|
|
| العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
|
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
|||||||
 |
|
|
أدوات الموضوع | تقييم الموضوع | انواع عرض الموضوع |
|
#1
14-07-10, 08:32 PM
|
||||
|
||||
بدون عنوان .. مو حكيم المنتدى خخخخخـ
طنانونو .. طنانونو .. طنانونو .. نونو ..
هذي نغمة النوكيا .. يوم تلقيت اتصال من صباح الله خير .. مكتوب على الشاشه : ( ...... ) يتصل بك <<< اسمها الحقيقي .. اما الاسم المستعار .. ( منيفه ) يتصل بك .. على طول رديت وأنا يدي على تسبدي .. من جد متهول .. وش تبي منيفه ع الصبح .. قبل ما ندخل في سالفتي مع منيفه .. ابي اسولف شوي عن عنوان الموضوع ( بدون عنوان ) يوم افكر اكتب الموضوع .. والشغلات اللي بتكلم عنها فكرت اختار له عنوان بس بلشت .. واحترت كثير هل احط العنوان ( التفاحه والسكين ) او المشعوذه منيفه خخخخخخخخخخـ عاد خفت احط اسمها بالعنوان .. ترفع علي قضيه عند حقين حقوق الانسان .. المهم : اني احترت في عنوان الموضوع .. لأن الشغلات اللي بسولف عنها اكثر من شغله .. وفيه بعد ابيات اعتذار .. وهيك شي .. عاد شفت ان الموضوع لايمكن يصير له عنوان محدد قمت حطيت العنوان ( بدون عنوان ) وطرا علي خوينا العسلي ( بدون عنوان ) عشان كذا حطيت ( بدون عنوان .. مو حكيم المنتدى ) يعني ان عنواني مو المقصود به العضو بدون عنوان .. مع ان هالاسم أكيد له تأثير جميل على موضوعي .. فعلا انا اتبارك بأبو فيصل وطاريه .. نرجع لسالفة الاتصال : رديت على منيفه .. صوتها مو قد كذا .. قلت لها : الو .. قالت عبدالله ابيك تمر علي بعد شوي قلت لها : وعليكم السلام ورحمة الله وبركاته .. تصدقون ما قالت السلام عليكم خخخخخخخخـ المهم دارت بيننا بعض الاحاديث ذات الإهتمام المشترك وقلت لها بالاخير : اني ما اقدر اجي عندكم .. لأني بس اطلع من الدوام .. ابي اجهز غرضاني عشان عندي مهمة عمل يم ( منطقة عسير ) فيه محل في ابها .. اسمه ( كنوز ابها ) خويانا بالدوام : قالوا لي بنعطيك قروش منها تجيب الغرضان المطلوبه .. ومنها تصرف تذاكر واقامه خخخخخخخـ يعملون لي اغراء لأن المهمه مو رسميه حيل يقولون على ما نرفع لك طلب انتداب .. يكون الوقت تأخر والشغله مستعجله .. المهم : قالت لي منيفه .. ابي اروح معك خخخخخخخخـ من جد تهاويل هالمنيفه .. عليها طلعات غير شكل كيف تروحين معي وانا رايح بشغل .. قالت : عشان اسولف عليك مع الطريق واعلمك بالمشكله .. وأنا كذا كذا احتمال اطمح عند اهلي لين هويمل يعرف ان الله حق ولا عاد يهاوشني عاد انا ما تفرق معي كثير .. واحب المغامرات خخخخخخخـ اقصد احب الشغلات اللي بدون ترتيب .. قلت لها .. خليني اشاور بنتاخيتس .. اذا طاعت تروح معي .. وكمان اقولها انك تروحين معنا .. ابرجع اعطيتس خبر .. بس .. بشرط قالت موافقه من الحين .. قلت لها .. ابي اشاور بنتاخيتس .. على اساس انكم بتروحون معنا انتي وهويمل خخخخخخخـ قالت : الحين انا ابي اخاويك عشان اسولف معك بشغله تخص هويمل .. وانت تبغاه يروح معنا .. انا ابي اطمح عن هويمل وانت تبي تحطه بحلقي .. قلت لها : عادي .. انا بتفاهم معه انك بتركبين معنا واقنعه يروح بسيارته لحاله خخخخخخخـ عشان ما تطول السالفه : ما كان فيه مانع لدى حرمنا المصون .. وتمت الموافقه ع الرحله .. وهويمل تم اقناعه بطريقه تفاهميه .. قلت له : ترا المسعله بها خخخخخخخخخخـ فهمته ان منيفه عندها مشكله .. وانا ابي اضبطها لك .. على طول فهم السالفه .. لأنه خابر الليله اللي سبقت الفكره .. خابر وش اللي جاري بينهم .. وعلمني وش هو قايل ومنيفه وشهي قايله .. تحركنا ثاني يوم : بعد تجهيز الدنيا خخخخخخخـ اقصد تجهيز كلش كلش يخص الرحله .. منيفه معي انا والمصون .. وعيالي اثنين اللي احتمال يفهمون النقاش .. ركبوا مع هويمل بسيارته .. والتواصل مو بالجوال هع هع هع عندي جهاز سياره ( حق الكشتات .. لاسلكي ) وجهاز ثاني نفس الفكره بس انه يدوي .. عطيت اليدوي لهويمل .. والثابت ركبته بسيارتي والمسافه المسموح بها حوالي عشره كيلو يعني نقدر نسولف مع هويمل والوغدان بدون اتصال جوال .. ركبنا السياره .. ولا تعدينا حوطة بني تميم .. إلا ومنيفه على وشك الاقتناع ان المسأله بسيطه .. المصون الله يحفظها كانت حيل متعاونه معي يوم اشرح وجهات نظري في قضية منيفه وهويمل وكانت خير عون على تضبيط الوضع .. سالفتهم بسيطه : كانوا بالليل يتناقشون في موضوع يخصهم .. ومع طول النقاش تم استفزاز هويمل وتعصيبه خخخخخخخخخـ بعدها فقد اعصابه وهاوش منيفه .. من خلال ما سمعته من هويمل ومنيفه .. لأني سمعت للطرفين .. اكتشفت ان هويمل كان فعلا قاسي على منيفه .. لكني التمست له العذر لأن منيفه هي سبب غلط هويمل عليها .. خلت الرجال لين عصب كثير كثير .. وفقد اعصابه وسمعها الكلام اللي خلاها زعلانه .. زبدة القصة : ان منيفه خلاص صارت راضيه وتبي تعتذر من هويمل خخخخخخخخـ وقالت وقف ع الخط عشان اركب معه واعتذر منه ياسبحان الله : كانت تقول انه غلطان عليها .. والحين تقول تبي تعتذر منه .. يمكن مسكة الخط والسفر لها دور من ضمن الكلام اللي قلته لمنيفه .. عشان اقنعها ان الشخص اللي معصب معذور .. وخصوصا اذا كنت انت يالزعلان سبب تعصيبة خويك خخخخخخخخـ قلت لها : الحين لو معك تفاحه وسكينه وتبين تقطعين التفاحه بالسكينه .. وتقومين بالغلط تجرحين اصبعك بالسكين هل تكرهين التفاحه او السكينه خخخخخخخخخـ <<< حيل غريب هالمثل خخخخخخخـ بس منيفه اقتنعت به والله هو القادر على كل شيء قلت لها : السكينه مالها ذنب والتفاحه كمان .. انتي بعدم سيطرتك على التفاحه والسكينه اخرجتيهم عن شغلهم الصحيح وتسببوا لك بجرح خخخخـ قلت لها : أن هويمل مثل السكينه .. نرفزتيه وقالك كلام جارح هع هع هع قالت طيب منو التفاحه : قلت لها .. انتي التفاحه خخخخخخـ قالت عبدالله بلا استهبال كيف انا المجروحه وانا التفاحه قلت لها : انتي مجروحه بس انتي كنتس تفاحه بعيون هويمل استحت وصارت ناسيه اني قاعد احوس السالفه خخخخخخـ وقالت : وانتم طيبين .. قلنا حنا بخير .. عاد : قمت اكلم هويمل بالجهاز .. قلت له اقرب محطه نبي نوقف عشان نعبي بنزين .. وعندي لك مفاجأة .. قبل ما تصير مفاجأة : منيفه اخذت ريشة الجهاز وقالت .. يا عمليات خخخخخخخخـ تراني ابي اركب معكم بس نوصل للمحطه قال هويمل : استلمت الاشاره يا عمليات .. الخبول قاعدين يتخيلون انهم رجال امن هههههههههـ اقرب محطه كانت بعيده شوي .. في هالفتره : منيفه حست بشي .. الظاهر انه ( الحب ) قالت لي : تذكر مشكلة العجوز السحاره .. قلت لها .. اذكرها زين .. قالت تكفى ابي ابيات اعتذار على لساني .. ابيك مع الطريق تكتبها وتقولها لهويمل .. عشان اذا سمعها اقوم انا اصارحه بالسالفه .. قلت لها يامهبوله : لا تصارحينه يمكن تتهاوشون وترجعين تركبين معنا .. قالت مالك شغل : احس انه من ضمن خطوات تكفير الذنب .. ان هويمل يدري بالسالفه ويرضى علي .. طبعاً انتم يا اعضاء يا حلوين والمصون : للحين مو عارفين وش السالفه .. من جد زوجتي : قالت وش السالفه يامصقوعة القصه .. وش قصة العجوز السحاره .. قلت للمدام : أنا اقولتس القصه على ما نوصل المحطه .. القصة : يوم كنا كاشتين يم منتزه البعيجان اللي على طريق الرياض .. قالت ام علي : ايه .. اذكر ذيك الليله .. يوم كنت انت مشغول وجايب معك اوراق للدوام تعبيهم .. قلت لها بالضبط .. ذاك اليوم : مو قالت لي منيفه ابيك تطلع معي برا المنتزه عشان توصلني لمستوصف التعاون .. قالت : ان عندها موعد .. قالت المدام : ايه خابره ذاك الشيء زين .. حتى منيفه رجعت مو على بعضها .. وكانت تقول لنا هذا من الإبره اللي عطوها المستوصف .. قلت للمصون : ارجوا الصمت عشان اسولف عليتس السالفه .. منيفه ذاك اليوم ما راحت للطبيب .. وكانت تبغاني واصلها لمشوار مشبوه خخخخخخخخـ يوم طلعنا للسياره .. لاحظت ان الادميه مو على بعضها .. وتتراعد شوي قلت لها : سلامتك .. الحين بس نوصل الطبيب ويكشفون عليتس ويعطونتس علاج تصيرين احسن بإذن الله .. مع اول عشره امتار من الطريق : قالت لي .. ابي استشيرك بشغله .. قلت لها : هاتي اشوف .. قالت لي : قبل كم يوم .. وانا نايمه ولا عندي من الشيطان طاري .. وعيت على صوت هويمل .. يسولف وهو نايم .. قلت لها : وش المشكله .. اكيد حلمان .. قالت : كان يهذري بإسم حرمه قلت لها : مين .. وش اسمها .. قالت لي : كان يقول ( بثينه ) وكلام ثاني غير مفهوم .. قلت يا منيفه : عطيني الزبده .. وبعدين وش صار اكيد صحيتيه وتهاوشتوا .. قالت لا : انا اذكى من كذا .. لو صارحته بسالفة بثينه .. اكيد بيضبط وضعه ولا اقدر اكفشه .. تقول منيفه : استشارت وحده من خوياتها .. وشارت عليها تروح للعجوز اللي بطرف الخرج من شمال .. عجوز حبوبه : وتعرف تجيب اخبار الرجال اللي عليهم ملاحظات .. تقول منيفه نقلاً عن خويتها .. ان خويتها سبق وراحت عند هالعجوز واكتشفت ان زوجها ناوي يعرس .. وان خويتها .. قدرت تسيطر ع الوضع قبل ما تطيح الفاس بالراس وقتها : انا قمت اضحك زي كذا خخخخخخخخخخخخـ قلت يا منيفه : يعني عجوز سحاره خخخخخخخخخخخخـ قالت لي .. لا تظلم حظك .. هذي انسانه تحل مشاكل الناس .. قلت لها .. وانتي وش رايك .. لا يكون وصيتي خويتك تكشف لك عندها خخخخخخخخخخخخـ قالت : انا الحين على موعد معها .. وابيك توصلني بدون ماحد يدري .. انت بالنسبة لي ثقه .. بس نبي نعرف ( بثينه ) هي زوجة هويمل وإلا وش قصتها .. اللي يهذري بها وهو نايم .. على طول وبدون ما افكر كثير لأني خابر موقف صار مع هويمل قبل كم يوم .. كنت انا وهويمل : راجعين من مشوار وحاطين على اذاعة السعوديه بالصدفه كان فيه واحد يغني بدون موسيقى .. يغني كلمات باللغه العربيه الفصحى .. الظاهر اسمه سالم .. كان ماني واهم المهم : ان البرنامج كان يدور حول ابيات لجميل بثينه خخخخخخخخخـ وهذا اللي اسمه سالم قاعد ينشد الابيات بصوت حلو .. اعجبني معنى احد الابيات .. وقعدت اشرحه لهويمل .. وابطينا نسولف بجميل بثينه .. وسألت منيفه في أي ليلة كان حلم هويمل .. قالت لي باليوم الفلاني .. علمتها القصة اللي صارت لي مع هويمل بالسياره .. وقلت لها : انها بنفس يوم اذاعة البرنامج .. عشان كذا هويمل جاب طاري ( بثينه ) وهو نايم خخخخخخخخخخـ أي واحد تمر عليه شغلات خلال اليوم .. احتمال كبير يشوفها بالمنام او يهذري بها خخخخخخـ حتى ما تعتبر من الرؤى .. والمفسرين يعتبرونها من سواليف العقل الباطن .. احداث اليوم لما تمر بالحلم .. ما تعتبر رؤى تحتاج إلى تفسير او حرص بالبحث عن اسبابها .. رجعت اتهول من سواتها : قلت لها وانتي الحين متواعده مع السحاره عشان تكشفين عندها منهي ( بثينه ) يعني من زين اسم زوجك خخخخخخخخـ عشان تقبل به وحده اسمها ( بثينه ) تعوذي من الشيطان .. واطلبي الله يغفر لي ولك تراك خرجتي عن المله خخخخخخخخخـ قلت لها انتي الحين خارجه عن الشرع .. وتراتس وقعتي بالشرك خخخخخخخخخـ قامت تراعد ازود من اول .. وقالت : انت وش قاعد تقول .. هذي عجوز : عندها حاسه سادسه وتفهم نفسيات الازواج قلت لها : يامنيفه بلا هبال .. انتي انسانه متعلمه وفاهم كلش .. كيف حاسه سادسه : هذي ساحره كم طلبت منتس فلوس قالت : قروشي بالشنطه .. اخذت الشنطه منها وفكيتها .. على طول فاحت لي ريحة القروش خخخخخخخخخـ سبحان الله ( القروش لهم ريحة ثابته تميزهم .. سواء قروش منيفه او أي قروش بالمملكه خخخخخخخخخـ ) ياكثر الشغلات اللي لها ريحه ثابته تميزها ولا تتأثر حتى بالعطر .. مديت يدي بالشنطه حقت منيفه .. وطلعت الفلوس .. كانوا مو مربوطين بمغاطي .. قعدت اجمعهم .. حوالي 5000 ريال .. وفيه كمان كيسه بها قطعة قماش قلت لمنيفه : وش هذي بعد قالت : هذي فانيلة هويمل .. العجوز قالت تبيها عشان تعرف تكشف .. من جد بغيت افطس من الضحك قلت لها الحاسه السادسه تحتاج لفنايل !!!! هذا هو السحر والكهانه بعينه وعلمه .. اكيد لو رحتي لها بتقول وش اسم ام هويمل منيفه : انتي قاعده تضرين هويمل مو انتي رايحه تكشفين عشانك تحبين هويمل .. ولا تبغينه يعرس على ( بثينه ) او غيرها .. قالت : إلا هذا قصدي قلت لها : هالساحرات والكاهنات .. يتعاملون مع الجن اكيد تبي ترسل جني لهويمل عشان يجيب علومه .. اكيد هالجني رايح يدخل بهويمل .. واحتمال يضره .. اصلا هالعجوز رايح تعرض عليك شغلات تعطينها لهويمل عشان يصير يحبك زود بزعمها .. وتاخذ منتس فلوس كمان .. واحتمال تسحرتس وتصيرين مدمنه عليها .. تدرين يا منيفه : ان اللي يروح لأهل السحر والكهانه يخرج من المله ويقع بالشرك .. قامت تبكي : وتقول : اقسم بالله اني عارفه هالكلام بس كأنه اول مره يمر علي .. كنت حيل متساهله بالوضع صح اللي قاعد يصير عباره عن شعوذه وسحر وكهانه .. بس مدري وشلون كنت افكر قلت لها : الحمد لله ان السالفه جت على كذا وإلا كان الحين هويمل مسكون .. وصاير اهبل من عمايلك .. وبدال ما تحافظين عليه لأنك تحبينه .. تخلينه شخص مسحور .. وانتي مدمنه كواهن ولا لك صلاة وتدخلين النار خخخخخخخخخـ عاد انا حيل فضخت قلبها .. تستاهل !!! قلت لها : توبي توبه نصوح .. واندمي على هالفكره الغبيه .. وانا ابي ادعي لك بصلاتي ربي يتوب عليك .. المهم : هذا الحكي اللي دار بيني وبين منيفه ايام فكرة انها بتسحر هويمل .. او بتكشف عند عجوز سحاره قلته كذا .. لزوجتي وحنا بالسياره .. ومنيفه تسمع وتتراعد خخخخخخخخـ كل ما جاء طاري هالسالفه تتراعد .. سألت المصون : قلت لها وش رايك .. هل تؤيدين ان منيفه تصارح هويمل بالسالفه .. ترا السالفه من مبطي .. .. انا اشوف ماله داعي قالت : يارجال : أنت حاول تكتب لها ابيات على لسانها وعلى اساس الابيات نشوف .. هل تصارح هويمل او ما تصارحه .. فعلا : وصلنا المحطه .. ونزلت منيفه ركبت مع هويمل .. وعيالي رجعوا لسيارتي .. ومع الطريق قدرني ربي وكتبت لمنيفه هالأبيات .. الود ودي اسوي لك سحر موووسى = عصاي تلقف حريم الكون من حووولك يرتاح بالي وأبطل شغلي الحوووسا = تصير حقي لحالي ماحد يطووولك ياعل من تقربك تنصاب بالسوووسا= تنخر عضيماتها ولا تجي زووولك لو كان ما اخشى العمل يصير معكوووسا= سحرتك وصرت لي وابطلت مفعووولك خشيت ربي وأخذت علوم ودروووسا = توبه ياربي رجيت رضاك وإقبووولك ترايستاآآر فتحت الجهاز اللاسلكي .. وقلتها لهم على الهواء مباشره طبعا : قلت يا هويمل خلك مركز .. ترا الابيات اهداء لك من منيفه خخخخخخخ : بعدها قالت لي ام علي .. قلها الحين براحتها .. اذا تبي تصارح زوجها بخبالها .. بكيفهم بعد حوالي ساعه .. سمعت هويمل ع الجهاز يصايح يقول هالخبله كانت ناويه تسحرني بسبب ( جميل بثينه ) خخخخخخخخخخخـ انواع الضحك والتعليق على الجهاز لين وصلنا بعد وادي الدواسر بحوالي 100 كيلو .. نزلنا نصلي الظهر والعصر .. وقعدنا ع الطريق شوي .. تقهوينا .. وكملنا الطريق وصلنا ابها مع المغرب .. كثير شغلات صارت هناك .. يوم اروح للمحل عشان التصاميم المطلوبه مني .. كانت للحريم صولات وجولات .. على بالهم بيشاركون بالافكار حق الشغل خخخخخخخخخـ كرشتهم ونفذت اللي براسي .. ما ابي اسولف عليكم عن تفاصيل كثيره صارت في أبها يمكن اذا سنحت الفرصه اجيبها .. مع اني ضد مثل هالكلام .. المفروض الواحد ما يقول ابي اكتب .. وهو مو قدها خخخخخخخخخخـ لأني من زمان ابي اكتب سالفة الكاهنه ومنيفه .. بس ما صارت فرصه .. سبحان الله تأخرت كثير لين تمت المصارحه .. عشان تصير السالفه مدبوله خخخخخخخخخـ وبدون تخطيط كنت قايل بأكثر من مشاركه أني ابكتب قصة منيفه مع السحر .. .. وهذا من اسباب حرصي على كتابة الموضوع لأني واعدت اكثر من شخص .. .. .. خلصت الشغله بيومين وحنا قعدنا خمسة ايام .. رجعنا عن طريق الباحه بعدين الطايف بعدين اخذنا عمره .. وكلنا دعينا لمنيفه .. ان ربي يتوب عليها من الشرك خخخخخخخخخخـ شباب : تدرون اني متردد اكتب هالموضوع .. لعدة اسباب .. منها اني متوقع انفلت بالحكي واصدع روسكم معي بس ابشركم اختصرت كثير شغلات صارت بعدما وصلنا ابها .. وسالفة الشقتين المتقابله وقربعة الصحون عند باب شقتنا خخخخخخخخخـ يوم منيفه تبي تجيب لنا اكل .. وراعي العماره بغى يطردنا هههههههههههـ السبب الثاني لترددي في كتابة الموضوع .. مدري وشهو .. شيء كذا يروح ويجي .. الظاهر هالحاله يسمونها حالة الـ ( مالي نفس ) الزبده : ما ابي اركز ع الفوائد .. لأنكم اكبر من كذا انتم عارفين وش الفوائد اللي ممكن تستفيدونها من الحكاية .. سواء السفر وفوائده او المثل الغبي حقي خخخخخخخخـ يوم اقول لمنيفه سالفة التفاحه والسكين والتعصيب او سالفة هل الحب ممكن يخليك تضر حبيبك وتسحره تحياتي للجميع .. وشكرا لأخي بدون عنوان : لأني استخدمت اسمه اتوقع اسمه لما يجي بالعنوان .. بيعمل له دعايه حيل قويه خخخخخـ مع اني ما اقصد الاخ بدون عنوان .. الاخ : بدون عنوان حقه علي اكبر من كذا هذا موضوع به الكثير من الخبال خخخخخخخخخـ وبدون عنوان حقه علي اكبر .. اخ وعزيز وحكيم و عسل .. "/÷ـ‘أ×:*أ؛)*ألأ؛)*لأ؛)‘لآإ
|
|
#2
14-07-10, 08:44 PM
|
||||
|
||||
|
نسيت اقول : للإعضاء الجدد ..
منيفه وهويمل .. ذولي ناس يقربون لي بطريقه حلوه خخخخخخخخـ سبق وعملت تعريف لهم في موضوع ابو خيط بصوت عالي http://www.qassimy.com/vb/showthread.php?t=293376 و الشهوه تحت الضرس .. http://www.qassimy.com/vb/showthread.php?t=330211 عاد ياشباب ويا شبابات .. الحين ابي اطلع لأني دخت من الكتابه الله الله بالردود والتفاعل اللي يرفع المعنويات .. بس ارجع ارد على المشاركات احسن رد له جايزه خخخخخخخخخـ ":/÷أ؛×:*ألأ؛)‘&{؛×÷‘ـلأ
|
|
#3
14-07-10, 08:54 PM
|
||||
|
||||
قريت العنوااااااااااااان
قلت سواها الترس ونزل موضوع باسمي  بس يوم قريت منيفة وربعا عرفت ان قصص خيال الحبيب رجعت للقسم من جديد\ كويس انك نزلت الموضوع في الصيف لان المنتدى شوية ميت وخلينا نستمتع مع هباااااال منيفة دمت بود 
|
|
#4
14-07-10, 09:01 PM
|
|||||||
|
|||||||
جبت الزبده ياحلال المشاكل  ياليتك كاتب مذكرات رحلة عسير  منيفه ياحليله طاهرن قلبه كلمه توديه وكلمه تجيبه بس الغريبه انه رضت ان زوجتك تسمع مشكلته بعض الحريم مايحبن احد يسمع اسرارهن او افكارهن ... خاصه القريبه. وليه الواحد يقول ابسافر اغير جو لأن السفر يحل المشاكل كلها ويريح البال دامك رحت للجنوب جبلي رمان احمر وعسل اصلي  لاتنسى 
|
|
#5
14-07-10, 09:12 PM
|
||||
|
||||
|
يالله كل هذا يبي له قراءة >> ماعاد فيها حيل للقراءة
 بليييز ترايستار اختصر الزبدة وانا اختك ع العموم لي رجعة >> تقول في نفسها يارب يحذفون موضوعه ثمن يرجعونه وهو مختصر 
|
|
#6
14-07-10, 09:14 PM
|
||||
|
||||
|
يعطيك الف الف عافيه شكلك تعبت وانت تكتب
لعلمك فيه كثير يسوون كذا وللأسف انهم يعرفون النتايج اللي من ورا هالسوات لكن تقول لاتلوموني اللي فيني يخليني اسوي اكثر من كذا وللأسف انهم مربيات اجيال الله لاتبلانا ويارب تحفظنا وتبعد عنا كل شر وتهدي منيفه وتغفرلها وتسامحها
|
|
#7
14-07-10, 09:25 PM
|
||||
|
||||
|
ممكن تسويلي ختصآر للمضوع يعني الزبده لاهنت
|
|
#8
14-07-10, 09:31 PM
|
||||
|
||||
|
تعبت وانا اقرا
 بس ماشاء الله من جد نسيت نفسي مع القراءه حسيت كأني معاكم بالرحله  وكلوو كوم والقصيده الصوتيه كوم << رهييييييبه وعلاقتكم مع بعضكم تعجبني ... الله لايغير عليكم ..
|
|
#9
14-07-10, 09:46 PM
|
||||
|
||||
|
والله يالترس قصرت وانا أقرا وتعبت وانا أكتب رد وش زينه << ودها تفوز بالجائزه
....... وفي لحظة غفله جاء واحدن ملقوف مدري وش ظغط وطار الرد ولاعاد لي خلق عصبت ....... المهم مشكووور والله يوسع صدرك بالعافيه أنت وجماعتك وتقبل الله منكم والفوائد من موضوعك واااضحه
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
| راديو قصيمي نت | مطبخ قصيمي نت | قصص قصيمي نت | العاب قصيمي نت |
العرض العادي
