العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
وش اسوي
صباحكم/ مساؤكم. *خير يارب
احبابي سبق ونزلت مشكلتي بس هالمره خاطري افضفض ودي ارمي حمل شايلته بقلبي وماني متحملته كل ماقلت فرجت وتعدلت يزداد الوضع سوووء ساعدوني بارائكم نصايحكم بس تكفون لا تقسو علي بكلامكم والله القلب يا الله متحمل جروح تكفيني زوجي متزوج ثانية مدرسة انا عمري27 وهي عمرها 37 اكبر منه بسنتين الان له 6 شهور تقريبا متزوج*بس بيني وبينه عشرة سنين وحب وطفلين واللي رابطني هالاطفال احبه كثير فوق ماتتصورون وهو يحبني يمكن اكثر مني* *المشكلة معاملته لي تغيرت صار فيها نوع من اللامبالاة يحسسني انه انا فريق احتياط بحياته استبنه -في الانتظار ... كاني صرت مهمشه ولا هو عارف انه قد مابعد اذا رجع راح يلقاني رغم انه وعدني قبل زواجه انه ماراح تتغير معاملته لي وهذا اللي صبرني وخلاني اكملةحياتي معه* صار اكثر من موقف ومشاكل كثيره كان يقولي انتي غير وهي غير انا ما اخفيكم اني عفت هالحياة عيشة المعدد صعبه وكذا مره توصل معي اني انفصل مقدر اتحمل هالوضع لكن*والله تعبت صرت عصبيه وما اتحمل شي في مره من المرات اختلفنا وقررت اروح لامي جاني واعتذر قال انا ما استغني عنك ابد قلت له عندك البديل وش محتاجني فيه قال قلبي محتاجك والانسان احيان يكون مجبور على شي مايبيه طيب اذا قلبه محتاجني ليش يتزوج ؟؟ ليش ياخذ وحده بهالعمر فاهمه انه يحبني وانا احبه بس ليش هالمعامله؟؟ هو مثل المثل اللي يقول ( اسمع كلامك يعجبني اشوف افعالك اتعجب ) يقدرها تقدير فظييييع يميل لها بالمعامله كثييير واذا تناقشنا قال انا احبك يعني اوقات لما يكون عندي اشوف مسجات الحب (وتصبحي على حب ياقلبي) طيب وانا ما احس يعني؟؟ما استاهل* صرت ما اثق فيه ابد ولا بكلامه احسه مجامله احس كل كلمه تطلع منه مكرره مرتين غير انه مسميها ( احلام ورديه) يعني اذا هي احلامه انا ماضيه مثلا والله العظيم امر زواجه مو شاغلني ولاهي لاني عرفت طبعها من النوع الغيور وتحب تتملك كل شي بس هو ليش*هالمعامله لي وكاني شي قديم واعتاد عليه حتى لما افكر ارسله مسج ارسل وانا كلي امل وفرح ومن قلبي والله لكن مايفكر انه يعبرني برد الشي اللي يقهرني اوقات اكون بجنبه نبغى ننام ماسك جواله اختلس النظر القاه يرسل لها تصبحين على خير* يعني هي على باله حتى وقت نومه عندي طيب انا مو من حقي اكون على باله مع الكم الهائل من الرسايل اللي بتوصله مني لدرجة انه يسالني من وين تجيبي هالصور وهالكلام الحلو مررره روعه واتفاجا انه يمسح كل شي ارسله له كسر قلبي كثييييير وجرحني انا اعرف ان الانسان نقطة ضعفعه الفلوس وهي مريحته كثيييير من هالجانب لاني اعرف زوجي يمر بازمه ماليه اقساط وديون سافرنا انا وهو اسبوع نتمشى وكان نفسي اغير شوي من اغراض البيت مالقيت الا البوز ضارب والاخلاق شانت عشان طلبنا فلوس قال حاليا مقدر ماعندي فلوس ولو ابغى اشتري بحدوووووود حبه حبتين وبس الاسبوع اللي بعده سافر معها من باب العدل الحين عبى السياره عفش لبيتها الله اعلم هو منها ولا منه طيب انا من حقي بيتي يظهر بمظهر يليق فيني يعني عشان عندك احطك فوق راسي وانتي ماعندك تتحملي اي شي صدقوني قد ما اقدر احاول اني اعدي واطنش واوسع صدري وبالعكس احيان تصرفات منه تزعلني اكتم بنفسي ولو انه يبان علي لكن اكابر ومجرد مايطلع من عندي ابكي بحرقه كنا وين وصرنا وين!!! عقب ماكنت الحب كله الحين حتى النص يادوب الحق ادري بتقولو هالاشياء بسيطه وعاديه انا ماذكرت كل شي بعض من الاشياء اللي اتعبتني مشاعري مهمه عندي لان هو اللي عودني على هالشي من اول ماتزوجنا حبنا كبيييير ما اتوقع فيه انسان يحب مثلي او مثله لكن بدا هالحب يتلاشى ويختفي من حقي اني اتمسك فيه واحاول ارجعه بتقولون انتي مقصره معها؟؟؟ ربي شاهد على كلامي لا بلبس لا ببيتي لا بكلامي لا بمعاملتي ولا باطفالي الحمدلله مؤديه حقوقي على اكمل وجه والحمدلله على قدر كبير من الجمال ادري طولت كثير بس ودي افضفض ودي احد يسمعني يدلني على الصح والله لو ظروفي تسمح ماكان رضيت بهالحال ولا جلست معه دقيقه بس جدا صعبه انا يتيمه وامي متزوجه وخوالي بديره وعمامي بديره مالي الا الله ثم هو من تزوجته وانا صغيره عمري19 سنه وانا اعتبره كل شي بحياتي عوضني عن كل شي بس قدر الله وما شاء فعل اعتبروني اخت لكم طامعه بمساعدتكم شورو علي ابي اتخلص من هالعيشه اللي حرمتني الراحه لو حاسين اني ذكرت اشياء عاديه ماتستحق العناء فاعتبروها سوالف قلب مجروح او حتى فضفضه قلم او خربشات على سطور *... تذكروني بدعوه عسى ربي يتقبلها منكم ويفرجها علي.....
|
#2
|
|||
|
|||
يابعد الدنيا انت حبيبتي ماحبها الاعشانها غطت ديونه هالغبيه وابصم لك ان راتبها ماينزل عن اثنعشر الف اللي بوصيك عليه ياقلبي انك تدعين ربك انه يرده لك رد جميل وتكثرين من الاستغفار وباذن الله ستسير الامور على خير واذا جاء عندك بالبيت لاتعقدين بينك وبينها مقارنة مثل تقولين ودهاوماوداني حاول تنسينها وحطي في خيالك انك الوحيدة بحايته وعيشي هالصورة وباذن الله تستقيم حياتك
|
#3
|
||||
|
||||
الله يعيينك ويصبرك أختي
نصيحه لاتقارني نفسك بها حاولي تتناسين واحسني النيه في كل حق من حقوقه من غير تكليف نفسك فوق طاقتها والله ماراح يضيعك بإذن الله هذا نصيبك ونصيبها وعليك بالدعاء بجوف الليل ..
|
#4
|
||||
|
||||
الله يفرج همك اشغلي نفسك ب الدعاء وقراءة القرآن صدقيني فتره وحتعدي ان شاء الله ع خير الدنيا كذا واكثري من.
حسبنا الله س يؤتينا الله من فضله إنا إلى ربنا راغبون .. ولا حول ولا قوة إلا ب الله العلي العظيم .. اللهم إن أرواحنا مُرهقة مُذنبة آثمة نادمة ف رُدنا إليك يـا الله رداً جميلاً نستغفرك ربي ونتوب إليك ..
|
#5
|
||||
|
||||
الله يفرج عليك ويرجع لك مثل أول وأحسن
وشوفي والله مو إنتي بس إللي تزوج عليهآ زوجهآ معلمه الرجآل كثير يفكرون بآلفلوووس ودآخلين ع طمع قريبتي صغيره بسنهآ وحلوه وزوجهآ عليه ديون تزوج عليهآ معلمه عشآن تسدد مآعليه .. وزوجك مو خآيف منك لإنك تحبينه وهو بعد يحبك هو يحآول يكون حلو مع الثآنيه عشآن فلوسهآ وبس وإلآ وش حده يآخذ عجوز ..!!!! إنتي لآتشغلين نفسك فيه كثير ..هذآك يتيمه وأمك متزوجه يعني وين بتروحين . إنتي عآيشه في بيتك ومآكله وشآربه وعيآلك معك كلهآ ذي نعمه غيرك الكثير محرومآت منهآ .. وتأكدي الحيآه والسعآده مآكملت لأحد ولو الحيآه كآمله ومآفيهآ منغصآت..مآتمنينآ الجنه ..
|
#6
|
||||
|
||||
غيريي من نفسك
حاولي تمسكبن ورقه وقلم وتكتبين فيها خطتك اليوميه من كلام ومعامله وبيت ووغرفة نوم هو جدد بالحرمه الثانيه وانتي جددي في وضعك في البيت أختاري أجمل الكلام وأرقه واحسن اسلوب وريه انك تتعبين علشانه وفي التفكير برضاه انسي الزوجه الثانيه لا تتركينها تدمر حياتك لا تدققين في طريقة معاملته معها اذا شفتي شي حلو منه يسويه لها لا تزعلين طالبي فيه بادلع مثل حكاية الرسايل خليه يرسلك قبل ماينام عندها واذا مارسل انتي ارسلي اجمل الكلمات حاولي تختلطين بالناس خففي من الضغط النفسي الي انتي حاسه فيه كملي دراستك أو اشتغلي اعطيه 50 بالميه من حياتك وأتركي الباقي لك والله مافيه زوج يستاهل ياخذ كل وقتك وحياتك وهو متزوج عليك ماعليش طولت لأني حاسه فيك يارب يطمن بالك ويصبرك ويرجعه لك وتكونين الأولى والأخيره في حياته
|
#7
|
||||
|
||||
ومسائك خير ورضى من رب العباد ... ربي يسهل عليك ويريحك من كل هم ... ما عليك الا بالصبر والاستغفار وعسى ربي يفرجها عليك ماكو بنت تحب زوجها يتزوج عليها بس هذا حكمه ربنا حلل الزواج بـ4 وهذا التحليل ما جاء بشرط اذا كانت الزوجه مقصره أو فيها شئ ناقص !!! أكيد انك بتتضايقي لان في وحده ثانيه تشارك زوجك مو مثل اول كنتي وحدك ... وما تدري شو السبب اللي دفعه الى الزواج يمكن انه يحبك وما يقدر يستغنى عنك بس تزوجها لمصلحه !!! أو رغبه !!! أصبري وحاولي انك تتجاهلي ولا تنقصي من حبك له لانه تزوج عليك بالعكس بيني له أنك تحبيه أكثر ولو تزوج .... ولا تدققي في معاملته مع زوجته الثانيه أو تبيني له غيرتك ... اصبري وصدقيني ان الصبر بيجيب لك احلى النتائج ان شاء الله ... ناس كثير صار لهم مثلك وتزوجوا عليهم ومعاملتهم لزوجه الثانيه أفضل من الاولى وصبروا كثير ولا زالوا يصبروا .. وما يهتموا ولا يشكوا لاحد والكل لاحظ بصبرهم خليها على ربك وربك كريم ... ربي يسعدك ويوفقك ... أختكـ : نبض
|
#8
|
||||
|
||||
والله مدري شقولج حبيبتي **
بس كل ماحسيتي بضيجه *كثري من قراءة القراءن مافي احسن منه دواء الى الروح العليله* اكثري من الاستغفار وقول لاحول ولاقوة االابالله الله يفرج همج
|
#9
|
||||
|
||||
اختي فوضي امرك للخالق وعليك بالأستغفار عسى ربي يرزقك براحة البال عاجل للاسف هومأخذهاعلى طمع ولابدمن المنه على وسخ ذالدنياءالله لايردالفلوس الي تغيرالنفوس وصدقيني حبك انتي غيروالله ام هذيك الله رقيبهاان مانصحته على العدل والله يهديه وابشري بأخت مواخت اخوات يشملونك بدعواتهم
اسأل الحي القيوم ان يرده لكي رداجميل عاجل غيراجل وان يرزقكي السعاده وراحة البال
|
#10
|
|||
|
|||
شلون الوحده تقعد مع زوجها وهو متزوج عليها
احس لو اسوي كذا ماعندي كرامه لا وتقولين بعد يحبك هذا خسيس خاين
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
راديو قصيمي نت | مطبخ قصيمي نت | قصص قصيمي نت | العاب قصيمي نت |