العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | التقييم: | انواع عرض الموضوع |
#1
|
||||
|
||||
بكل برود ماأعجبــــــت أمــــي
بسم الله الرحمن الرحيم السلام عليكم ورحمة الله أخباركم ؟ كلكم بخير ان شالله شرايكم بـ دوغري عالموضوع ؟<<لانه شسمه ذا ودي مدري ..احس شي نغزني يقول نزلي موضوع .. يابنت الا نزلي موضوع.. وانا اقول لا ,وهالشي يقول الا الا الا .. وانا اقول لا وهو الا الا الا <<هالشي بينجلد كانه وهقني الموهم جا في بالي شي الشي اللي يسبق تكوين بيت الزوجيه .. الخطبة .. كيف الوضع وقتها يوم يقولون الفلان خطبوا بنت فلان : حدث يمر على بنت فلان فيملأها شعور لا يوصف .. موب كله حبٍ للعرس ولكنه الشي اللي يحسسها بانها ماعادت هذيك البنت وبس .. الحين صارت الانثى المرغوبه واللي العين عليها زي مايقولون .. وماعادت عالهامش .. وبتلقي له سالفة تتفخ روس صديقاتها بها ..الفلان خطبوني وما اخطبوني وبتتغامز العيون عليها في كل اجتماع .. شوفي شوفي ذي فلانه اللي خطبوها الفلان وووو......... بس فيه اشياء تعكر صفو بنت فلان ويخليها ماتكمل اساريرها بتقدم مزيون الفلان لها وهي شوفة الحريم عثرة اولى في طريق الفرحه اللي تنتظر قلب البنيه .. شوفة الحريم اللي اصبحت متلازمة مع جملة ( ماكتب الله ) اصبحت هواية لبعضهن للاسف.. تجيك الام ساحبة معها بنتها ولا اختها ولا اخت زوجها تبي تشوف بنت فلان اللي ذكرت لهم وهل هي على نفس الوصف ولا لا .. وياليت السالفه واقفه على التحقق ؟! المشكله انها جايه تبي تطلع الفروق مدري الاخطاء السبعه .. بنتهم لابسه كعب ـ حاطة اساس ـ مستشورة شعرها ــ مسوية قايله شايله حاطّة << عليهم دقة قسم ولا مباحث ... وحده من قريباتي من كثر ماتسمع بهالسوالف حالفة يمين ماتدخل على وحدة جايه تخطب قويه .. تقول اذا يبين ,, دايركت شوفه شرعيه ! مافي تفاهم ومرت الايام .. وبعدها .. فعلا هذا اللي صار .. دقت قريبتي تعلمني خبر خطوبتها ,, تقول : سأل عنه ابوي وبعدين حدد يوم الشوفه .. وعلى فكرة قالت هذا اول واحد يوافق انه يشوف قبل اهله !! ,, المهم جا المملوح وتبادلوا النظرات على قولتها ,, وبعدها من بكرا اتصل على ابوها وحددو موعد وكانت آخر المكالمة شايلة هم تحليل الزواج وطريقته واحراجاته فقدت البنت فترة ,,توقعتها مشغولة بالتجهيز والحركات .. وشفت اني ادق اشوف اخبارها واعلق عليها شوي ـــ: هاه كيف التجهيز ـــ: اي تجهيز ..الموضوع تكنسل .. ــ ــ دقت امه قالت لامي تبي تشوفني ,, وعلى ماتزعم انه فشله من الناس لما تقول لهم الخبر اتقول ماشفت خطيبة ولدي ... ..جتنا العصر وتفحصتني ..ولقت اني ماانفع لولدها !!! مدري ليش وهي تحكي تخيلت امه كنه امل عباس ...وقاعدة تهزأ فولدها اللي مايعرف يتنقى شيٍ على مزاجها اشوى ان البنت من النوع اللي يتقبل التعليق والقفشات .. وواثقه من نفسها ولا تأثرت بالكسحة وقلبنا السالفه تعليق على الولد اللي من اولها بين انه ماله شخصيه .. اهم شي انه هو اللي اتصل على ابوها يعتذر ويقول :امي عيت !!<<او بمعنى هالجملة وانصدمت بوحدة تقول لي : , واحد من اخواني كذا ,, تلقف واحد من اقاربنا وذكر له بنت اخوه وشافها اخوي لحاله صراحه مدري وين عيونه لحظتها موب صاحي على طول وافق .. مع انها موب ذاك الزود قلت : سلامات وعسى ما تطلقوا الحين .. قالت : لا ماشالله معها ولدين بس اقول لك ان بعض الشباب يرتبك ما يناظر زين << ودي اصدقها طب يمكن هو شاف فيها شي ازين من اللي انتي تشوفين .. قال ما يناظر زين ؟؟!!! <<بالله ذا منطق ؟؟! .. العقول المفروض تصير اكثر نضجا وتمييزا .. ارقى وأعلى من كذا .. كيف يخلي امه ولا اخته تنخل بيوت العالم تدور له على شكل يعجبها هي بس ,, بالله هل هذا شي منطقي اوعادي .. معقولة الشاب اصبح ما يثق برأيه .. لازم بمعونة امه .. المشكله الحاصل ان البنت الحين بدل ماتفرح بخاطب يتقدم لها ...صارت تشيل هم راي اخته ولا امه ولا عمته فيها .. لازم هي تعجب كذا فرد بالعائله ..لانه للاسف القرار مو لصاحب الشان وحده القرار لازم يكون مشترك ويمكن يكون فيه تصويت ... .. وعذرا للخنبقه ترى مدري كيف كتبت هالسطور ,, .. و من زمان كان ودي اصير فاضيه ولقيتكم .. ..
النقاش عن الخطبة وشوفة الحريم والنظام الجديد المعفن ... ارائكــم
|
#2
|
||||
|
||||
[size=تطبيب الجروح النآزفه][color=سنه ونص ** مالكم دخل] لا بس اقول لك ان بعض الشباب يرتبك ما يناظر زين
عااااااد هذي ما دخلت مخي أبد أبد بنوب بنوب بتاتا بتاتا وكل كلمات الرفض اللي في العالم من جد صاروا الحريم عليهم طلعاااااات في شوفة العروس.... الوحده تروح متوقعه تشوف باريس هيلتون..ولا آيشوريا راي وعلى بالها اللي عندهم براد بيت ...ولا هيتريك روشان مالت عليها من زين اللي عندها تتدلع....... في وحده أعرفها كانت تقول أخواني حلووووووووين وسيمين يهبلون... وتدور في البيوت تدور لهم عرايس مافيه مثلهم...تبغى وتبغى وتبغى وتشوف البنت وتقول زينه...وتيجي أمها وتقول ما تصلح ...وهكذا يمكن دخلت بيوت الناس كلهم... وعجبتهم بنت بس أمها قالت ما تتزوج إلا بعد سنه قالوا لا ...لازم في خلال 3 شهور.....وراحوا يدوروا غيرها.... المهم البنت جاها نصيبها واتزوجت بعد سنه وكم شهر.....وهم بعدهم يدورون على البنت الجميلة.....وفي الأخير البنات اللي أختاروهم مو على قد التعب......شافوا بنات أحلى منها بكثير...... ولما شفت أخوانهافي زواج أختهم أنصدمممممممت وكانت أم البنت اللي تزوجت جنبي....قالت..لا والله زوج بنتي أوسم وأوجه.. فطست عليها ضحك ياعجااااااااااااااااااااااايب الحريم يسلموا قوينينه [/color][/size]
|
#3
|
||||
|
||||
موضوع جدا رائع ويهم كل بنت في المقام الاول
لي عوده للفلسفه اكثر وتحليل الموضوع من الى شكرا لك مقدما قانون
|
#4
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||
تصدقين حتى انا عيت تدخل مخي ماادري احسها كبيره شوي على حجم امخاخنا يعني المعروف ان عيالنا مشفح مايصدقون على الله يقزون عاد شلون لاصارت اللي قدامهم مصيــر تلقين حتى رقم جزمتها لو حصل لهم قزوه هاالحين بالين الحريم بالسوق وقدامهم مايناظرون زين <<<اي هين من جنبهم ذي بس الحريم يعنني يحبون المكايد تلقينها بتقهر مرة اخوها يعنني ان اخوها ماشافها زين
هههههههههه اي والله ودك لوتقولين لها هالكلام عشان تهبط بس يالله القرد بعين امه غزآل
الله يقطع ابليسك يابلاك والله هذي هي وبنتها وجيههم مغسوله بديتول ليش شايقين البنت بضاعه ومختلفين على ذوقها والله مرعبه هالعصابه أجل قاعدين يمترون بيوت الناس وبالاخير يطلعون اخوانها شسمه وسيمين ههههه بالحيل وسيمين <<الله يقطع ابليسك يابلاك
والله بعض الحريم صدق ماينعطون وجه ودك لو تقولين بوجهها ماعندنا بنات للتفرجه ضفي وجهك انتي وولدك ويالله مع السلامهبقريح
|
#5
|
|||||||||||||||||||||
|
|||||||||||||||||||||
المحلل الشهير سيجموند فرويد أهلا بك .. منور يالغامض ننتظر تحليلك الشامل ’’
|
#6
|
||||
|
||||
هههههههههه والله يا انتي مخمخه للموضوع بقوووه بس معك حق بكل اللي قلتيه .. والادهى من هذا كله ان بعض
الحريم تجي تشوف البنت على وصف فلانه تقولها روحي شوفي بنت فلان اذا اعجبتك اخطبيها واذا لا البنات واجد النقطه هذي بالذات تغثني بالحاله هذي نقدر نقول ان البنت صارت شكليه يعني تخطب على حسب الشكل ما تدري عن نسب البنت وش ترجع ومنهم اهلها ومنين هم ..همهم المظهر الخارجي فقط ويقارنون بين حريم الاخوان لازم نخطب لولدنا احلى مرة اخوه .. شي غلط وحرام .. واللي اشوفه وان الكل لازم يمشون عليه ان الرجال هم اللي يروحون ويخطبون خطبه رسميه من ابو البنت مباشره ويطلب العريس النظره الشرعيه وبالحاله ان الله كتب لهم رزقه مع بعض راح ياخذونها واذا ما كتب عساها تكون خيره له ولها .. يعطيكِ العافيه قانون على هيك موضوع مهم ويستحق التمييز .. المره الجايه بنعطيك مهله اقصاها شهر عشان تمخمخين لنا على مواضيع مثل كذا
|
#7
|
|||||||||||||||||||||||||||||||||||||||||||||||||||||||||||
|
|||||||||||||||||||||||||||||||||||||||||||||||||||||||||||
ايه ممخمخه بتأثير الاجازهـ نصيحه ريح دميجتك يزين انتاجك >> مصدقه والله الحريم كيدهن عظيم ولهن طرق كثيره ملتويه يعني تقدر تشوف البنت بدون ماتجرح شعورها لان كثير من البنات يشتكون من هالنقطه تجي الام تتفحص وتطلع بدون ماترد خبر والبنات حساسات ويتضايقن أنا مااعترض على مجرد الشوف بس تقدر تشوفها بمكان عام , بزواج , بعزيمه والله وحده قريت قصتها تقول جت ام زوجها لهم على غفله عشان تشوفها على الطبيعه + دخلت للصالهـ << من زود البجاحه والثانيه أم زوجها سحبت شعرها عشان تتأكد هههههه<< هذي بصراحه منتهيه يبليها كف وش تحس فيه قالت نتأكد يمكن لابسه باروكه وحلوه ذي تجي تشوف على وصف فلانه ليش سياره مثلا ؟؟ طيب واذا أعجبت فلانه المرسوله وماأعجبت الراس الكبير تروح ترجعها الحمدلله على العقل وصح والله كثير بل الاغلب يهتمون بشكل البنت المفروض ينظر لاخلاقها وعاداتها وتربيتها عشان بعدين مايصير مشاكل
هذا هو المفروض يصير بس للاسف بعض الحريم تتدخل حتى بذوق ولدها لان الولد هو اللي بيعيش مع البنت وهو المفروض يختارها ولازم يشوف قبل هل فيه توافق بينهم ولا لا ... بعضهم يشوف شكلها بعدين يكتشف ان النسب مايتوافق وهنا البنت تتحطم تحسب فيها عيب وتكره الزواج ,,
ويعطيك العافيه ابو ريف ماعليك زود ههههه حلوه اخذ اجازه ذي عشان اجيب العيد عليكم واخنبق الله يستر مشكوووور
|
#8
|
||||
|
||||
وقد سمعت أن خوات العريس يرفضن العروس اللي أحلى منهن ويعيبن فيها
الزواج قسمة ونصيب واللي مكتوبه للشخص أنه يتزوجها بسهل الله أمره ويتمم زواجه
|
#9
|
|||||||||||||||||||||
|
|||||||||||||||||||||
اهلين سنى معلومهـ جديده ههههه حلوهـ ذي من جد بعض الحريم مدري شلون يفكرن اشك من اي مكان ..تطلع الافكار طيب واذا كانن شيون وش بينقن لخوهن الظاهر بيشرطن عرايس ناقص منهن ايد ولا رجل ههههههه ,,, صح والله قسمه ونصيب على قولتك مشكووره
|
#10
|
||||
|
||||
حياااااااااااااااك قانونيه والله اني مشتهيه اصفق لك تصفيقه كبيره على ذا الموضوع لاويبيلك بوسة راس
حنا نسميها خطبة الحريم لجنة التحكيم وآآآآآآآآآآآآه ياناري منهن معايير غريبه عجيبه وبما اننا بدينا بالصيفيه تكثر الجولات الاستطلاعيه والبحلاقيه للجنة التحكيم طبعا عندهن اراء ومعايير للزوجة المستقبل دون ان يكون للمعرس اي تدخل شيء يقهر يعني يقول دورولي وهن وكيفهن تشوفون غرابة مجتمعنا واحيانا نظرة الولدغير خواته تعرفون الناس اذواق
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |