانيه ما اتحملها وانا صار لي ثلاث سنوات من الزواج وعندي ولد قولولي ايش اسوي معاه اطنشه واعتبر انه ماقالي شيء واعيش حياتي عادي ولا اروح استفسر منه واشوف ايش الحب اللي يتكلم عنه على اني ماني مقصره معاه في اي شيء كل اللي يعرفني يقولي ماشاء الله عليك انا اقوم بكل شيء فيه وزوجي ماني مقصره معاه في اي شيء اشتري له الهدايا افاجئه باشياء حلوه اذا صارله اي شيء انا اللي اوقف معاه مره صار له حادث وقام منها بالسلامه بس سيارة مررره انعدمت وقفت معاه وبعت قطعة ذهب وسوينا السياره ومره انطردنا من بيت امه في عز الليل وماكان معاه فلوس عشان نستأجر شقه وبعدت ثلاثه سلاسل بثلاث الآف وخمس ميه واعطينا صاحب الشقه مقدم للأيجار واشياء كثيره وقفت معاه فيها بس دايم يقولي هذا مو حب هذي شهامه منك بتصرفاته وشكوكه لاكن الحمدلله عدت المشاكل كلها على خير بعدين انا تعلقت فيه مررره وصرت ما اشوف غيره في هذي الدنيا الحين يقولي ايش اللي حببك فيني قولولي ايش هو ا لحب يمكن انا ما اعرف الحب اعذروني على صراحتي ايش الحب في نظر الزوج انا حالتي النفسيه زفت وجسمي بدا ينحف من كلامه وحاسه اني مهمومه وفي النهايه مايحبني طيب اذا زوجك قالك انا ما احبك بس ابي الحياة تمشي ايش تردون عليه الحين عمري 25 سنه قولولي اغير من تصرفاتي وابدا اتغلى عليه ولا ايش اسوي انتظر ردودكماقل شيء بدعوه رجاء لا ينقل الموضووع انا ابي رائي المتزوجين 0
|
#2
|
||||
|
||||
مشي حالك هذا اللي سرنا نشوفه من الرجال
ماوراهم الا عوار الراس استهدي بالله وماعليك منه قوليله حتى انا احبك بس مو ذاك الزود خليه يحس على دمه شوي وان شاء الله هو متحسف انه قالك كذا والا ماجاء راضاك والله يكتب لك اللي فيه الخير
|
#3
|
||||
|
||||
أول شي .. كون الزوج يتلفظ بهذه الكلمه امام زوجته هذا يعتبر خطأ كبير ويضع بصمه صعب ازالتها .. مهما كان من عدم اقتناع يجب مراعاة الطرف الآخر .. خصوصا اذا كان استطاع ان يمنحك شيء اقصد ( الحب ) أنت فشلت في ان تمنحه اياه بنفس القدر .. يعني أقل شي تقدمه لهذا الشخص الذي يحبك ان تشعره بأنك تبادله نفس الشيء ..
الأمر الآخر.. يجب ان تعلمي انتي وغيرك من النساء ان الحب لايترجم فقط من خلال الكلام .. الأفعال ابلغ واصدق بكثيــــر فهو عندما استمر معك فهو يحبك وعندما قرر الانجاب منك فهو يحبك وعندما كد وكدح من اجل توفير العيشه الكريمه لك ولابناءك فهو يحبك دعي كلامه جانبا وانظري لهذه الافعال فإن كانت موجوده فهو يحبك جاء أحد الصحابه لعمر بن الخطاب رضي الله عنهما وقال ( ياأمير المؤمنين أريد أن أطلق زوجتي !! فقال له _وهل رأيت منها مايسوؤك ؟ قال لاوالله ياأمير المؤمنين . قال فلماذا الطلاق اذاً ؟ قال لاأجد لها في قلبي حباً !! قال له امير المؤمنين .. اذهب لزوجتك واياك ان تفكر في ذلك .. وانظر الى بيوت المدينه أتظن أن كلها قائمه على الحب ؟!! اين الرحمة والمودة اذاً ؟! وانطلاقا من هذه القصه ربما زوجك يحبك حب عشره وموده ورحمه وهو الحب الذي يزود مع الوقت في نظري .. فإياك انت تعبثي بحياتك .. واعتبري انه لم يكن شيء
|
#4
|
||||
|
||||
استهدي بالله واذكري ربك يمكن الرجل بس يبي يجس نبضك ويشوف ردت فعلك وش راح تكون احنا يرجال نسويها واحيانا اسويها مع زوجتي ليس من باب والله انا ما احبها لا من باب انو ابي رده فعل ابي اغير من الوضع اشوي اطلع جو ثاني ماتوصل الى انو زوجتي وام ولدي وما احبها طيب ليه انا اعيش معها مادام ما احبها مو مجبور. لا تتهوري وتسوي شي بدون تفكير لحد ماتشوفي ايش الكلام اللي عنده يمكن شايف شي فيك مو عاجبه ويبيك تغيرينه واتبع الطريقه هذي يمكن نوع من الاستفزاز لك يبي يشوف وشكثر انتي تحبينه وش كثر متعلقه فيه اذكري ربك ولا تهتمين وتعكري مزاجك الله سبحانه يجعل الالفه بين الزوجين ويجعل الرضا والمحبه تاكدي ان زوجك يحبك ويموت فيك وما يقدر يستغني عنك واجلسي معه وتصارحو بكل شي وشوفي وش مفهوم الحب عنده ووجهه نظره لا كن مهما كان خليك انسانه هاديه وماسكه اعصابك ومتحكمه بنفسك وفكري بعقل مو بقلب واتمنى لك التوفيق انشاء الله وحياه دائم سعاد وفرح. لكي مني كل ارق التحايا
عاشق ام الوجود
|
#5
|
||||
|
||||
هم كذا الرجال أحياناً يرفعونك للسماء وأحياناً ينزلونك للأرض
أحياناً تنامي وأنت أسعد أنسانة وأحياناً تنامي ودمعتك على خدك والرجال أنواع فيهم الرومنسي اللي يفكر بقلبه وفيهم الجد اللي يفكر بعقله صراحة كلامه قوي جداً وقاسي بس يمكن ما عرف كيف يعبر لك وإذا هو أعتذر زين منه وكثر خيره أهتمي بنفسك وصحتك ولا يصير أكبر همك روقي ترا الدنيا ما تسوى
|
#6
|
|||
|
|||
بعدين قالي اصلاً مافي حب في هذا الزمن
قلتله انا اكيد الحب مايجي الا بعد الزواج وانشاء الله لما يتزوجها تتحسن علاقتهم بعدين قالي حتى بعد الزواج ماراح يكون فيه ذاك الحب قلتله يعني انته بعد ماتزوجتني ماحبيتني قالي من قالك اني حبيتك ماوصلت لدرجة الحب اللي ما اقدر استغنى عنها ولا تحسبين الرسايل والحب والعشره اني احبك بس هذي تمشية حال وخلي الحياة تستمر صدقيني هو كان يمزح لكن مزحه في غير محلها زله السان
|
#7
|
||||
|
||||
عيشي حياتك وانسي الكلمه الي قالها
وادعي ربي آخر الليل واستغفري (من لزم الاستغفار جعل الله له من كل هم فرجا ومن كل ضيق مخرجا ورزقه من حيث لا يحتسب)
|
#8
|
|||
|
|||
شوفي ياخيتي ماراح ابرد وتحمليني وادري كل الي يبي يردون يبي يتعاطفون معك بسبب سردك للموضوع
اللله سبحانه وتعالى قال وجعلنا بينهم مودة ورحمة ماقال حب الحب هو المودة والرحمة والتعامل الحسن والعشرة الطيبة ولا وش الفايدة ييطيرك بالسماء ويقولك احبك وهو يهينك ويلعن سلسفيلك أكبر دليل ان زوجك يحبك يوم يجي لمك ويقول وش فيك وإني أدري إني وعلتك بالكلمة الي قلتها هذا أكبر دليل انه محترم وعنده احساس وقلبه طيب خلي عنك خرابييط البنات وكلامهن عن الحب الرومانسيات الي كلها خرط بخرط والرجال عموماً يحبون يظهرون حبهم بأفعالهم وترصفاتهم وخوفهم على زوجاتهم هذا الشيطان بدأ يلعب براسك حتى يفرقكم عن بعض احسني التعامل مع زوجك واجعليه هو جنتك ونارك وكلنا راحلين عن الدنياء وش نرجي نرجي الجنة والجنة يمكن تكون بسبب زوجك وبعدين نصيحة مني لا تقعدين تذكرين محاسنك له واني سويت له وسويت له وفلعت وبعت على شانه هذي مو من شهامة المرة وكرمها خلاص انسي وحذاري تذكرينه فيها تراها راح تكون جرح بقلبه ويمكن انتي الي راح تخسرين الرجال ما يحبون احد يذكرهم بفضلهم علييهم لأنه تعتبر بالنسبة لهم اهانة وتذكيرهم بعجزهم وقتها زووجك يمووووت فييك ويحبك لكن انتي اخذتي موقف من كلمه
|
#9
|
|||
|
|||
اختي تعوذي من الشيطان وحكمي عقلك .. صحيح كلامه جارح.... ترى هذولا الرجال ماعندك احد مايعرفون يعبرون ...وخانه التعبير...وخلي نفسك ماسمعتي ولاتقفين ابحلقه عشان تناقشينه بهذيك السالفه....اذا جاك وناقشك زين وعين ماناقش اتركيه بحاله هو قالك كذا فشل من نفسه والله ماعنده الا الخرطي وبعدين مهو بس الي عندك يقول هالكلام ربعك واجد وصابرين ومتحملين وهو لشافك قاصرتن نفسك عنه بتكبرين بعينه ..بس انتي خففي حبك له لايصير اكبر همك هو...حاولي تشغلين نفسك باي شي واثقلي ولا تلاحقينه انا احبك واموت فيك(حبهم برص) اذا سالك تحبينن قوليله يعني...والله مايستاهلون ان الواحد يهمل صحته علشانه...عليك بالدعاء ان الله يسخركم لبعض ويجمع بينكم ياررررب.
|
#10
|
||||
|
||||
انا اتوقع انك زوجك يتكلم عن مفهوم آخر للحب غير اللي انت فاهمته
هو يحبك ولا شك والدليل انه حرص عليك وجاء لمك يعتذر ولو كان ما يحبك كان ما هميتيه ولا اعتذر لكن هو يتكلم عن الحب القديم الحب اللي يقتل المحب ويعتبر انه هذا الحب غير موجود ، وصدق وين المحبين القدماء اللي ذبحهم العشق اليوم ما فيه المره تقول لرجلها احبك اموت فيك ولو يزعلها بحاجة تافهة كان وصفته بابشع الصفات طيب وين الحب اللي كانت تقوله؟!! ومما يزيد كلامي تأكيد انه يفسر وقفاتك معاه انها فزعة ما هي حب فهو يعتقد انك ما تحبينه أيضا بناءا على مفهومه هذا قصد زوجك فاستهدي بالله وزوجك يحبك ويغليك وثقي ان كلامه صحيح بناءا على مفهومه لا على مفهومك جمع الله بينكم على خير ورزقكم الذرية الصالحة
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |