|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
20-01-10, 09:01 AM
|
||||
|
||||
قصة الشايب مع الوايت ..
السلام عليكم ورحمة الله وبركاته ..
الشايب والوايت  يسولفون عن شايب نوى يشتري له وايت علشان يسقي الحلال , وذالشايب متقاعد وشاريله رعية غنم وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال فقام و توكل على الله وعزم يروح يدور له وايت. صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف. عجب خوينا الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح  أوصلهم وأشوف كم هو واصل سومه و إذا هم حادينه اشوف كم هو عليه. وصل عندهم الشايب ووقف يسمعهم يحرجون , وأستانس بالحيل لأنه ماهو بغالي. ولا ذاك الرجال ماسك الميكروفون ويحرج 50,,52,,55,,ومن قال زود , قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي. وخش معهم بالحراج ,,,56,,,ويزودون...ويزود...ويزودون...ويزود. المهم وصلوه 75,,,قام خربها وقالهم ,,,80 هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!! يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك بمليون ريال ذالحين ,,ذالحزه بس مانشوف وجهك واقف معنا بالحراج . انصدم الشايب ..أفتر راسه شوي وقال هااااا..وش السالفة..؟؟؟ مليون ريال ..وليه..؟؟ قال له الرجال (خويهم) بس خذ هالشيك وتوكل على الله والله يستر عليك ولالك بالطبخه. وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري وش السالفه!!!. طيب وش العلم علمني ..؟؟ علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي جايبينه يرشون به الأرض علشان يحرجون. والحراج من اليوم بــ 56 مليون و 75 مليون..وابو الشباب (الشايب) خش عليهم عرض ولايدري وش العلم. وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال.. وهو ماصدق. طاير من الفرحه,,مليون,,ويقول بخاطره عجزت وأنا اجمع خمسة وثمانين ألف ويجيني ذا الرزق من الله فسبحان الله مقسم الأرزاق على عباده. الرزق مثل الأجل يتبعك ****** اذا مار عليكم الموضوع من اول عااادي .. كسبنا شوفتكم  الله يرزقنا بمخطط بالغلط اقوول .. ماحولكم وايت للبيع  ....
|
|
#2
20-01-10, 06:56 PM
|
||||
|
||||
|
مشكور اخي على هذه القصة الرائعة قصة الشايب مع الوايت
هههههههههههههههههههههههههههههههههههههههههههههه سبحان الله يرزق من يشاء بغير حساب تقبل مروري
|
|
#3
20-01-10, 07:02 PM
|
|||||||||||||||||||||||
|
|||||||||||||||||||||||
|
حيالله خلي البال
من طول الغيبات جاب الغنايم .. سبحان من يوزع الارزاق رزق وجاه هالشايب ما شاء الله تبارك الله <<< خشت في راسها القصه من بكرا بتروح تدور ناس يتزاودون على وايت 
ما حولنا شي انت كان حولك وايت علمنا نتقاط فيه يا خلي البال  تسلم يمينك على هالقصه الرائعه يعطيك العافيه يارب
|
|
#4
21-01-10, 06:05 PM
|
||||
|
||||
|
تسلم على هالقصه ياخلي
عافاك الله
|
|
#5
21-01-10, 09:57 PM
|
||||
|
||||
|
ماشاءالله ..من زمان ماشفت لك مواضيع يازول خخخخ
 المهم قصه رهيبه وحظ من ذهب للشايب . الله يرزقنا واياكم من واسع فضله  يعطيك العافيه . ..
|
|
#6
22-01-10, 12:57 AM
|
|||||||||||||||||||||||||||
|
|||||||||||||||||||||||||||
العفو اخوي ويا هلا ويا مرحبا بك .. نورت بمرورك اللي أسعدني ..
|
|
#7
22-01-10, 01:13 AM
|
|||||||||||||||||||||||||||
|
|||||||||||||||||||||||||||
الله يحييك ويبقيك يالنجديه .. صحيح طولت على القسم بس حلفت ما اعود الا على وايت ..
 وأبشري أنا بدور عندنا بالشرقية لو ان الوايتات مأجرينها الأمانه كلها عشان تشفط مياه الأمطار بالدمام وان حصلتي بديرتكم حراج على وايت علميني نتخاشر به  وفالنا المليوووون .. 
|
|
#9
22-01-10, 01:26 AM
|
|||||||||||||||||||||||||||
|
|||||||||||||||||||||||||||
يا مرحب بييييك يا زووولـه .. والله أنا زاااااتي زووول كسلان ..  ودااااير أرد ليييييك التحية زي ناس الجنوب ما بيقولوا : مرحبا خمسمية << ما عندي ألف  وخايف اقوليييييك : مرحبا هيل عداد السيل لأن النااااااس تعقدت من سيل جده ..  نورتي خيتوو ..
|
|
#10
20-02-10, 11:11 PM
|
||||
|
||||
|
هههههههههههههههههههههههه
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
