العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
||||
|
||||
استعدادنا لحضور الزواج
انا : افصل ثوب ب 150 ريال ...... هي : تفصل فستان ب 1500 ريال !!! انا : البس الثوب عشرين الف مره هي : تلبس الفستان مره واحده فقط !!! انا : ادخل للعرس وتتوق نفسي للسلام على المعرس والمباركه له ولااهله واسعد بمساعدتهم هي : تدخل العرس وهمها كيف تتبختر بالفستان ويقال انه جميل و و ( عرض ازياء ...) انا : بعد نهاية العرس : ينتهي كل شي عندي وادعوا بالتوفيق للمعاريس هي : بعد نهاية العرس : يبدا ء عندها الحش : والله زواجهم زين او مو زين فلانه فستانها زين او موزين ووو ..... ما كتبته بشكل عام
, ولسان حالي يقول للأخوات : الى متى واغلب النساء اهتمامهم بااللبس اكثر من اهتمامهم بإظهار الفرح والمباركة للعروس واهلها
|
#2
|
||||
|
||||
بدون زعل من الأخوات برأيي أن من تبالغ بإهتمامها باللبس أكثر من اهتمامها بمظاهر الفرحه عندها حالة نفسية وعقدة نقص وما راح تكون لافته للإنتباه أكثر من العروس .. المشكله لما تظن ان كل الناس تناظرها وبالحقيقه ما احد درى عنها وما احد جاب خبرها يضيع عليها الوقت وهي ما انبسطت ولا تونست مع الحريم .. رقبتها تقول رادار بس تلفت يمين وشمال تبي تعرف مين من الحريم تناظرها وبنفس الوقت مشغوله بتقييم عينات من فساتين الحريم ويمكن تحرم نفسها من العشاء يعنني برستيج ما تكل من عشاء الزواجات والعروس ومناك الجوع مقطع بطنها ومصرانها تقرقع وشفقانه على كسرة خبزه خخخخخخخخخخ .. وبالأخير أقول للنوعيه هذي يا اخوات خلكم على طبيعتكم وبلاش تمثيل وتصنع وهيااااااط فاضي والله محد درى عنكم والرحمه بفلوس زوجك والرحمه بنفسك لا تضحكين الناس عليك ..
وشكرا ابو ليان
|
#3
|
||||
|
||||
مو لازم تفصلون حتى لو ثوب مغسول ومكوي وشماغ وشخصية والبشت لحالة إذا كان أسود
حنا الله خلقنا نحب الزين والتزيين وأنتم زينكم برجولتكم ترا الفساتين نشتريها لزواج الغالين ولا القرايب نلبس أي شيء وبالنسبة لسالفة الحش مو كل حرمة تحبه أنا معاك أن فيه حريم همهم وش لبست فلانة وايش سوت تسريحة والطقم اللي عليها بكم والساعة ويش ماركتها ......... مدري كيف يحفظون كل لبس هالعالم ؟ أحياناً يسألوني وشو لابسه فلانه أقول هااااه مدري ما أنتبهت
|
#4
|
||||
|
||||
صدقني مو كل النساء بهذا التفكير
بالعكس فيه حريم عندها ملياراااااات وتشوف عليها الفستان اكثر من مررررره وحده اعرفها لبسها خيالي وماركات في العروس توقعت بيتها خرافي تصدق لقيته اخو الشعبي انصدمت من جد من مستواها يعني اختلاف عقليات والله يعين زوج الي مثلها
|
#5
|
|||
|
|||
اكيد كلامك فيه شيء من الصحة وبالنسبة للنساء عموما هذه طباع جديدة تتطورت مع اختلاف الوقت يعني زمان اعقتد ان الامهات والجدات لو سألتهم راح يقولون كان ثوب واحد يلبسونه بالعيد والاعراس والمناسبات؟ عموما الان مثل ماقلت لك كل شي تغير حتى الرجال ترى فياه شباب يفصلون ثياب من 500 وانت طالع وشماغ بعد غالي وباقي الحاجات؟ لكن اذا فيه شي مؤسف بالنسبة لبعض السيدات انهم يبالغون في اللبس خارج المنزل ويمكن حتى زوجها مايشوف هذا اللبس الا معلق بالدولاب يعني اذا طلع للسيارة قبلها وهي لسه مالبست راح تلبس وتخرج بعباتها والمسيكين مايشوف غير ارواب وبجامات وملابس بنكهة البصل والثوم؟
|
#6
|
||||
|
||||
الله المستعان
هذا اللي الله عطاهم <<<من حيث التزيين وانتم مثل ما قالت اختي سنى زينتكم في رجولتكم والنساء ليسن بسوا فيهه من تعقد نواظرها ولابه شيئ عاجبها وفيه من تروح وهي فرحانه وترجع وهي تمدح وتدعي لهم بالتوفيق وبا قولك سالفه كنت في مناسبه زواج طول نهارنا وانا في الصالون ومابقى شي ما حطيناه وتجي وحده اعرفها وتجلس بجنبي ولمن سالتها ليش مارقصتي قالت ما تزيينت توني جايه من المطبخ وغسيل المواعين ويا شيب عيني فيها من الزين مالله به عليم ( ما شاء الله تبارك الله ) قلت في نفسي وبعض العرب في الصالون ماقعد فلبينيه الا وزرعت في راسها ورده ودبوس ورموش وكل ابو شي ،،،، *
|
#7
|
|||||||||||||||||||||||||
|
|||||||||||||||||||||||||
جلست اضحك من كلامك ........وصف دقيق لحالة بعض النساء في الزواج الله يعين هذه النوعيه على نفسها ......
|
#8
|
||||
|
||||
شكرا لردودكم على هذا الموضوع بالتاكيد ان اللباس والتزين طبيعة في النساء , لكن المهم عدم المبالغةعند الاستعداد لحضور المناسبات وان يكون الهدف اسمى من كونه حضور لمشاهده اللبس وانتظار مدح الاخرين يجب ان يكون الهدف اكبر من ذلك ......شتان بين الثرى والثريا
|
#9
|
||||
|
||||
موضوع جميل يا بو ليان والتزين طبع بالنساء من الله خلقهن وهن كذا ما راح يتغير شي لا بالحاضر ولا بالمستقبل
بس الاهم من هذا كله بعض الحريم الله يهديهن تعند براسها كل عرس له فستان جديد وبالاخير اللي بياكلها الزوج وكل فستان لا يقل عن 500 ريال واضرب كم عرس بالصيفيه هذا من غير النقوط والهدايا .. ومن وجهة نظري يا بو ليان كل هالامور ترجع للزوج بالاول والاخير .. اذا كان ماااش كلمة توديه وكلمة تجيبه نقول وقتها على الدنيا السلام بيروح عشانها يتسلف وكله عشان المصونه حرمته .. كلامي هذا موجه لبعض الزوجات اللي ما تقدر ظروف زوجها تقبل تواجدي ابو ليان بصدر رحب اخوك / ابو وريف
|
#10
|
|||
|
|||
هههههههه عـــاد وش نسوي هــذا طبع الحريم نحب الزين والتغيير
لكن انتم ابو الراحه بثيابكم والشماغ لو تكرره عــادي ومو مبين انك مكرره لكـــن احنى يوضح بس اذا الواحد عنده قدرره وش يمنعه من انه ينوع بملابسه بس وربي ماتوصل 1500 ويـــــن يمكن توصل لزواج اخ او اخت بس اومــا المنسبات الثانيه يكون لا اقــل السعر لا بالعكــس لاتظلمنا ندخل ونسلم على اهل العروسه ونباركلهم وندعيلهم بالتوفيق ونفرح معاهم ورقص واستقبال معاهم خاصه اذا احنى اهل البنت اومـا الي تمشي وتتبختر هذي مبين عليها التصنع مالها داعي هالحركات الســامجه مافي احلى من الواحد يكون على طبيعته مــــــــــوفق يارب
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |