|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
03-09-07, 01:00 AM
|
||||
|
||||
حيرانه واحس بالقهر
سلام اعضاء المنتدى ......
انا ادخل واقرى المشاكل يمكن القى حل لمشكلتي !!!!!! يمكن تكون سهله لبعضكم بس عندي تهد جبال ... اولا انا كنت مطلقه وتزوجت شخص مثلي له تجربه ولي الحين 7 شهور وانا تايهه تزوجته وكان يقول ان عمره 37 واكتشفت انه يكذب عمره 42 وطنشت لاني قلت مايهم وكنت مستعده للحياة الزوجيه بكل حماس لكن ....بدت مشاكلي النفسيه من 3 يوم للحين مايحصل الجماع الا بالشهر مره وزياده اتعذب من الحاله الصعبه الي يمر فيها وكل ما اقترح عليه يكشف عند دكتور يوعدني ويطنش وللحين مافي نتيجه وانا مااحب ازن عشان مايتأزم نفسيا لكن انعكست علي انا والمشكله الثانيه ...انا شرطت عليه بيت وكان يقول انه بيخلص خلال 4شهور وبعد 2شهرين اكتشفت انه بطل حكاية البيت لين ضغطت عليه انا وامه واهله كلهم واهلي للحين مابعد تدخلو لين ماابغى الموضوع يكبر واليوم المفروض خلاص اسبوع ونسكن ورجع يقول ... ان العمال هجو من اخوه الي ماسك عمار البيوت وانه يبغاله فتره عشان نسكن وانا طول الفتره الي فاتت وانا اوضح له اني ابي الطلاق اذا هالمشاكل مستمره ... لاني انا دايم افكر بالرجعه لاهلي وارتاح واخرها هو قالي اذا بتروحين لاهلك حافظك الله !!! وهذا ناتج من كلامي الي دايم يبين اني ابي الطلاق و زاد مصيبتي انه مهملني عاطفيا وزوجيا وينام يوم كامل ولا يسأل ان عنده زوجه محتاجه لساعه معه !!! والي ادهى وامر الصيف اخذ اجازه 30 يوم قضاها بالنوم ياجماعة الخير تخيلو !!! اترجاه يسفرني مكه او الشرقيه او اي مكان!!! لاني حتىاسبوع عسل ماشفت ... وللمعلوميه ان اهله مره مبسوطين مني وحتى يقولون اني اكبر نعمه له بس للاسف ماصان النعمه انا موظفه وعمري 34 وجميله والحمدلله اخاف الله بنفسي وفيه انا الحين ابي النصيحه واحد يرشدني حتى لو كانت النصيحه قاسيه انا من الناس الي احب اواجه المواقف ولا اخاف منها مهما كانت اتمنى ماتهملون اختكم تراني حايره من جد مثل الاعمى الي يبي لوصوت واحد يدله الطريق
|
|
#2
03-09-07, 02:16 AM
|
||||
|
||||
|
شوفي ياختي مياس انت الحين لساك 7شهور متزوجه انارائي تعطين الرجال فرصه وتصبرين شويه وتقسين امور حياتك ايهم افضل الحياة معه اومع اهللك وتري الطلاق الثاني يحسب علي المراه ومسالة الجماع يجب عليه عرض حالته علي طبيب وفية علاج لحالته ااصبري فوالله لايغلب عسر يسرين وبعدين مين يقولك اناللي يسافرون مبسوطين انااعرف صديقه لي تصدقين سافرت شهر عسل في اوربا وتطلقت هناك فكري مليا وعليك بالاستخاره اختك الم الحرمان ودمتي بسعاده
|
|
#3
03-09-07, 02:46 AM
|
||||
|
||||
|
الله يجزااك الف خير وانشالله ان حياتك ماتاخذ من اسمك نصيب ......وتسلمين لي على ردك
|
|
#4
03-09-07, 04:58 AM
|
||||
|
||||
|
مياس
عفوا شخصية زوجك من البداية كانت شخصية مخادعة وإلى الآن مستسلمة له وبتعطينه فرصة يكفي إنك ماوقفتيه عند حده يوم كذب بعمره لأنه ياطويلة العمر شافك متهاونة من البداية قال هذي كل شي يمشي عليها شخصية زوجك شخصية غير مبالية لمشاعر الآخرين تقولي: (انه مهملني عاطفيا وزوجيا وينام يوم كامل ولا يسأل ان عنده زوجه محتاجه لساعه معه ) أختي نصيحة لوجه الله من قاعدة تنتظرين 7 شهور إذا من البداية كان يكذب ومطنشك أقولك حاجة ولا تزعلين:لأنه لقى زوجة شخصيتها ضعيفة ومستسلمة لأنك من البداية ما حذرتيه من خطاه والآن هو قاعد يتمادى وأنتي بصراحة مو مصبرك عليه إلا أهله الطيبين حبيبتي من وجهة نظري دام ما بينكم أولاد هو بطريق وأنت بطريق قوليها بوجهه :يا كثر من يتمناني أكون من نصيبه وفي حال نفذ شروطك فمعناه إنه لازال طامع فيك وراح يتعدل معاك
|
|
#5
03-09-07, 09:58 AM
|
||||
|
||||
|
هلا اختي
بصراحه انتي اللي معطيته وجه كذا مره يكذب وتسامحينه على ايش لايقدر ولايعطف ولا يعطي من وقته لك بس نوم وبعدين للجماع خليه يأكل حبوب اذا كان ما يبي يروح للدكتور ويقول تبين تروحين لاهلك بالسلامه هذا قلبه نايم الله يعينك انا اقول دخلي اهلك ما قصرتي وانتي تزنيين عليه ولا فيه فائده عسى الله يهديه بالتوفيق
|
|
#7
04-09-07, 10:37 AM
|
||||
|
||||
|
كل الدلع .......وصقر نجد ....... ونص ونص
ماااقصرتو على النصيحه والله يجزاكم الف خير .....
|
|
#8
04-09-07, 12:51 PM
|
||||
|
||||
|
اهلين مياس
ماحبيت امر على مشكلتك بدون ماأرد حبيبتي مافيه زوج كامل واحمدي ربك مشكلة زوجك تهون عند غيره الحل اول شي انتي لك 7 شهور معاه يعني تعرفين اذا هو يحبك او مهمل حتى بحبه لك اجلسي معاه جلسة وقولي كل اللي بقلبك له وذكريه بسالفة كذبه بعمره من البدايه وقولي له انك حابه اهله ومرتاحه لهم وهم مرتاحين لك قولي كل اللي ناقصك ومقصر عليك به اعتبري هذي اخر محاوله لك معاه واصبري اذا شفتيه تغير وتحسن كان بها واذا ماتغير قولي لاهلك انه مايستاهلك وانك ماراح تتحملينه وهو مهمل كذا.. والله يوفقك ويحفظك يالغلا..
|
|
#9
04-09-07, 12:59 PM
|
||||
|
||||
|
اختي بحاول اساعدك 00
هل هو ابن حلال طيوب يقوم بواجبك ولو على الاقل كريم طيب يصلي يخاف ربه ولا اقشر ولا يصلي وبخيل؟؟ لانه اذا كرهتي منه خلق لا تنسين الشي الزين الي فيه وغير كذا لا تنسين انه ثاني تجربة بحياتك! اما بالنسبة للجنس فتوكلي على الله وادعي ربك وحاولي ولا تياسي انه يعالج وياليت تحاولين انتي تخليه يتحمس تدلعي عليه غيري من لبسك طريقتك ريحة البيت000 واما مسالة البيت فيمكن يكون صادق ترى الظروف تتغي رعلى الانسان ولا تتعجلي باي قرار واستخيري قبل كل شي وشوفي ايجابيته قبل سلبياته
|
|
#10
04-09-07, 01:17 PM
|
||||
|
||||
|
ماحبيت ادخل ولا اشارك ولو بالقليل.
كان من المفترض ان الا تقدمي على الزواج الا بعد معرفة وضع الزوج, خاصة وان له تجربه سابقة, وان تسألي ماهي اسباب انفصاله وهالشيئ من حقك. ولكن وش نقول خلاص طاح الفاس بالراس... الحل باعتقادي يقع على عاتقك بالدرجة الاولي ثم على اهله و رجال العائلتين المشهود لهم بالصلاح والاستقامة... ذكريه ان لك حق عليه سواءا بالنفقة وتأمين المسكن المناسب والمعاشرة والعشرة الحسنة... ولك الحق الكامل . اشتري كتاب او كتيبات او اشرطة دينية تتحدث عن الحياة الزوجية... وضعيها بطريقة ملفته للنظر او ضعي الشريط بالسيارة من غير مايحس بك. اعرضي عليه يروح للطبيب لحل مشكله البرود الجنسي الذي لديه. واتوقع انه مريض نفسيا... ذكريه ان الاولاد هم زينه الحياة الدنيا... اذا كان ان شاء الله انه راعي دين خوفيه بالله وانك امانه في عنقه ولكي حق عليه. وما فاد معه... اضغطي على اهله ان يشوفوا حله معه , وان هذي ماهي عيشة اوادم. مافاد معه... ادخلي رجل من العائلة يكون كفؤ دينيا واخلاقيا لحل المشكلة. مافاد معه... عطي رقمه احد المشائخ المصلحين وهم كثر... لكي يدق عليه ويتفاهم معه ويعطيه الحامي لعله يتعدل... والله يفك ازمتك ويحل مشكلتك. اخوك ولد نجد.
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
