![]() |
العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
![]() |
|
أدوات الموضوع | تقييم الموضوع | انواع عرض الموضوع |
#1
|
||||
|
||||
![]() قبل شوي كنت عند عربٍ ما ...
عاد انا رايح لهم .. وهاجدهم على الصبح .. على بالي ابي احد يونسني .. عند حالي اني مو على بعضي ![]() مسوي متضايق .. وأبي احد يواسيني .. وإلا لا يمكن اهجد ناس متزوجين في صبح يوم خميس .. فتح لي الباب هويمل <<< اخبل واحد على وجه البسيطه اللي اسمه الترس .. قبل شوي مسوي حاله مو معلم منهم العربٍ ما .. قالي هويمل : يالله حيه .. مع اني واثقه انه بقلبه يقول .. وش جابك ع الصبح .. لأني دقيت على جواله لين دخت قبل ما اجي .. ولا رد علي .. جيت لحد الباب .. ودقيته بعنف لين فتح لي هويمل .. فتح الباب .. وقال : يالله حيه .. قلت : الله يبقيك .. حطني بالمجلس .. كني سباآآآآك خخخخخخخخخخـ يلطعني لين يشوف لي الطريق ![]() من جد مافيه ذاك التفاعل والترحيب اللي يبيض الوجه .. مسامحك ياهويمل .. من كل قلبي .. لأني جيت في وقت مو مناسب ![]() قالي هويمل .. استرح خلني اصحي لك منيفه .. بعد حوالي نص ساعه .. جت ام كفش خخخخخخخخخـ مخربشه شعرها على عجل .. بس باقي اطراف قماصيع .. الله يبرني بسلامتها .. من يوم جت .. وكني جايهم بعد المغرب وعلى موعد كمان .. انواع الترحيب .. حتى هويمل .. انطنخ معها وصاروا مستانسين اني جيتهم .. شباب .. تصدقون أني اكتشفت حاجه .. دايم الزوجين اذا حبوا بعض .. مزاجهم يصير يتبع مزاج بعض .. هويمل كان مو مشتهيني .. بس يوم شاف منيفه مستانسه بوجودي لأنها تقرب لي .. صار حيل مستانس مثلها .. عشان ما اطول عليكم .. السواليف واجد .. لكن ابي اختصر .. وادخل على موضوع العيشه مباشره .. نقز هويمل وجاب خبز من برا .. وقعد يتفلسف وهو جاي .. يقول لو ( بنتاخيك ) تخبز على التنور حقها .. كان ما رحت اجيب خبز قلت له .. يارجال .. كذا احسن واقل غلبه وتكاليف .. دخل هويمل يودي الخبز للمطبخ .. ولا امداه يدخل المطبخ .. إلا وأنا ثالثهما خخخخخخخخخخـ جلست على الكرسي حق طاولة الطعام .. وقعد الاثنين يطلعون صحينات من الثلاجه ويحطون بالصينيه الكبيره .. وكان فيه تاوتين ( طاوات ) على الفرن .. اخذتهم منيفه وحطتهم مع الصحينات بالصينيه الكبيره .. الجميع داخل الصينيه .. اخذهم هويمل للمقلط .. منيفه : اخذت الشاهي .. وحليب ابو قوس .. وتبعت هويمل يم المقلط .. وانا فغرت وبقيت جالس بالمطبخ .. اسمع منيفه من بعيد تقول .. هات السفره معك وتعال .. شفها فوق على واحد من الكراسي .. اخذت السفره ولحقتهم .. لقيتهم واقفين ينتظرون السفره .. حطيتها وانا مسوي حالي حزين .. نزلوا اغراضهم فوق السفره .. قربوا من الصينيه .. انا رحت جلست واخذت الريموت حق الدش .. قالت منيفه : وش عندك .. خابرينك تجي للسفره زحف خخخخخخخخخـ ترا بنت الاجواد صادقه .. لأني كنت اجي دايركت للسفره بدون ماحد يزهمني .. طبعا .. انا ضايق صدري وماني مشتهي العيشه .. لعدة اسباب .. نفسيه واقتصاديه .. النفسيه .. ماني قايل لأحد عنها .. الاقتصاديه .. البارح سددنا مهر زواج اخوي .. وكان علي النصف عاد انا ما كان عندي ولا شيء بس ربك يسرها ودبرتهم .. لكن بالدين .. مو يقولون الدين عمى عين .. ما حبيت اهلي يدرون اني ما عندي شيء .. عشان ما يسامحوني .. لأني سبق وتزهلت لهم بنصف مبلغ المهر حق عرس اخوي ما بعد كملت اربع وعشرين ساعه من آخر سلفه .. إلا وانا بادي انقل هم السداد شباب وشبابات : ترا لازم الواحد ينقل هم الدين عشان يسدد .. وترا المماطله في حقوق الناس حرام .. عاد انا اذا تسلفت من احد .. يستمر عندي عوار الراس لين اسدد .. مع اني سمعت ان فيه فلوس تبي تجي عن طريق العمل .. وانها قريبه .. تعرفون حنا ياموظفين البلديه احيانا نعمل( آوفر تايم ) ولنا عندهم مبالغ متأخره .. يارب تجي واسدد عشان تضبط الامور آسف اني دخلتكم بقضايا خاصه .. وأكيد اللي عليه دين مثلي نشف ريقه وخاف من الله وحس انه لازم يسدد خخخخخخخخخخخـ يالله عاد ياللي عليكم دين .. سددوا حقوق عباد الله .. طيب : ارجع لموضوعي .. ليش انا ما استهيت العيشه .. كان فيه اسباب نفسيه .. ما قلت لكم عنها واسباب ماديه قلت لكم عنها .. والامور بسيطه بس انا مدري وش بلاني .. نشبوا في حلقي هويمل ومنيفه قالوا لازم تجي تاكل قلت ماني مشتهي .. قال هويمل يارجال الشهوه تحت الضرس .. انت بس تعال .. وبتنفتح نفسك .. ياعيال .. تصدقون .. فعلا الشهوة تحت الضرس .. بس بديت بممارسة الاكل بدون نفس .. ومع مرور العيشه مع حلقي .. بدأ اللعاب يسيل .. وكل شوي تنفتح نفسي .. خصوصا مع الناس المشتهين .. افطرت .. فطور يساوي عيشه خمس ايام ماضيه من قل الاكل من بداية المشكله حقتي .. منيفه وهويمل .. خلصوا .. وانا لولا الحياء كان ظليت آكل بعدهم بس استحيت لأني بالاساس كنت مو مشتهي .. الاولين ما خلوا للتالين شيء .. كيف طرا عليهم هالمثل .. ( الشهوه تحت الضرس ) انا لولا هويمل ما قال هالمثل .. كنت اخترعته بعد هالتجربه مباشره .. طلعت من عندهم .. كان جوالي بالسياره .. لقيته مليان اتصالات من بعض الناس دقيت .. قالوا لي وين انت .. قلت كنت طالع اسوي رياضه .. قالوا لي ع الصيح .. قلت ايه ع الصيح .. لأني قمت بدري ولا جاني نوم بعد الصلاة .. قالوا لي افطرت ؟؟ قلت لا ما افطرت ... مو يقولون الرجل يجوز يكذب على زوجته اذا فالكذب مصلحه انا كذبت عشان افطر معها .. عشانها مو عشاني .. لو قلت لها مفطر احتمال ما تفطر .. قالوا لي بعض الناس هات معك خبز .. اخذت خبز ورحت للبيت والمعنويات عاليه .. اول ما دخلت البيت .. قلت .. لو انكم تخبزون على التنور كان ما نحتاج نجيب خبز <<< اقلد هويمل .. لأني كنت مو شبعان حيل .. ولأني مخطط افطر مره ثانيه .. قلت خلني استغل الفرصه اجرب المثل حق هويمل على امور العلاقه الزوجيه .. ( .............................................. ) هنا فيه مشهد ممنوع من الصرف هع هع هع حطينا الفطور .. الثاني افطرت مره ثانيه وبردت قلبي لأني استحيت اكمل عند قوم هويمل .. بعد الفطور شربت شاهي و انسمنا قسمين .. فيه بعض ناس راحوا ناموا .. وفيه نعض ناس قاعدين الحين يسولفون عليكم .. الدروس المستفاده : ( 1 ) ان مثل الشهوه تحت الضرس .. مثل جميل .. واللي يهمنا هنا في
ان احد الطرفين لو كان ماله نفس .. لا يعقد الطرف الثاني .. تراه بمجرد ما يصير قريب منه تتيسر الامور .. ( الحكي هنا يطول حيل .. لكن انتم اكبر من الشروحات .. وتعرفون مصلحتكم .. ترا لو مالك نفس بمجرد ما تتضاهر بالانسجام .. تراك بتنسجم .. ويطلع كلش عسل ) ما تشوفوني افطرت مرتين .. غير المشهد المقطوع .. ( 2 ) اذا ضايق صدرك .. حاول تروح تجلس مع ناس زاحفين مثل هويمل ومنيفه .. ترا حتى هويمل كان مو جايز له مسياري عليهم بعد الفجر .. لكن الطرف الاخر كان جايز له .. وهويمل تغصب على وجودي وبعدين اشتهى وجودي يعني مافيه فكه من المثل السابقه .. والشهوه تحت الضرس .. ( 3 ) يارجال يا مسلم ياعربي : حاول تبعد عن الدين قدر المستطاع .. تراه يضيق الصدر ويخليك ما تشتهي العيشه بشتى انواعها .. سواء الفطور العادي او فطور عذب السجايا .. الله يذكره بالخير .. ( 4 ) لا تكذب على زوجتك نهائي .. إلا في مثل حالتي .. لأني قلت لها مو مفطر .. عشان تتحمس وتعمل فطور ونفطر مع بعض .. ( 5 ) الدرس الاخير .. انكم تسامحوني ع الاطاله .. هالحين ودعتكم الله .. لأني طفيت ع الاخر .. ابي اروح انام .. ![]() هوامش ومفردات تحتاج إلى شرح : بنتاخيك : معناتها اللي تقرب لك .. يم المقلط : يعني صوب المقلط ظليت آكل : استمريت بالاكل :/×*لأ)؛÷لأ&*)؛&لأ*×{‘÷لأ ـ ![]()
|
#2
|
||||
|
||||
![]() صباحك افطار ثالث
خخخخخ الله يعين هويمل على حراتك ماتبرد الا على هالضعيف وبنتاخيك خخخخ الحقيقه جاز لي المثل بقوة وجالس اتخيل ضروسي بس اللي محيرني هل المثل عاااام والاخاص بشي معين وصباحكقشطهياقشطه فيسمبحلق
|
#3
|
||||
|
||||
![]() ايه الله يعينك يارب على الديون والهموم ..
تصدق حتى أنا اذا كنت مهموم ماأكل تنسد نفسي .. بس تصدق الله يعين هويمل عليك --> أزعجته ههههه
|
#4
|
||||
|
||||
![]() هذي سهله نعرف معناها هوامش ومفردات تحتاج إلى شرح : بنتاخيك : معناتها اللي تقرب لك .. يم المقلط : يعني صوب المقلط ظليت آكل : استمريت بالاكل بس هذي وش معناها : انطنخ ، تزهلت ترجمت السهله وخليت الصعبه والا هذي يعني واجب نحله ونجيبه بكره شكرا على الدروس المستفاده << تذكرت دروس المطالعه ![]()
|
#5
|
||||
|
||||
![]() صبحك الله بالخيرات ابو علي
كيفك يازعيم والله هذا المثل خطير ينفع لكل شي ههههههههههههههههههه ويقولون بعد اذا شبعت البطن عاد اكيد الكل فاهم ![]()
|
#6
|
||||
|
||||
![]() ماشاء الله تفطر مرتين
الله يفك دينك ويفرج عليك والله يستر عليك والله يخللي لك بعض الناس
|
#7
|
||||
|
||||
![]() اعتذر مكرر
|
#8
|
||||
|
||||
![]() لا تكثر من الالتهاام !
لان كثرتها تجيب التخمه والتخمه تجيب التبلد !! خخخخخخخـ اسال العلي القدير ييسر امورك ويسدد دينك ويخليك لزوجتك وعيالك ويحفظكم من كل شر
|
#9
|
||||
|
||||
![]() مت ضحك عليك يوم قلت لزوجتك قاعد تسوي ريااضة ههههههه ياانصااااااااب .
لا وتدافع عن منيفة يوم قال زوجها ليتها تخبز علي التنور وتبغي زوجتك تسوي خبز . تريستار عليك سواااااااااااليف تشق الرااس تعال الحين انتم تقومون من النوم تفطرون وبعدين ترجعون تنامون ههههههههههههه تكفي وين عايشين فية ههههههههههههههههههههههههههههه ميتة ضحكككككككككككككككككك وش اسوي ياليت تقولنا شنوا المشهد الممنوع من الصرف ![]() و قلنا وش افطرت عند منيفة ووش افطرت عند زوجتك يارب الترس بيطي حي عشان يسولف لنا سوااااااااااااااااااااليفك جناااااااااااااااااااان ![]() " اية نسيت اقولك مسامحتك عن الاطالة ![]()
|
#10
|
||||
|
||||
![]() هلا تراي
تراك رجيت روسنا من سالفه لسالفه بس تراي امزح بس تصدق اني فهمت المغزى من الموضوع قبل توضح بالنهايه دليل اني ذكيه ماشالله فعلا الشهوه تحت الضرس زي الي يقولو النوم تحت المخده ![]()
|
![]() |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |