العاب اون لاين: العاب بلياردو | العاب سيارات | العاب دراجات | العاب طبخ | العاب تلبيس |العاب بنات |العاب توم وجيري | العاب قص الشعر |
للشكاوي والاستفسار واستعادة الرقم السري لعضوية قديمة مراسلة الإدارة مراسلتنا من هنا |
|
|
|
أدوات الموضوع | تقييم الموضوع | انواع عرض الموضوع |
#1
|
|||
|
|||
الزواج من الاجنبية هل هو مطلب ام تسلية ؟؟؟؟؟؟؟؟؟؟؟؟؟؟؟؟؟
حقيقة ظهرت على السطح مشكلة الزواج من الاجنبية واقصد هنا الغير سعودية اين كانت جنسيتها وهنا اتسال هل الزواج من الغير سعودية اصبح مطلب او هو نوع من الترفية والتسلية !!؟؟ وهنا لن اقول ان ليس هناك فيئة تضطر الى الزواج من اجنبية كون السعودية ترفضة وهي نسبة قليلة ولها ظروفها ... بينما النسبة الكبيرة تجدة يتزوج لمجرد الاستمتاع وقد يكون متزوجا او انة نظرا لان في تلك البلدان الزواج ليس بذاك المكلف تجدة يتساهل ويتزوج وبالتالي يتركها في بلدها او يطلقها دون ان يعلم احد .. او ان يتركها لكل صيف بالسنة !!! وهنا ظهرت مشاكل الابناء من تلك الامهات فهم لم يحصلوا على جنسية السعودية او حتى تبعوا لامهاتهم فضاعوا والسبب نزوة اب متهور ومستهتر يلعب في الخفاء لنزوة بة ورغبة امتاع واستمتاع والنتائج وخيمة اطفال يضيعون زوجات تترك وتهمل وتنسى فالى هؤلاء اقول لهم الا تتقون الله .. اين العدل .. وماذنب ابنائكم هناك الليسوا لهم نصيب من ابوتكم ونفقاتكم ويرثونكم ..!!؟؟
فمن هنا لابد ان تنظر السلطات الرسمية بالتنسيق مع الدوال الاخرى ان يكون الزواج بعلم من السفارة وان يتقيد بشروط يوافق عليها العريس منها حقوق الزوجة هناك وابناؤها .
|
#2
|
||||
|
||||
اخوي مطر اشكر لك طرح مثل هذه المشكلة التي فعلاً تفشت في مجتمعنا ومع الأسف انتشرت من باب التفاخر بالعاميه "" يعني اني اخذ سوريه او مغربيه واللخ .."" والمشكله تلقاه يتعلث بالرخص وهالكلام كأن الزواج صار تجاره اخي الكريم كون الأجنبيه تكاليف الزواج منها اقل فهذا كلام اكل عليه الدهر وشرب ايام امي وابوي ... لكن هالحين الله لايوريك تكاليف الزواج من أجنبيه صارت دبل 10 مرات من تكاليف الزواج من سعوديه بتقولون ليش ؟؟؟؟
اول شيء لازم يجيب فيزاء وهذه اكيد بتكلف من 10 إلى 20 ألف في أقل الأحوال ولازم مهر بنقول اقل شيء 30 ألف من غير الهدايا والإغرات والذهب اللي ياساتر كل الأجنبيات ماتقدر ترفع يدها من الذهب اللي تلبسة لما تكون متزوجه من سعودي .. طبعا من غير البيت اللي لازم يأمنه لها في ديرتها علشان لما تنزل في الصيف تتفشخر فيه ومن غير هدايا الأهل (( الأب والأم )) هذا من دون الأخوان وطبعا لو عندها اخ لازم يسوي له فيزة عمل وهلمجرة .... وطبعا لما تجي للسعودية تقول ذي كانت عايشه بعز ماحد عاشه تتفقعص وما يعجبها العجب تبي تغير الفرش وتبي تحط وتجيب لحد ماتخلي الرجال مديون وحالته بالهم .... وطبعا من غير التشكي والتبكبك قدام الناس لما يصير بينها وبينه اي مشكلة .... عارفه إني طولت عليكم وكثرت كلام لكن والله إني اتكلم من تجارب يعني مو من فراغ اعرف واحد متزوج مغربيه وماجابها إلا بطلعة الروح ولما جات ماعجبتها الشقة اللي اخذها لها مه انها شقة معقولة بالنسبة لشخصين توهم متزوجين وحنت عليه لحد ماقلبها لها سيراميك وبعد كذا هبلت فيه لحد مانقلها في دور أرضي طبعا ومارضت تأخذ بعض الأثاث بحجة انه مو عاجبها مع انه جديد وحلو ومن الرياض وماصار له 6 شهور واهون كلمه عندها مو عاجبني بكبه .... والله يشهد على ذلك وكل ماصار شيء قامت تحش بالسعوديين والسعوديات انهم همج مغجر ومايعرفون يتعامولون مع الناس ومايعرفون يربون عيالهم .......................الخ اخي الكريم هذا غيض من فيض والله ياموضوعك ذا جا على الجرح تصدق ياأخوي كنت في اندونيسا والفندق اللي كنا فيه مليان سعوديين والله تنقهر عليهم تحس بقلبك نار وشابه كل واحد من هاالشباب مخاوي له اندونيسية وشوف هالدلال اللي يدللها اياه وشوف هالشراء اللي يشتري لها اياه ومنافساة بينهم وبين بعض .... عموما هذا ماعندي وكله من مااشوفه بعيني ومن واقع حياتي.. مابيدي غير اقول الله يهدي شبابنا ورجالنا اللي طايره بوهتهم بهالأجنبيات ......
|
#3
|
||||
|
||||
يا حبي لك يالحنونه كفيتي ووفيتي وفعلاً الزواج من الاجنبيه صار موضة والكل يتبعها البعض يقول ان الاجنبيه أقل تكلفه من السعوديه وهذا غير صحيح وزي ما وضحت حبيبتي اللي قبلي حنونه وفيه البعض يقول ان الاجنبيه احلى وارق وأعذب وأكثر دلال من السعوديه إذا كانت كذلك فالسعودي راح يكون نفس الشي يعني دائماً التعامل بالمثل يكون ولو اني اجزم ان اغلب السعوديات هي التي تلقب بالودود الولود والحنون ايضاً السعوديه تتميز بولاء وحب للزوج واحترام الشي الكثير لانها تربت على كذا تربت ان الزوج هو الآمر الناهي ويجب حفظه بغيبته وحضوره ونقطة ثانيه السعوديه وأغلبهن يتزوجن بسن مبكرة يعني بإماكن الزوج انه يربيها على ما يبغى والفرس من خيالها السعودية لما تحصل زوج يحترمها ويدللها أكيد راح تعامله بالمثل ولا راح تكون أقل من غيرها لكن الظاهر ان الرجال يطالعون في المسلسلات وراء الكاميرات ويجلسون يقارنون بين زوجاتهم وبين اللي جالسه نص يوم عند المرايه وطبقات المكياج هذا بعد تغيير خلقة الله لها والله المستعان انا صحيح طلعت عن محور الحديث بس لازم البزار والبهارات والزواج من الاجنبيه هو اشباع رغبة ونزوة في الرجل السعودي وهدفه في هذه الحاله غير سامي ولن يكون ناجح وخاصة ان كان تزوج بهذه الطريقة فالزواج الذي يبنى على اساس خاطئ فسوف ينهد والآن نسمع كثير من القصص ومن الرجال الذين تزوجوا من اجنبيات انهم لم يستطيعوا العيش على طول مع زوجات بسبب عدم التفاهم لان مجتمعنا يختلف عن المجتمعات الآخرى ونسمع من الرجل انه يقول هذه العبارة ( عجزت اعبش معها ما تعرف لي ولا اعرف لها ) وهذا شي طبيعي يحصل مشكور اخوي غيث الكلمات على مواضيعك الرائعة دائماً متألق وستظل كذلك ان شاء المولى اخت الكل قصيميه
|
#4
|
|||
|
|||
اخواتي نجمات المنتدى : حنونة و قصيمية تحية عطرة
طابت اوقاتكما بالخير والمسرات جداجدا سعيد جدا بموقفكما من هالموضوع ومدى شفافيتكما منة واشكركما على اضافتكما لة وفعلا لكم سررت ان ارى مواقف كهذة من نجمتين متميزتين وامل التواصل معي لاني اسعد دائما برودوكما تمنياتي لكم دائما بطيب الوقت ولكم مني وافر التحيات
|
#5
|
||||
|
||||
موضوع جيد أخي مطر
وكلام حنونة وقصيمية وافي وكافي وأحب أزيد إنه كل ممنوع مرغوب حتى لو هو شين طبعا هذا ليس معمم على كل من أخذ أجنبية فعلا البعض له عذر وليس كل الأجنبيات سيئات بل العكس في منهن بنات عوائل ومنهن محترمات وصاحبات دين وخلق لكن سؤالي هو لمن يذهب للخارج ليتزوج هل لقت زوجته الأولى الدلال والحرية التي تأخذها الأجنبية ولاننسى أن هنالك أجنبيات مظلومات جدا من قبل أزواجهم سواء اللي تأتي أو التي تبقى والله المستعان على ما يقوم به هؤلاء أصحاب النزوات وسلامتكم
|
#6
|
||||
|
||||
ما بعد كلام حنونه وقصيميه شي
كفن ووفن عن اللي ببالي
|
#7
|
|||
|
|||
الزواج حريه شخصيه وعشره عمر يختار الشخص ما يناسبه اللي ما يبينا ما نبيه :md:
|
#8
|
||||
|
||||
للرفع
|
#9
|
|||
|
|||
انا من المؤيدين
من الزواج على اجنبيه واتمنى الزواج من اجنبيه وخاصة اندنوسيه جمال وخفت دم
|
#10
|
||||
|
||||
ولد بريده
وش هذا اندونيسيه
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
قبل الزواج وبعده | حسام الخفاجي | ملتقى الحوار الفكري المفتوح | 8 | 02-08-08 01:38 AM |
غرائب وعادات الزواج عند نساء العالم | أبو سديم | منتدى السواليف وتوسعة الصدر | 2 | 20-07-04 02:05 AM |
طرائف الزواج | كسيرة القلب | منتدى السواليف وتوسعة الصدر | 3 | 08-07-04 03:55 AM |
عوائق الزواج الناجح | سقراط | ملتقى الحوار الفكري المفتوح | 4 | 16-05-04 11:10 AM |
راديو قصيمي نت | مطبخ قصيمي نت | قصص قصيمي نت | العاب قصيمي نت |