|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
05-04-07, 05:10 AM
|
||||
|
||||
قصة غيرتني
هذه قصة روتها لي امي حفظها الله لن انساها ما حييت قصة غيرت مجرى تفكيري في الحياة علمتني كيف الوحدة تكون وفية تكون مخلصة بحياتها تحل مشاكلها بذكاء كنت جاية لأهلي وأنا مكبوتة ما بغيت امي تدري وش الي مضايقني وانا من داخلي اغلي نار (ماعلي ابي الطلاق اتكلم ولا يعبرني,مايفهم وجهة نظري في الحياة وش على باله غبيه قدامه مالي اشهر متزوجته وماقدرنا نتفاهم شي يقهر>>>>>على بالي بمسلسل خليه يدق بس ابقولها بوجهه مش عاوزاك طلأني جلست اتقهوى مع امي وأنا اناظر الجوال متى يدق بس والله لا أوريه!!!!!!!! قالت لي امي هالقصة بدون ماتسألني عن الي مضايقني قصة قدييمة عن واحد من اقاربها قال قصته لأمي أجبره ابوه يتزوج بنت عمه هو ماكان يحبها لكن تنفيذا لامر ابوه الي مايقدر يعصيه تزوجها ومن اول ليلة ابو الشباب بيحسسها انه مايبغاها راح على طول لغرفة ثانية ينام فيها كل هذا بيثبت لابوه ان بنت عمه ماتناسبه هي الي طلبت الطلاق مهب هو الي طلقها لكنها ماطلبت الطلاق ولافكرت تطلبه اصلا مرّ اسبوع اسبوعين شهر شهرين وهو على هالحال ان كلمها قال اطبخي نظفي غسلي ....أوامر×أوامر ماأخلي طلب ما طلبته منها يقول ومع ذلك تعبت منها تلبي أوامري على أول بأول وساعات ألقاها كل شي مسويته قبل ماقولها مرّت سنة وأنا وياها على هالحال كرهتها وكرهت عيشتها إن طلقتها زعل أبوي وهذاني انفرها !!!!يبين عليها انها مقهورة لكنها تسكت لدرجة اني صرت حاتم الطائي كل يوم عزايم حتى صرت اطلب منها تطبخ لي وبالأخير ارمي الاكل قدامها وكم ابريق شاهي رميته قدامها كان يضيييييييييق خلقها ويبين عليها لكنها تسكت وقلبي يتقطع مع سكوتها وصبرها انتظرت اليوم الي تطلب مني الطلاق لكنها ما بينت لي أبدا انها ماتبغاني كل همها رضاي وبس الى يوم جاء ابوها(عمي) كنت بطريقي للبيت واشوفه يوقف سيارته ويدخل بيتي ,,ماأنتبه لي قلت بس !!!واخيرا ارسلت أحد يخبر أهلها اني شديد ولا هي قادرة تعيش معي دخلت بخفيه والله ثم والله اني كنت خاااااايف من أبوها وش بيسوي بي لو بيدري عن حياة بنته أغلى ماعنده واسمعها تستقبل و تهلّي بأبوها وأبوها معصّب عليها يقول حرام عليك سنه ماندري عن أخبارك انتي مبسوطة والا لا ولا رسالة جتنا منك قالت والله يابوي اسمحلي غصب علي فلان(الي هو زوجها)مسعدني مهب مخلي علي قاصر ملبي كل طلباتي لدرجة أني استحي أقوله يكتب لكم قال أبوها بفرحة زييييييين الله يبشرك بالخير يابنيتي يقول زوجها طلعت على طول من البيت وأنا ألوم نفسي طلعت ولاشي قدامها عرفت أني حقييييييييير لأبعد حد والله ما أدري وين أودي وجهي قدامها كل هذا ولا قالت لأبوها شي سبحان من قلب كرهها بقلبي لحب والله حبيتها من قلبي وعرفت أني ماراح ألقى زيها أبد زوجة تحفظ سر زوجها مع ان كلمة منها تقدر توديني لألف مصيبة ومن بكرى لزّمت على أبوها يقعد عندنا عشانها لأنه من تطمن على بنته يبي يرجع وأنا كل شوي أقوله تكفى علشان فلانة اجلس (اببين لها غلاها بقلبي) والله مع مرور الأيام والسنين ماصارحتني بشي كنت انتظرها تقول ليش سويت كذا او ليش كنت شديد معي لكنها ولا مسوي لها شي حينها حينها أعزائي القراء ........ ............ أكلت تبن عرفت كيف الوحدة ينقال عنها وفية ومخلصة بحياتها وأنا عند أول مشكلة ضعفت تقول أمي والحين هي عنده أغلى ما يملك هي ام عياله والشور شورها والأمر أمرها وكلمتها هي الي تمشي ماشالله عليهم الله يهنيهم
|
|
#2
05-04-07, 05:41 AM
|
||||
|
||||
ايييييه نسيت
كتبت هذه القصة على طريقة لا يفهمها الا القصمان ترجموا لي (ماخلى علي قاصر)أخذتها من أمي وأنا ماأدري وشي حقوق الطبع محفوظة<<<<<ماأسامح أحد ينقلها خارج قصيمي نت والا أبعلم أمي
|
|
#3
05-04-07, 06:04 AM
|
||||
|
||||
|
من جد هذي المرة السنع... التضحيه مطلوبه وواجبه في الزواج .....وهي ماشاء الله عليها لعبتها صح ...الله يهنيهم ويسعدهم ....ويكثر من اشكالها يارب ... وتسلمين اختي على الطرح وجزاك اللله الف خير
|
|
#4
05-04-07, 11:07 AM
|
||||
|
||||
|
يعطيك العافيه على هذا الموضوع
التفاهم .. التفاهم .. هو طريق الحياة الزوجية الامثل
|
|
#5
05-04-07, 06:23 PM
|
||||
|
||||
|
يزين ذا الزوجه والله يكثر من امثالها مو بعض الحريم اي كلمه بينها وبين زوجها على طول لبيت اهلها
|
|
#7
06-04-07, 03:27 AM
|
||||
|
||||
|
حريم منول مهوب هالحين
تبون تقولون ورجال اول اقول صح بس التغييير بالحريم اكثر من الرجال الله يعافيك اختي كلـ الدلع
|
|
#8
06-04-07, 05:02 AM
|
||||
|
||||
|
حياكم الله جميعا
شكلي فتحت علينا ياالحريم باب مسكر!!!!!!!!!!!
|
|
#9
06-04-07, 01:19 PM
|
||||
|
||||
|
الله يعطيك ألف عافيه إختي كل الدلع موضوع أكثر من روووووووووعه أثر فيني بصراحه وماأقول إلا الله يخليلك أميمتك يارب ويحفظها..
|
|
#10
06-04-07, 05:55 PM
|
|||||||||||||||||||||||||||
|
|||||||||||||||||||||||||||
آاااااااااااااااااامين يارب
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
