العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
توي عرفت (حياة الشقا)محتار اطلق ولا ابلع العافية رايكم
السلام عليكم ورحمة الله وبركاتة
قصتي بختصار محتار انهي زواجي او انتظر كانت عايش بسلام ومبسوط بدنيتي واحسب زوجتي تحبني ومها سويت راح تسامح زلتي عشرة عمر والله هذي الي قاطع قلبي عشر سنين وشي من تانيب الضمير تزوجت والحين عندي ثلاث اطفال ولله الحمد وراح اكون صادق مع نفسي قبل ما اكون صادق بسرد معناتي لان ابي حل تزوجنا وعشت مع زوجتي للامانة كانت قاسي واستغليت طيبه قلبه وتسامحه وصبرت الاجوديه علي طايلت حياتي معه اسب اشتم ممكن اضرب اروح اسافر اطلع البر وهي بالبيت عند بزرانه بس للامانه اقول له وش تبين بديل عن روحتي للسفر او طلعتي للبر وكانت تطلب يا بعد قلبي شي بسيط واصبرت رغم قساوتي عليه ورغم تصغيره وتحقيره له بس للامانه والله اني سخي معه بالمادة بشكل جدا رائع ممكن اسوي له شي تطلبه بالايام العايدية بس مته يمكن بعد طلعت الروح بنتي الصغيره عمره 5 اسنين وانا افضله عليه حتي ملابس بنتي اطلبه من خارج المملكة بريطانيا وامريكا سوى للمناسبات او الاعياد وهي طبعا لا بس تختار المقاس للبنت والملابس وانا اطلبهن وهي لا يوم انجحت وراحت للرابع ابتدائي شريت له ipad 2 ومن هنا بدت المشاكل اعتقد ولست متاكد توقل توه صغيره على الجهاز وانا اقول له ما هوب شغلك الان البنت والله قهر شافت نفسه على امه ترد عليه وممكن تجراح امه بس انا صارم معه اذا سبت امه ممكن اكسر راسه يعني اعطيه لكن اقوله هذي امك بس احب بنتي اذا شفته تصيح من امه بدايت اسب المره يعني كانت عاطفة الابوه تغلب على وبعد كل الضغظ النفسي وصبر عشر اسنين دقت على قالت اختي عنده حفله وابيك تمسك البزر الصغير عمره سنه مجرد ساعتين ارجع اخذه واعطيك الي تبي قالت له لا ولا تروحين الا معك البزر قالت ما اقدر تحمله ساعتين اصريت لا واذا طلعتي بدونه لا ترجعين وكانت مصر جدا دخلت العصر للبيت ولا المره مره ما هميته حسيت ان هذي ما هيب زوجتي الحبوبه متمسك انه تروح للحفله بدون الطفل وانا تمسكت بموقفي الرافض وتقول اهلي يبي يمرونن ياخذونن معهم وقاعده تجمع عفشه وتقول خلاص انا بيعته شي ما كد شفته بزوجتي يما قالت اطلعي روحي لاهل وتتمسك بالبيت يما طردته وقالت انقلعي ولا سوت كذا دقيت على ابوه قالت تري اذا طلعت بنتك بدون الولد لا ترجع بكل برود رد علي انت صاحب القرار ولو نبي نتدخل تدخلنا من زمان حسيت انه هي واهله انا طالع من خشومهم تعوذت من بليس ورحمت اعيالي راحت وديته انا علشان تطلع مع ولده وامسك الطفل انا بعد واخذت شنطه كبيره معه به ملابسه طلعت من الحفله وقالت ودني لبيت اهلي ودي اريح من الضغظ النفسي الي على وديته وبديت اراجع كل السنين الي مضت حسيت اني قليل ادب حسيت اني ظلمته كثير حسيت اني كرهت نفسي ليه كذا ليه سويت كذا رغم اني ما كانت مخطط لحياتي كذا حسيت بلحظة اني ما استحق النعمه هذي . ندمت كثير كان احد صحاني من شي من اسنين المفروض اصحا مدري ليه حسيت اني كانت عايش بعالم ثاني وحياتي بعالم ثاني بعد كل الندم حاولت اصلح ما بقاء دقيت من بكرا وردت وكانت تبكي وتقول طلقني يكفي تعذيب معك خلاص ابرتاح اهلي مره متاثرين علشاني ريحني يا اخي ارسالة له كلام كثير من ضمنه انتي سبب من الاسباب ليه من زمان ما اتخذتي قرار وزعلتي وخليتيني اصحا والله ندمت والله ندمت كانت صدمه بعد ما حسيت بالندم وفكرة ابدا اعوضها عن شقا كل السنين تطلب الطلاق وكانت مصره عليه قالت الي تبين راح يصير بس هدي لاني كانت حس فيها ضاق صدري من تانيب الضمير بديت ارسال لها كلام والله انه حقيقي اني ندمت واني اكتشف اني ما اقدر مستحيل اني اطلاق انتي الغلاء انتي دنياي وهدات الامور حبه حبه والحمد لله رحت محلات الذهب وشريت احلاء طقم وغلاء طقم وكتبت اعتذار للغلاء وارسالت رساله انه ما يسواء شعره من راسك ردت وقالت ما لها داعي التكلف وجرحتني الحقيقة ورديت قالت شكرا اجل ماله داعي التكلف كانت انتظر رد يشجعني ويحسسني اني سويت شي لو بسيط ردت علي برساله قالت انا اعرف من انت يا بو ...... واعرف انك ما تجيب الا الغالي والثمين ولا تلومني انا تعبانه منجرحه اعطيكم موقف (سبق للامانه شريت لها ساعة هدية و كان معه 700 وتبي ساعة رحت لمحل الساعات قالت له وش رايك بهذي قالت حلو بس سعره 14 الف من الالماس وكانت مخليها له مفاجه اني انا الي رايح اشتري له الساعة وكانت تتفرج على الاسعر البسيطه ما دارت الى اني حاسبت له عن الساعة الالماس وقدمته له هديه )كان هذا من زمان هي تقول ما ابغاء الا الموده والتفاهم الان الوضع ارسال كثير من الرسايل وللاسف الرد بخيل او ضئيل منه ادق كثير بالتلفون ما ترد واذا كثرة الاتصال ترد وتقول ما نيب عند الجوال قالت له عند اجازة وابغي اروح انا وانتي سواء بعد العيد قالت اصبر لا تسوي شي ما ادري انا ما ادري وش يبي يصير والان كانه بدت تخف من ناحية السفر راحت السوق قالت تقضي للسفر ودوري لي بدل حلوة وبنبرت حزن حسيته تقول ان شاء الله بالمقابل من ناحيتي بديت احسن اني اهين نفسي بكثرت الاعتذار بديت احس انه خلاص ما فيه رجعه بديت احس انه تحاول تهينني لدرجة ترسال تقول انا ابروح للسوق تعال خذ العيال ومن ضمنهم الصغير طبعا اروح اركض احاول ابين له اني تغيرت لكن ما ادري احسن المره هذي باعتني خلاص ومهما كان انا رجال عندي كبرياء لما تهمشني لا ترد على مكالماتي لا تعطين امل تجرجرني تحاول الان اي شي تشوفه تحطن انا غلطان انا والله بدايت افكر فعلا اني اطلقه للامانه حاولت كثير وهي تقول اصبر ما ادري شكله ما تبين قالت لها من شان العشرة من شان العيال من شان كل شي بيننا اذا كان مالي موده عندكم لا تخليني احطم اهين نفسي على سراب والله اني احترت معه قدمت اعتذارات و قدمت هدياء قدمت كل شي له ولا ادري اطلقه وخليها بسلام وانا بسلام او اصبر لعل الايام تجمع بيننا ما ادري افكر اقول لو طلقته يضيق صدري شهر سنه اسنين بس مصيري انسا واقول ان زدت من تجديع روحي له اخاف ترجع لكن بس تفرظ علي اشياء حتى لو كانت غلط اخاف ترجع للانتقام بس والله اني احترت وش رايكم تعبت وامل مساعدتي رايكم
|
#2
|
||||
|
||||
اخوي اسمح لي انت جاهل وتجهلك كثير من سلبيات الحياه ويجابياتها
اولا ليش تجيب ملابس لبنتك الطفله ملابس من لندن ياخي حتى ال سعود يلبسون من ملابس بلادهم وطقائك هذا هو اللي حطم حياتك ثانيا انت السبب الذي خلا بنتك تتطاول على امها ولاعرفت تربي البنت ثانيا ليش رميت نفسك بسرعه وتنازلت عن كبريائك ونهارت قواك بسرعه لما طلعت زوجتك من البيت وواليت الاعتذار تلوالاخر مع انك مانت غلطان والغلطانه هي كيف تترك طفل رضيع بالبيت وتروح ومن حقك ان تقول خوذي طفلك معك او لاتروحين اخي انت منت غلطان لكنك اسئت التصرف ولاتفكر ان الهدايا الثمينه هي اللي تقيم الزوجه وهاذا جهل منك الزوجه تقيمها العشره الحلوه ولامانع من هديه رمزيه تعبر عن المحبه لكن يبدو لي انت رجل بذاخ تشري ساعه ب14الف والنتيجه كبتك انت وساعتك ام 14الف ولاكنك سويت شي اخوي نصيحتي لك اثقل وعقل شوي وخيرها بين ان ترجع لعيالها اوالطلاق وقل لها الخطى برقبتك ورقبة اهلك معك سبوعين فكري ياترجعين لاعيالك ياتاتيك ورقتك وثمن هديه من هداياي لك تجيب لي زوجه وماني قاعد بالبر اذا مو راجعه الان ابي اتزوج وبعد ماتزوج اطلقك وقطع الاتصال بعد هذا الكلام لاتكثر الاتصالات لكن انت واليت الاتصال وشافتك تبي تبكي وقامت تتثيقل عليك ونت رميت نفسك بشليلها وستخفيت الله يهديك بعدين انصحك عن هذا البذخ تريه مايغليك عند زوجتك بل تراك انسان بذاخ وممكن تحتقرك |
#3
|
|||
|
|||
وجهة نظرك على عيني وراسي بس ما تلاحظ اسلوبك صلف للامانه ريحتني فعلا ثمن هديه ........... رغم التحطيم النصيحة جميلة
|
#4
|
||||
|
||||
آآهـ ياعمرااهـ
يا أخي أنت وش أنت وشذا القلب اللي عليك ياخي شايل قلبك وحاط مكانه صخرهـ ياخي خاف ربك ، قسم بالله أني لا أعرفك ولا أعرف زوجتك وعورت قلبي زوجتك من سردك المختصر لحياتكم ، بعد كل ماسويت فيها وأهانتها وذليتها أكبر ذل وخليت بنتها تتطاول عليها بسبب أسلوبك ، تقول أنا أحس أني أهين نفسي وأذلك ، ياخي أنت ذليتها 10 سنين وهي صابره على غرورك وتعاليك الفلوس والدراهم ماهي كل شيء بالدنيا زوجتك ماتبي فلوس ولا تبي ذهب وإلماس زوجتك تبي منك أحترام وتقدير وموده وحب تبي منك تعاملها مثل ماتعاملك تبي منك تحسسها بقيمتها تخليها هي راعيه البيت وعيالك هم عيالها ورآيها اللي يمشي عليهم ويعلمهم تعرف فيه شيء أنكسر عند زوجتك وصعب الزجاج لا أنكسر يرجع مثل ما كان أنت كسرت خاطر زوجتك وثقتها فيك وتعرف أيش تسوي لك الحين زوجتك تبيك تحس بالمعاناة اللي تواجهها بسببك قالت لك أمسك عيالك ساعتين ماقدرت ياخي فكر بزوجتك اللي حافظه عيالك سنين ماقالت لا ولا قالت اووف طفشانه مثل بعض بنات اليوم تعرف والله العظيم حرام مره سنعه مثل هذه يكون زوجها أنسان مثلك بلا مشاعر وبلا رحمة والله ونعم منها ومن أهلها أنا أشهد أنها أجوديها ومن أصل طيب كفو والله من أبوها ومن أمها وأخوانها العرق دساس وهذا العرق اللي يفتخر من يناسبه ويجعل عياله منه ورغم هذا كله اللي سويته فيها زوجتك ( تحبك ) وبترجع لك لأنها عظيمه تنظر لك زوج وحبيب واب لعيالها اللي تعبت عليهم وربتهم وحفظتهم رغم تمييزك عيالها عليها . أذا منت قادر تتحملها الحين وهي بحالتها النفسية السيئة اللي أنت سببها متى انت بتحس بإنها أنسانه وتقدرها وماتحتقرها والفلوس اللي تفتخر فيه والله انها ماتبيها ولا تراها شيء امام حياتها معك كزوج وحبيب
|
#5
|
||||
|
||||
الله يهدي سركم يااارب ...ويصلح أموركم
شوف يااخوي راح انصحك من وجهة نظري كاامرأة .. كنت بالفعل قاااسي على زوجتك ....والحين تندمت ..والمراة اذا شافت الرجل يعتذر كل شوئ .. تطلع حق السنين اللي فاتت ..وتلقاه فرصة لرد الكرامة المهدرة .. عشان كذا ..خفف اتصالاتك وخفف اعتذراتك ...وعطها فرصة تفكر بهدووووء ... بدون ماتثقل عليها .... وهي راح تحس بكذا وراج ترجع لك ...... انت زوج طيب ..ومعدنك طيب ..لكن العصبية غطت عليك ... الله يؤفقكم .. وبشرنا ..
|
#6
|
||||
|
||||
نصيحيتي لك :
1- عدل من نفسك وراعي ربك في تصرفاتك مع اهلك وولدك . لا ترفع الابناء فوق مقامهم . الام هي الام والبنت هي فرع وليست اساس . لا تخلي البنت ترتفع فوق امها وتشوف امها بمظهر العدو لانها تمنع هدايا ابوها عنها . قبل ان تفعل او تشتري شيئا للابناء استشيرها واذا وافقتم على هالشي اشتريه . لازم تشركها باي امر يخص البيت او الاولاد . 2- بعد ان حدث الي حدث انصحك بأن تجلس معها جلسة مصارحة وتكون جاد في طرحك عزيز في كلامك رجل في مواقفك حنون في ابوتك . يعني صارحها وفهمها ووعيها واشرح لها ان الرجل سيبقى رجلا وان اخطائي السابقة لن تتكر واتمنى منك ان تعودي كما كنتي فانا احببتك كما انتي ولا اريد هذا التغير الذي حصل . 3- حاول ان تكسر القساوة التي بنيتها على قلبها وان تخرج قلبها النابض الذي كان من قبل . ممكن ان تدعي المرض وانك بالمستشفى وانك ربما تجرى لك عمليه وهذا كذب مباح اتوقع ذلك لانه سيعيدها الى امومتها والى حنانها السابق وسترى ردة فعلها ان كان الحب ما زال في قلبها . اذا اصرت على عنادها وتمسكت برايها ادخل اطراف من ذوي العقل والحكمة من اهلها ليفهموها الصح . واذا فشلت كل المحاولات لن اقول لك طلقها وانما حاول ولكن لا تكسر كبريائك ولا تنكسر امامها فالمراة لا تحب الرجل الضعيف ..
|
#7
|
|||||||||||||||||||||||||
|
|||||||||||||||||||||||||
(يا أخي أنت وش أنت وشذا القلب اللي عليك ياخي شايل قلبك وحاط مكانه صخرهـ ياخي خاف ربك) (تعرف والله العظيم حرام مره سنعه مثل هذه يكون زوجها أنسان مثلك بلا مشاعر وبلا رحمة) طلبنا نصيحه اخوي لكن للامانة تحولة الى اذلال اخوي انا ماذكرت سيئتها بالموضوع اخاف احد يجرحه بكلمة غير لائق تري ما هي كاملة يا بعدي ولا استاهل كل الي تقول مع احترامي لك انت تتكلم من باب العاطفة ولو تريث شوي وقراءة الموضوع انا اتحداك تقول الكلام هذي ياخي انا لست فرعون الطاغية وهي اسيا التي تتلطف لفرعون عسى ان نتخذه ولدا
|
#8
|
|||||||||||||||||||||||||
|
|||||||||||||||||||||||||
الله يوسع صدرك اختي اقسم بالله ان ردك يبرد القلب
|
#9
|
|||||||||||||||||||||||||
|
|||||||||||||||||||||||||
جزاك الله خير للامانه اعجبني كلام الحكماء دونت نقاطك اخوي تحياتي اخوي
|
#10
|
||||
|
||||
الله يردكم لبعض ردا جميلا
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |