العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
قصتي مع عنيزة ...!! الله لا يعيده ..!
قصتي مع عنيزة ...!! الله لا يعيده ..!
-------------- السلام عليكم ... صباح الخير يا شباب .. هذي قصة صارت لي , وكتبته بأحد المنتديات وحبيت إني انقله لكم هنا .بمنتدى قصيمي نت ,, اخوكم السياسي ,,, بس ما دام اني دخلت ... لازم اكتب شيء .. على طاري عنيزة : على فكرة قبل ما أبدأ آخر مرة رحت لعنيزة قبل فترة وبغيت اموت ,, رحت انا - والدبشة - << عضو موجود معنا بغير منتدى قصيمي - الله يستر علينا وعليه ... بدون اسماء .. المهم رحنا وتعشينا بفروج الاسياح حسب ظني ... واظني انا اللي حاسبت ولا لا يا دبشة ؟ وعقب العشاء رحنا روبنز باسكن31 .. << وش عرفن انا بـ روبنز باسكن 31.. حسبي الله عليك يادبشة ..!! المهم انه اشترى لي كاس كبير مرة وبوه شيء طعمه زين وحلو بالمره مهوب كبشتينو لالالا اظنه ملك شيك وبوسطه قطع وكسر واشياء تحوم التسبد.....!! يجي معه شفاط وملعقة ... المهم انه حالي بالحيل .. تصبرت وشربته واظني ما كملته ... لأنه الصراحه يتعب ويدوخ الراس .... ويجيب المغص والنوم ... رجعنا تالي الليل لديرتا ((... مشفرة ..)) -- يعني هي ما ودي اقول انها المدينة الصحية الأولى على مستوى المملكة والثالثة على مستوى اليابان ... عرفتوها : كرهو ... ايييييييييييييه صح عليكم هي ما غيره الــ بــ كـ ي ـــر ي ــة .... المهم وين وصلنا ,, ايه رجعنا وحلت الدبشة ببيتهم ورجعت للبيت الابيض .. -- رحم الله صاحبه وأسكنه فسيح جناته -- البيت حتى ما حوله بيوت انواع الطين ... يوم دخلت طبعا البيت ما بوه أحد أبد غيري << أنا أصلاً ساكن بالرياض ... دخلت وانا حالتي حالة ودايخ ومحتر ... صكيت الباب ودخلت المجلس .. وانا عندي عاده - مشكلة - اذا دخلت الغرفة اولع المكيف والمروحة على اقوى شيء لفترة بسيطة ثم ازينهن شوي شوي .. بس علشان يتعدل الجو بسرعه .. ولا أنا ما أحب براد المكيف ... سبحان الله .. أحيانا انام بدون مكيف واحيانا بالسطح ..خصوصا بجو القصيم العليل .. طيب اخلص علينا وش هالقرق ؟؟ طيب لعلك تلفقه شوي وتنطم << هذا الدبشة .. ويوم اني ولعتهن على اقوى شيء طحت على الفراش , قلت شوي دقيقة واقوم .... ولعلي نمت على كذا << مفعول هذاك الماخوذ ابن الذين اللي طعمه زين .. دوخن بسرعه . حسبي الله عليك .... يا دبشة ,,, قمت من النوم مع الفجر تقريبا أو قبله او بعده بشوي ما اذكر زين .. لكني - والله - قمت وانا مريض جدا جدا وتعبااااااااان مرررررة الحرارة مرتفعة ( H ) والوجه متلون .. والعيون طالعة من مكانه والجسم مرهق جدا وانا لحالي ..<< والدبشة الوسخ نيم هنااااك .. قلت : يا ولد تعوذ من الشيطان وتوض وصل الفجر يا مال الغنيمة ,,, يا جوار ,, يا كذاب ,, ما بك الا العافية ... بغيت اموت وانا العب على نفسي .. توضيت وصليت وطفيت المكيف الوسخ .. والمروحة الحقيرة بنت الذين ...... ورجعت نمت ..!!! وبعدين قمت ما ادري 10 او 11 الضحى . وانا تعبااااااان يااااانااااااس ...!! واظني طلع مني هذاك ععععععععععععع ععععععععععععع بوووووووووعععععععع الله يعافينا واياكم ,,, لا تلومونن مريض وتعبان ... رحت للمستوصف اللي على الطلعة بشارع الملك خالد ودخلت على الطبيب .. فحصن وكشف وقال ابعطيك ادوية .. قلت تكفى لا يصيرن غاليات ترى انا لحالي هنا ومطفر ... !! وش قال المصري ؟ قال: الغالي للغالي ...!! الله يرحم والديك انا منيب غالي انا رخيص بس اكتب لي رخيص ! كتب لي ادوية واكلتهن واكلتهن و ماااااااش ولا اكلت ولا تغديت ..! يوم صار حول المغرب عقب الصلاة بشوي جاء خالي وعياله اثنين وجدتي ... ما غيره هذيك راعية العربية !!! المهم ما عطيتهم وجه ولا يدرون اني مريض .. شوي وطلعت وتركتهم رجعت للمستوصف قلت اناااا تعبااااان وما اكلت شيء ..! قال طيب : عطون ابره وابره ثانية مغذي وانسدحت على السرير ختى قضى المغذي وخلص كل ابووووه ولا بقى بوه ولا نقطه علشان نحلل الفلوس ... وبعدين طلعت والناس قد صلوا العشاء وخلصوا وانا متشبك بالمغذي .. اقووووووول (( لحظة)) يا ولد انت صليت العشاء ولا لا ؟؟؟ هاه ...!! إلا إلا حسب ظني اني صليت بمسجد الراجحي اللي عند المحطة اللي هناك اللي بحنب القصر حقهم .... وبعدين الحمد لله تحسنت الحاله شوي شوي واستمرينا على الدواء .. وشفانا رب العالمين (( وإذا مرضت فهو يشفين )) .... والحمد لله على كل حال .. وهذ آخر علمي بعنيزة ... وعقبها ما ذقت الــ روبنز باسكن .. 31 .. بس اللي ملزم يبيه وتقطر سعابيله عنده ...... يروح يشتري كاس صغير مرة ويقول للعامل ابغى عسكريم بالتوفي -- ايه التوفي زين -- وحط عليه شوي كراميل .. ولا تحط مكسرات مهيب زينه . . لحظة اقوووووول يا دبشة : فروج الاسياخ اللي تعشينا بوه بعنيزة ولا ببيريده ؟؟ تراي ناسي اييييييييه مير على طاري (( لحظة )) : بوه واحد راح للاحوال المدنية .. مبسوط جته بنت ويبي يسجله بالتابعية - دفتر العايله - قال له الموظف وش اسم البنت ؟ قال : لحظة ... قال : طيب وصبر شوي الموظف وبعدين قال : لو سمحت وش اسم البنت . قال : لحظة .... قال : طيب ,,,, وصبر شوي وبعدين قال وش اسم البنت .. قال : اسمها (( لحظة )) انت ما تفهم من الصبح وانا اقول لك (( لحظة )) ...!! قال الموظف : معليش احسبك تقول لحظة يعني اصبر شوي ... وعلى طاري عنيزة : اشتهرت مدينة عنيزة بجودة الكراث ... حتى إنني أسمع من بعض العجائز قولها : (( كراث عنيزة يا الزلق ,,, لا راح يصلي يا الزلق )) . وهو كذلك ... فعلا ً كما قالوا .. حلو المذاق .. << اييييييه هين يحلفون انواع الحرارة ..!! طيب الرائحة ..<< اقووووووول كثر لي منها ..!! آل طيب آل ... هش مقرمش << هذي صحيح اذا كان توه جاي جديد .. .. نظيف جدا << انواع التراب . بس والله انه ازين من الماخوذ هذاك وش اسمه الـ روبنز باسكن وارخص بعد ..... عندنا بالرياض يوم الإربعاء خصوصا ً .. تروح تدور كراث القصيم - وخصوصا عنيزة - ما تلقى ... مخلص ... شطبوا عليه .. علشان كذا لازم تبكر شوي وتجي الظهر .... ملاحظة : ترى ما فيها شيء يا شباب اذا طلبوا اهلك منك كراث ولاهوب عيب انك تشتري لهم ,, ولا تخاف تفشل ..!! عاااادي جداً , ترى أنا كل مارحت للقصيم لازم أرجع ومعي كراث واجد ... وان حصل من عنيزة ... من المزرعه اللي بجنب السوق -- طازج على الطلب -- يكون أحسن .. وانتهينا ... اعتذر على الإطالة . لحظة اييييييييه صح تذكرت الشاعر اللي يقول : لك ِ يا عنيزة ُ في القلوب ِ مودة ٌ -- أصفى من الماء ِ الزلال وأعذب ُ اييييييييه هين يحلفوووووون خل عنيزة تنفعك ......... وش دعوه ..يا اخوي , والنعم بعنيزة وبأهل عنيزة .. ملاحظة : ليس لأي أي مقصد سيء أو تجريح لشحص أو مدينة أو مستوصف أو جهة رسمية أو حكومية أو مزرعة أو باكسن رونبز ... اوبنده او كراث او .... -- والله العظيم ما لي قصد -- الله يرحم والديكم لا تورطونن ما نيب ناقص .. ما كان قصدي إلا رسم الابتسامة وادخال السرور والفكاهة عليكم والضحك والدعابة معكم .. والسلام عليكم ورحمة الله وبركاته .... دمتم بخير ,,, ,, ======
|
#2
|
||||
|
||||
منت بسيط يا ولد البكيريه
ويا هلا فيك بقصيمي نت وقل لزميلك الدبشه يجي هنا معنا بعد
|
#3
|
|||
|
|||
مشكوووووور
يا سيف العدالة
|
#4
|
|||
|
|||
عاد كلش الاعنيزة.................وحده تدافع عن ديرته
يمكن فيك انت البلاء ياولد البكيريه يمكن معصقل ولا عندك مناعه اوصيك بالتغذيه السليمه وماتشوف شر وبسم الله عليك وانتبه من المكيف والمروحه تراها هي سبب الامراض وسامحنا على الرد بسسسسسسسسسسس اختك عنيزاويه بحتتتتتتتت
|
#5
|
||||
|
||||
ههههههههههههههـ
أسلوبك رائـع ويضحك سلامات اخويــة ولو انها متأخرة .. ياريت يعنـي تشارك ويانا محتاجين لمثل هالمواضيع السنعـة وخل ربيعك الدبشة يجي بعـد دعوة منـي ومن أخونا سيف العدالة لك ألف تحيــــــــة
|
#6
|
||||
|
||||
الله يعطيك العافيه حلوووووووووووووووووووه
|
#7
|
||||
|
||||
هههههههههههههههه
مشكوووووووووور على الموضوع الظريف وماتشوف شر يالسياسي وأحمد ربك على السلامة انا مرة بغيت أمووووت بس الصدز المطعم اللى أكلت منة تطارد بوه البساسة بسة داخلة وبسة طالعة هذا غير الذبان والبعارصا بس صدز مثل ماقلت الله لايعيدة من مطعم قعدت أسبوع وانا اتبعرص بفراشي تحياتي : أحمــــد
|
#8
|
|||
|
|||
هههههههههههههههههههههه
,, قم بس قم ,,
|
#9
|
|||
|
|||
شكرا ًًًًًًًًًً جزيلا ً
بنت امها شيخة العز عاشقة العلا احمد قصيمي جزاكم الله خيرا وبارك الله فيكم
|
#10
|
|||
|
|||
جزاك الله خير
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |