![]() |
العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
![]() |
|
أدوات الموضوع | تقييم الموضوع | انواع عرض الموضوع |
#1
|
|||
|
|||
![]() تزوجت من ست سنوات وكانت زوجتي ملتزمه خلوقه ولا في عيب الا انها ماتحب امي وامي ماتحبها وكانت كثيرة مشاكل مع الوالده تغلط على امي وامي ترد لها غلط بغلط اكبر وقت المشكله اذا رحت لامي قامت تشتكي منهاوتحط اللوم علي اني ماعرفت اربيها وماعرفت اخليها تحترمها واذا رحت لزوجتي قالت ماتدافع عني كرهت دنياي وكرهت اجلس مع وحده منهن وامي كانت متعلقه في ولدي الكبير اربع سنوات وكنت دايما اوديه عندها وهو متعلق في امي اكثر من امه لكن امه مارضت وطلبت مني اجيبه وحطتني بين نارين رحت اجيبلها الولد وعيت عليه الوالده وحلفت ان مايطلع من البيت زوجتي ما اعجبها الوضع وقامت تسب وطولت لسانها وهددتني انها تروح بنفسها تجيبه وانا في اسوأ مراحلي النفسيه مدري من ارضي فيهن
وفي يوم لقيت في جوالي 22 مكالمه متفرقه من اخواني واخواتي اتصلت وكانوا يطلبون مني الحضور باسرع وقت للبيت رحت لمهم لقيت الوضع م طبيعي الكل يهاجمني ويصارخ علي وامك مريضه امك تعبانه وانت ما انصفتها من زوجتك قلت المطلوب يايمه قالت طلق زوجتك ولا اغضب عليك ااااااه حطتني في موقف صعب كيف اطلق زوجتي وام اطفالي كيف اتخلى عنهم بسهوله كانوا العائله اجمعوا على امر واحد يا اما اطلق ولا يتبرون مني ووعدوني انهم بيتكفلون بمصارف زواجي الثاني ويختارون لي وحده من اجمل البنات طلقت ام عيالي وامي اخذت الولد الكبير والبنات راحوا مع امهم وقلبي يتقطع عليهم اذا فكرت في الموضوع احس انها مالها ذنب والحين الكل تخلى عني لا ام ولا اخوات ولا اخوان كل مافاتحتهم في موضوع الزواج تهربو ا والبعض يقول خلني اسدد ديوني وبعدين اتفضى لك حسيت انهم هدموا بيتي وخربوا حياتي واخرتها تخلوا عني وش تشورون علي فيه مع العلم اني مستحيل ارجع طليقتي
|
#2
|
|||
|
|||
![]() لو انك ملكّع كان طلبت منهم الفلوس كاش قبل الطلاق وزودّت عليها من عندك وشريت لك شقه لك انت وزوجتك ![]() اخي الحبيب
انت والله في وضع لاتحسد عليه ...والخطأ مشترك بين امك وزوجتك والواضح انك انسان طيب زياده عن اللازم ...وامك دام انها كرهت زوجتك فلايمكن احد من اخوانك او اخواتك يحبها لأن كلام الأم مصدّق عموما زي ماسووا فيك سو فيهم اجمعهم زي الاجتماع الاول ...وقل لهم اما تعطوني فلوسي الي وعدتوني بها والا أتبرأ منكم كل ابوكم وشف وش يصير معك اعيد وأكرر واضح انك انسان طيب جدا والطيبه هالايام ماتأكل عيش ![]()
|
#3
|
||||
|
||||
![]() إنت ظلمت انسانه طلقتها بدون سبب على أمل الزواج الثاني
تدري أحسن شي سووه فيك تخلوا عنك ظلم عيني عينك أمك تاخذ ولدك من أمه بأي حق ؟!!!!
|
#4
|
|||
|
|||
![]() والله حرام رضى الوالده واجب وظلم الزوجه حرام لي رجعه
|
#5
|
||||
|
||||
![]() نصيحتي رجع زوجتك لان امك واخوانك ماراح ينفعونك
بعدين في حاجه نفسي افهمها كيف طفلك يحب امك اكثر من امه حاجه غريبه من جد
|
#6
|
||||
|
||||
![]() السلام عليكم ورحمه الله
للاسف انت السبب في اللي صار كله تقول ان زوجتك ماتحب امك اجل ليه خليتها من بدايه زواجك يعني الحين جيت تشتكي اهم شي الام المفروض كنت قلت لها يابنت الحلال هذي امي تعرفين ايش يعني امي مو انك تركت المشكله لين تازمت والحين تطلب الحل انت خربت بيتك بيدك وبهذلت اولادك
|
#7
|
||||
|
||||
![]() لا استطيع ان اقول شئ
حاول ان ترد زوجتك بشتى الطرق والله اخشى من دعوه تأتيك منها لانها ولا شك مظلومه حاول حاول حاول ترد زوجتك وانت تقول مستحيل ليش لاتكون بعد ثلاث طلقات
|
#8
|
||||
|
||||
![]() المفروض ماطلقت زوجتك لو يصير الي يصير
لو امك هي الي طلبه منك تطلق زوجتك مالها حق تفرق بينكم وش ذنب ولدك يبعد عن امه بعدن الزعل بين الام وزوجةالولد بالبيوت ولا تصل الى الطلاق اذا امك ماتحب زوجتك والعكس خلاص زوجتك لا تروح عند امك انت خذ اولادك يسلمون على جدتهم ويرجعون معك حاول ترجع زوجتك وتعتذر منها الله يجمع شملك بزوجتك واولادك
|
#9
|
||||
|
||||
![]() شخصيتكـ ضعيفه جدا ً جدا ً
طاعه الوالدين واجبه ولكن ليس بالحرام وتطليقكـ لزوجتكـ أكبر حرام فما هو الذنب الذي أتركبته حتى تطلقها من أجل أهواى الآخرين ، كان عليكـ إن تضع " الطلاق " في عالم النسيان مهما علت المشكلات وأزدادت ولكن " لا فات الفوت ماينفع الصوت " أستغفر ربكـ كثيرا ً ، ماذا سوف تقول لأبنائكـ حينما يسألونكـ لماذا طلقت أمنا وشردتنا بين جدهـ وعمهـ . . الله يوفقكـ
|
#10
|
|||
|
|||
![]() اخوي مع الاسف انك ضعيف الشخصيه ..انت ماتدري ان ابغض الحلال عند الله الطلاق وشلون تطيع امك واهلك بهالشي لاحظ ماحد نفعك يوم جلست لحالك وبعدين وشي حركت ان الولد يحب جدته اكثر ترى الاهل هم الي يختلقون هالشي ...
انا أشوف انك ترجع زوجتك وتعتذر منه الا ان سبق لك الطلاق اكثر من مره لانك تقول ماقدر ارجعه حرام شغلك مع ام اطفالك هذا ظلم له وش ذنب البنات الي معه ..وبعدين مهب لازم زوجتك تروح لامك ترى امك ماله اي حق عند زوجتك اهم شي انت واعيالك ام هي ماله داعي الزيارات عشان ماتزيد المشاكل ...الله يسهل امرك ويجمعك بزوجتك واعيالك ...ولاعاد تستعجل بهالامور..
|
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |