العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
مشكلة تؤرق مضجعي مشورتكم
السلام عليكم
عندي ياإخوان مشكلة تؤرقني كثيرا أنا بعد زواجي بخمس سنوات أصابني مرض البهاق في الأطراف وكان موقف زوجي في البداية انه تبقع ونقص بالفيتامين ويحاول يصبرني بس مع الأيام زاد الحال وتبقعت يديني ورجولي وبعض أماكن من جسمي وحسيت نظرات الاستغراب في عيونه ومشيتها وكان يروح معي الأطباء وأول سؤال يسألوني هل عندكم أحد في العايلة وكان الجواب تلقائيا لا مع العلم إن وحدة من قريباتي فيها لكن هي لونها بياض ناصع ومن حريم أول وتوحد لونها بسرعة وماظنيت أنا وأهلي إن ممكن يطلع في أحد منا والحين شفت في قريب لنا كمان طلع لكن متبقع حيل ودرجة اللون مو حلوة يعني واضح إنه برص المشكلة الحين وين بتقولون لي إني تعالجت بتوحيد اللون وصرت بيضا بس لوني حلو ومب فاقع مقبول يعني اللي شافوني يحسبون أمي أجنبية طيب لو في يوم من الأيام سألني أو شاف قريبي كيف أرد عليه؟؟؟؟؟؟ والله أنا محتارة حيل وخايفة في نفس الوقت أكيد بيقول هذي كذبت علي بس أنا تزوجته وخلاص وهم يوم تقدموا ماكان لازم نعلمهم المفروض سألوا عنا قبل مايتقدم وحياتنا والله حلوة مع بعض والحمدلله والله يهديها أمه دايم تعلق وتتكلم وتقول الحين يدقون ابر المصابين بالبرص وان مااحد يتزوج منهم وأنا ماارد احتراما لسنها حتى لو رديت ايش أقول مرة قلت الحمدلله مو سرطان لاسيما بعد مابيضت كامل الحين رأيكم وكيف أقوله لو سألني في يوم من الأيام هل أسكت ولا أرد عليه مع انه هو مايعلمني بخصوصياتهم وأنا أعتبر الآن موضوع يخصني مو لازم أرد على اللي يسألني في انتظاركم الله يجزاكم كل خير ويفرج همومكم __________________
|
#2
|
|||
|
|||
المشكلة الحين وين بتقولون لي إني تعالجت بتوحيد اللون
اول شئ ذي الفقره بكلامك مو مفهومه لكن اللي انا اشوفه انك ركزي اهتمامك بزوجك وعلقيه فيك ولاتفكرين باحد وان حصل وسالك عن اي احد بالعائله قولي انت يوم اخذتني ماكان فيني ولا فاحد بالعائله شئ وانت عارف وعن هالشخص قولي ماكان عندي خبر او انه يمكن جاه من فتره قريبه او يمكن ماكان ظاهر عليه ذيك الايام وتو بدا ينتشر وان قالك ليش ماقلتي قولي ماجا ببالي ومااعتقد انه يهم احد بعدين هالمرض مافيه اي مشكله غير تغير اللون وامه ماعليك منها ان عادت او زادت قولي الحمد لله اللهم لا اعتراض ومع طول المده بيصير لونك عادي ولا راح يحس احد انه غريب ولو سالك احد مايعرفك قولي ضاربه ابر التبييض اش عندهم مالهم عندك شئ ياكثر اللي يتمنون هالابر ومو لاقينها لاتفكرين ولاتهتمين ونامي الليل الطويل اهم شئ انك الان خلاص توحد لونك وصايره مثل البدر
|
#3
|
||||
|
||||
حيا الله الشيخة شجون
كلامك زي العسل بسطني حيييل وفعلا راجعت العبارة مالها داع مزحوم بس كان قصدي أوضح إن المشكلة زالت من عندي وتسلمين ودمت شيخة
|
#4
|
||||
|
||||
والله اشوف انك تقوليله وماتستحين وتخبريه انك دوبك عرفتي ان بعيلتكم كذه
واذا هو يحبك بيقدر هالكلام ومابيزعل والحمدلله دام لونك توحد وصرتي فاتحه ماشاالله خلاص فليش القلق
|
#5
|
||||
|
||||
مشكوووووور والله يعطيك الف عافيه
|
#6
|
|||||||||||||||||||||
|
|||||||||||||||||||||
وش بيستفيد لاعرف انه فيه احد بالعائله !! يعني خلاص الموضوع منتهي وانتي الحمدلله تقولين توحد اللون الله يشفيك ويعافيك ويخليك بنظر زوجك حوريه
|
#7
|
||||
|
||||
الافضل انك تسكتي عن الموضوع و اذا صارت مناسبة و انفتح الموضوع عادي انك تقولي ليه
|
#8
|
||||
|
||||
السلام عليكم ...
هو سؤال بسألك إياه ليه انتي مهتمه انه يدري ؟؟ يعني تحسين بتأنيب الضمير وانه من واجبك تقولين له>>اذا السالفه كذا.... من الاساس ليه يأنبك ضميرك انتي داريه انه بيجيك هالشي >>اكيد بتقولين لا لان مافيه احد يعلم الغيب العلم عند ربي .... طيب افتراض قلتي له وش الاشياء اللي تتوقعينها بتصير اذا قلتي له غير انك بترتاحين نفسياً وتفتكين من هالهم اللي يؤرقك اذا مافيه شي راح يضرك اذا قلتي له (يعني تاثر على علاقتك معه) وتحسين انه راح يصون العشره معك عادي صارحيه باللي في خاطرك كله ولاتوفرين شي اما اذاتحسين انه ينتظر الزله حتى ياخذه عذر بالمستقبل لا لا تقولين وحتى لو فيه قريب لكم فيه هالحاله كون انك تعلمين زوجك عنه هذا يترتب على شيئين>> هالقريب من محارمك >>>بستغربين سؤالي بس اذا هو من محارمك (يعني تشكفين له) معناتها انك طالعه عليه هذا احتمال كبير اذا لا هو قريب من بعيد طيب لاتعلمينه ابدا وخليه لوقته اذا شافه في مناسبه ولا من بعيد وقالك فلان اللي يقرب لك فيه زيك ماقلتي لي ؟؟؟قولي له ليه اقولك (ببرودد طبعا)قالك يمكن انتي طالعه له وهذا اللي انتي خايفه منه قولي له هو يقرب لي من بعيد وش جابني ..... وأنا من رايي انك ماتقولين له دامك طيبه والحمدلله اذا اموركم انتي وياه تمام خلاص لاتنبشين وخلي الدنيا تمشي ماله داعي تصير هالاسطوانه محور حياتكم وحتى يصير هالشي بعينه عادي جدا فمن واجبك انك تكونين ريلاكس لاتتوترين حتى مايتوتر معك وتكرهينه بعيشته ...سؤال اخير انتي تحبينه وتبينه لك لحالك ؟؟؟ اسعديه قد ماتقدرين وانسي العالم كله ... يوه بربرتي مارح تخلص بس اتمنى اني افدتك
|
#9
|
||||
|
||||
يعني تخافين يقول عندكم المرض وراثي
تقليب بالماضي تقصان عقل هو انسي السالفه انتي ولاعاد تدققين فيها وخليها على ربك مت ما جد جديد ربك يسرها تحياتي للك ولله يوفقك
|
#10
|
||||
|
||||
لاتشيلين هم ياقلبي هونيها وتهون انشاءالله ولا تكبرين الموضوع وتدققين فيه ترى كذا بتجيبين الشك لنفسك
انا اقول اذا صراحتك لزوجك بتسوي مشكله بينكم لاتقولين له وخليك ساكته واذا سالك لازم تقولين وخليك صادقه معه بعدين الصحه والمرض من ربي والحمد لله انتي تشافيتي اكيد ما عاد يهمه يعرف زي قبل,, واشكر اخلاقك العاليه في عدم الرد على ام زوجك واحترامها ما شاء الله عليك الله يثبتك على عقلك,, الله يتمم عليك الصحه والعافيه ويخليك لزوجك ولايحرمكم من بعض ,, طبتي كما تحبين ومع من تحبين..
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |