|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
06-05-10, 07:12 PM
|
||||
|
||||
موضوعن خطير اقلطواااا
اشوف نفسي بدون شعور ضغطت على اضافة موضوع جديد في يوم الاربعاء عصرا وانا راجع من دوامي جاني اتصال من الوالده استغربت لانها عارفه موعد رجعتي ليش ماصبرت لين ارجع اللي حصل اني رديت وقلت انا عند الباب ومن عجلتها كانت تبي تبدا بالسالفه في الجوال قلت الحين داخل مع السلامه طوط طوط وعقلي يقول طوط وادخل عليها الا اشوف تجمهر الخوات اقصد امي وخواتها يالله ان تحييه تفضل وكلام معسول وانا مبقق عيوني بعد السلام قالت امي اسمع يا ابراهيم عندي لك موضوع ودي احاكيك فيه قلت لها يايمه مافي مجال تحاكيني على انفراد قالت ماعندنا احد مابوه الا خالاتك قلت زين عطوني اللي عندكم وحده من خالاتي قالت اسمع يابرهوم تخبرصديقتي فلانه الي وصلناها انا وانت لبيتها في ذاك اليوم قلت والله ما اتذكرها كملي وش عندك قالت والله من شهرين تطلقت وماباقي لها شي على العده قلت لها وانا وش دخلني فيها قالت لاتقاطعني تراها مامثلها احد وهاتك يامدح فيها قاطعتها الزبده ياخاله قالت ان كان لك خاطرفيها ترى ماراح تلقى مثلها ياخاله انتي في كامل وعيك ليش وش فيها خذها خلها تثبت للناس ان العيب مهوب منها يمكن يجي لها ولد ويدرون الناس ان البلا من زوجها وانت تقدر تاخذ غيرها ثلاث اهم شي استر عليها استر عليها ليش هي مسوية لها جريمه ياخاله ههههههههههههه لاتمسخر بكلامي وفكر والله انها احسن من البنات الصغار فاهمه وعاقله ورزينه وانا وش ابي بعقلها ورزانتها انت لاتستعجل وان قررت رد لنا خبر صو ص صوص<<هذا صوت عصافير تحومي على راسي هذا اللي الحوار اللي صار بينا وياليت اسمع رايكم
|
|
#2
06-05-10, 07:24 PM
|
||||
|
||||
|
يعني امك مالهادور بالموضوع الدور لخالتك وعشانهاصديقتها
تبي تلزقك فيها  اقووووووووول اعقل وخل عنك كلام الحريم خذلك وحدهـ بكرتونهااا توهاطالعه من الوكالة صحيح يمكن هذيك مستعمله استعمال حشمه بس الجديديفرق بكثيررر  وتدربهاعلى ايدينك ولازم يكون لك نظرفي المودماني الي انت بتاخذهـا
|
|
#3
06-05-10, 07:29 PM
|
||||
|
||||
|
ياخي اكثر شي لفت نظري في الموضوع هو : خالتك ومدى شهامتها وزمالتها  مع صديقتها المطلقة قسم بالله تعجبك وقفتها معها شفها سفطت لها ولد اختها برهومي  طبعاً اللي فوق تعليق عفوي تصدق ياخو حمده انت من الاعضاء اللي احرص على قراءة ردودهم من اول ردين قريتهم لك وانا داري انك كذا  لو كنت مكانك (( ويعلم الله اني صادق )) كان وافقت بدون تردد .... واذا ماعجبتك تزوج اللي في احلامك مدري اللي في راسك من اول مخطط انك تتزوجها  ياخي منت خسران شي .... اسمع كلام الخاله وترى الحرمه باغيتك من يوم وصلتهم ذاك اليوم >> جاء في بالي موضوع البويات حق ديما ولحد يضحك بس  ياخي اكثر شي تحسفت عليه اني كنت هايب الزواج ومتردد وعلي بن ابي طالب يقول : الهيبه مقرونة بالخيبة يعني ترى اللي يهاب الشي.. خااايب ويبقى خايب طول عمره مادامه يهاب ولاهو جرئ ! تحياتي لك ... وردد معي بالله >> موافق .. موااافق... مواااافق 
|
|
#4
06-05-10, 07:37 PM
|
|||||||||||||||||||||||||||
|
|||||||||||||||||||||||||||
اسئلوا المتزوجين يعطونكم الخبر الاكيد
هذي فكرة خطأ ياذيبان
تدري اول ان المطلقة ماتقعد شهرين الا جايها زوج ! ؟ مايمديها تخلص عدتها الا وهي ملقوطه  هالكلام قبل خمسين سنه بس ... مش ماضي بعيد الان المجتمع زرعت فيه افكار خبيثة من ضمنها ان المطلقة كذا وكذا وكذا شوف انا بتكلم بصراحه رغم الحياء  بعض الحريم حتى لو كانت مطلقة تراها احسن من البكر التعبانه ههههههههههههههه حتى في قضية المستخدم والوكالة اللي قلت عنها انت بضرب لك مثل وانا لازلت خجلان والله تشتري مرسيدس الماني فائق الرفاهيه ومستخدم استخدام كويس استخدام شايب مثلاً .. ولا تشتري ددسن وكاله بقراطيسها ؟؟ اترك الاجابه لك ومابين السطور خله بينها ملاحظة : نعتذر للأخوات الفاضلات عن التشبيه هنا  من جد نعتذر !
|
|
#5
06-05-10, 07:56 PM
|
|||||||||||||||||||||||
|
|||||||||||||||||||||||
شلون يعني مستعمله كرم المرأه لو سمحت هذا موضوع يستحق النقاش ولو اني اشوفك ماودك تزوج هالحرمه لكن اقول عليك بالاستخاره
|
|
#6
06-05-10, 07:57 PM
|
||||
|
||||
|
أخ ولد حمده ..
بما إنا بمجتمع حريم ترى غالباً الحريم يوهقن الرجال ويلعبن براسه كلمتين وهو اللي يطيح به رديّ الحظ ولاصارت البنت ماهي بذاك الزود من الجمال حطنه جنيّهٍ حمر على قولة أمي والعكس منشان كذا أرفض نظرة أم الخاطب أو أخته وهلم جرا .. ياهو يايمسك الباب >> عارفه أني شطحت الخلاصة: أنوه قل لخالتك يبلغ إن شاء الله وأنا استغرب لاقالو اكسب أجر فيها أو لاصار الخاطب فيه عاهه أو شايب.. ليه جمعية خيرية اللي بتتزوجه؟ ستيف: ياشيخ إستح على دمك ترى دم الكرامة فار وصلنا إلى حال تشبيه المرأه بسيارة ؟ وهالتشبيه كله جاء من زاوية وحده بالمرأة تفكير بهيمي للأسف والأسف أنه يعتذر بالأخير ويدعي الخجل! عظم الله أجر من وليت أمرها
|
|
#7
06-05-10, 08:04 PM
|
|||||||||||||||||||||||||||
|
|||||||||||||||||||||||||||
الحين مين اللي شبه المرأة بالسيارة في البدايه ؟؟
انا ردي كان تعديل للفكرة اللي قالها عز الخوي اقراي الردود عدل قبل تفلسفين وترحمين على الناس ماتوقعت منك رد زي كذا هاليومين الوقاحه ببلاش صايره ! الله يعوض اميمتن جابتك
|
|
#9
06-05-10, 08:14 PM
|
||||
|
||||
|
بعض الرجال على قولة البدو يفكر مع اللي أنتم خابرينه ويا ليت عنده حشمة ولا كرامة يا اما سرسري و
لااخلاقن شينة وعلومن اشين نعنبوكم لا حيا ولا مستحا اشهد انكم منتب رجاجيل ولا نتب حول المرجلة الواحد يتخضخض من السمنة والافكار الوصخة وعلوم اهل الردى لعنبوكم انتم عيال حمايل؟ انا اشهد انكم صلب وحتى ان كانه بالاسم اول يدخلون الواحد في القبيلة على اخلاقه اما انتم القاب ترفع الراس وعلوم عند البالوعات الله يهديكم ولا ياخذ عماركم فضحتونا عند العرب
|
|
#10
06-05-10, 08:15 PM
|
||||
|
||||
عادي وافق وش فيها المطلقة ! مطلقة = مجرمة ذات سوابق <------ بالسعودية يمكن تكون أحسن من غيرها بس أهم شيء النظرة الشرعية يمكن ما تعجبك أو يمكن أنت ما تعجبها يقولون أنجح الزواجات هو الزواج من مطلقة تكون تكونت عندها خبرة عن الحياة الزوجية وتكون لكن هذي اللي يبون يزوجونك إياها إحتمال إنها "عقيم " يعني وش اللي أكد لهم إن العيب من طليقها ! على العموم مافيه مثل الإستخارة علشان يكتب لك الله اللي فيه خير  أكثر ما يقهر في المجتمع إذا قالوا : أستر عليها  يعني البنت مكشوفة أو مفضوحة تلقائي وإذا تزوجت إنسترت يارب رحمتك من الأفكارالجاهلية  علمنا إذا وافقت وأعزمنا على عرسك نبي نشوف رقصتكم " الدحة "
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
